१ युहन्‍ना 2:27 - बान्‍तावा राई

²⁷ मेन खानानिन्‌आ ख्रिस्‍तलाम्‍पा सेङ्‌लावा त़तोक्‍तुम्‌युङ्‌सुम, खोक्‍को खानानिन्‌एदा म़युङ, साङ्‌आछाङ खानानिन चिन्‍मा अ़दोत्‍निन, देकिनालो खानानिन सेङ्‌लावाआङा झारा य़ङ्‌ओ अ़तुक्‌वादा ऩचिन्‍तिन। खोक्‍कोसाआ ऩचिन्‍तिन्‌ओ य़ङ अ़छ़ङ मु, खोन्‍कि सोज्‍जेओ अ़मुनिन। खानानिन ऩचिन्‍तिन्‌वात्‍नि ख्रिस्‍तदा युङायाक्‍तानिन।

१ युहन्‍ना 2:27 Referans Kwoze

युहन्‍ना 14:26

मेन यायोक काप़पा सेङ्‌लावा, मो अ़ङ्‌पापाआ अ़ङ्‌ऩङ्‌दा अ़य़, खोक्‍कोसाआ खानानिन झारा य़ङ्‌चि ऩचिन्‍तिन, खोन्‍कि अ़ङ्‌का खानानिन लोनानिन्‌ओ झारा य़ङ खानानिन मित्‍ऩमेत्‍तिन।

१ कोरिन्‍थि 2:13

ओ य़ङ्‌चि आन्‍कान्‍का खाएत्‍तुम्‍च़म्‍का, म़नाओ अ़खारुआ चिन्‍माय़ङ्‌ओ य़ङ्‌चिआ माआङ, मेन सेङ्‌लावाआ ऩचिन्‍तिन्‍काओवा आन्‍कान्‍का लावामि अ़छ़ङ्‌चि लावामि य़ङ्‌चिदा खालुसुम्‍च़म्‍का।

युहन्‍ना 16:13

अ़छ़ङ ओ लावा म़ताहिदा खोक्‍कोसाआ खानानिन झारा अ़छ़ङ्‌दा ऩतित्‍तिन। खोक्‍को आप्‍पिओ अ़चुपाङ्‌लाम्‍पा ऩचेप्‍तिन्‍प़न। खोक्‍कोसाआ दि अ़एन, मो अ़चेप, खोन्‍कि लिसि म़ताओ य़ङ्‌चि खानानिन खाऩएत्‍तिन।

१ थेसलोनिकि 2:13

खोन्‌ओसा आन्‍कान्‍का अ़धुन निनाम्‍हाङ आलाङ प़म्‍का, देकिनालो खानानिन्‌आ आन्‍कान्‍काएदाङ्‌का त़एनुम्‌ओ निनाम्‍हाङ्‌ओ अ़चुय़ङ खानानिन्‌आ म़नाओ अ़य़ङ्‌वा मान्‍लोक्‍त़दोम, मेन अ़नुछ्‍या निनाम्‍हाङ्‌ओ अ़चुय़ङ्‌वात्‍तिङा त़लोउम। मो य़ङ्‌आ खानानिन साकोङ्‌छ़ङ कामुचिएदा काचि मुङु।

२ युहन्‍ना 1:2

देकिनालो अ़छ़ङ आन्‍कान्‌एदा याक्‌याङ, खोन्‍कि अ़धुन युङ्‌युङ।

१ युहन्‍ना 3:24

झारा निनाम्‍हाङ्‌ओ अ़चुलोमाय़ङ्‌चि काकाङ निनाम्‍हाङ्‌एदा म़युङ, खोन्‍कि मोचिएदा निनाम्‍हाङ म़याक। खोक्‍कोसाआ आन्‍कान म़पुवाओ सेङ्‌लावालाम्‍पाङा निनाम्‍हाङ आन्‍कान्‌एदा म़युङ्‌याङ्‌ओ य़ङ आन्‍कान सिन्‍तुम्‌योम।

१ युहन्‍ना 2:28

खोन्‍कि हान अ़चुप्‍पो सोमातुक्‍निङ्‌निओ छाचि ओ, खोक्‍कोएदा युङायाक्‍तानिन, खोन्‌ओसा खोक्‍को खाङ्‌म़मुनान्‍चिन्‌ओ ग़रि आन्‍कान राक तोक्‍तुम्‍ने, खोन्‍कि खोक्‍कोसोओ अ़चुबुदा आन्‍कान लेजोदा अ़छुक्‍तिमिन्‍ने।

१ पत्रुस 1:23

निनाम्‍हाङ्‌ओ अ़ह़ङ खोन्‍कि अ़धुन युङ्‌युङ्‌ओ अ़चुय़ङ्‌लाम्‍पा, लुक्‍खात्‌ओ माआङ, मेन देम्‍खाछाङ अ़लुक्‍निन्‌ओ बिउलाम्‍पा खानानिन अ़ऩङ्‌वा त़लासिन्‍पुक्‍तिन्‌युङ्‌सिन्‍चिन।

कलस्‍सि 2:6

खोन्‌ओसा देत्‍नि खानानिन्‌आ येसु ख्रिस्‍त हाङ्‌पा निकिना त़लोउम, मोवात्‍निङा खानानिन खोक्‍कोएदा ह़ङायुङ्‌सानिन।

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

एफिसि 4:21

येसुएदाओ अ़छ़ङ्‌वात्‍नि खोक्‍कोसोओ अ़चुतुक्‌वादा खानानिन्‌आ त़एनुम्‌ओ खोन्‍कि खोक्‍कोएदा ऩचिन्‍तिन्‌युङ्‌सिन्‍चिन्‌नि मिन्‍ङाङा।

युहन्‍ना 4:14

मेन साङ्‌आ अ़ङ्‌का प़ङ्‍ओ चाक्‌वा दुङु, मो देम्‍खाछाङ वामित्‍मा अ़स़निन। खाक्‍को चाक्‌वा अ़ङ्‌का मो प़ङ, मो मोएदा अ़लुक्‍निन्‌ओ ह़ङ्‌म़ङ्‌ओ निम्‍पाङ लोन्‌याङ्‍ओ बोन्‌वा लि!”

१ तिमोथि 2:7

ओ सालुम्‍स़ङ्‌ओ निम्‍पाङ साकोङ्‌छ़ङ खोन्‍कि अ़छ़ङ्‌ओ अ़तुक्‌वादा निरावाचि नुय़ङ्‌खान खाएत्‍माचि निम्‍पाङ अ़ङ्‌का खाकालु खोन्‍कि छाम्‍माय़ङ्‌दा ऩछेन्‍ताङ्‌ओ। अ़ङ्‌का अ़नुछ्‍या य़ङ्‌ङाङा, अ़ङ्‌का अ़म़प्‍ऩङ्‌ऩङ!

मत्‍ति 13:11

येसुआ मोचि म़लासुलोचि, “खानानिन निनाम्‍हाङ्‌होन्‌ओ अ़कोङ्‌दुम्‌ओ अ़तुक्‌वादा तुप्‍खाताया ऩप़न्‌युङ्‌सिन, मेन निचि माआङ।

युहन्‍ना 6:45

निनाम्‍हाङ्‌य़ङ खाकालुचिआ अ़छाप्‍तायुङ्‌सा, ‘मोचि झारा निनाम्‍हाङ्‌आ म़चिन्‍तुचि।’ झारा साङ्‌आ पापा निनाम्‍हाङ्‌एदाङ्‌का एनु खोन्‍कि चिन्‍नान्‍चिन, मो अ़ङ्‌काएदा ता।

युहन्‍ना 14:16

खोन्‍कि अ़ङ्‌का अ़ङ्‌पापा लोङ, खोन्‍कि खोक्‍कोसाआ आम्‍नुओ निम्‍पाङ नि यायोक काप़ ऩप़न, खोन्‍कि खोक्‍को खानानिन्‌एदा अ़धुन म़युङ।

१ कोरिन्‍थि 2:12

आन्‍कान हेन्‍खामाओ अ़लावा मान्‍तोक्‍दोम, मेन निनाम्‍हाङ्‌एदाङ्‌का सेङ्‌लावा आन्‍कान तोक्‍तुम्‌युङ्‌सुम। खोवात्‍निओसा आन्‍कान निनाम्‍हाङ्‌एदाङ्‌का मोहा म़पुवाओ य़ङ्‌चि तुप्‍मा ऱम्‍च़म।

२ कोरिन्‍थि 1:21

खोन्‍कि आन्‍कान्‍का खानानिन्‌एनान ख्रिस्‍तदा काछो कामु खोन्‍कि आन्‍कान काछेन निनाम्‍हाङ म़युङ्‌याङ।

१ थेसलोनिकि 4:9

मेन साकोङ्‌छ़ङ कामुचिएदा सोमातुक्‍मुमाओ अ़तुक्‌वादा आन्‍कान्‍का खानानिन दित्‍छाङ छाप्‍मा अ़दोत्‍निन, देकिनालो अ़क्‍छा निएदा सोमातुक्‍मुमाओ निनाम्‍हाङ्‌आङा खानानिन ऩचिन्‍तिन्‌युङ्‌सिन।