१ युहन्‍ना 2:24 - बान्‍तावा राई

²⁴ खानानिन्‌आ बुयादाङ्‌का दि त़एनुम्‌युङ्‌सुम, मो खानानिन्‌एदा युङ्‌युङ्‌ने। बुयादाङ्‌काङा त़एनुम्‌ओ मो य़ङ खानानिन्‌एदा युङ्‌युङ्‌नालो खानानिन निनाम्‍हाङ्‌ओ अ़चुछा खोन्‍कि निनाम्‍हाङ पापाएदा त़युङिन।

१ युहन्‍ना 2:24 Referans Kwoze

युहन्‍ना 14:23

येसुआ अ़लासालोवा, “साङ्‌आ अ़ङ्‌का सोमाअ़तुक्‍ङा, मोसाआ अ़ङ्‌चेम्‍मा य़ङ्‌चि मुचि, खोन्‍कि अ़ङ्‌पापाआ मो सोमाअ़तुक, खोन्‍कि आन्‍काचिआ मोएदा ताच्‍या, खोन्‍कि मोएदा याक्च्‍या।

१ युहन्‍ना 4:13

ओदाङ्‌काङा आन्‍कान सिन्‍तुम, आन्‍कान खोक्‍कोएदा युङिन, खोन्‍कि खोक्‍को आन्‍कान्‌एदा म़युङ। देकिनालो खोक्‍कोसाआ अ़चुओ लावा आन्‍कान म़पुवायुङ्‌सा।

१ युहन्‍ना 4:16

खोन्‍कि ओवात्‍नि निनाम्‍हाङ्‌आ आन्‍कान सोमाम़तुक्‍ताओ आन्‍कान सिन्‍तुम्‌योम, खोन्‍कि साकोङ्‌छ़ङ मुन्‌येन। निनाम्‍हाङ सोमाकातुक म़युङ्‌याङ, खोन्‍कि साङ सोमातुक्‍मादा युङ, मो निनाम्‍हाङ्‌एदा युङ, खोन्‍कि निनाम्‍हाङ मोएदा म़युङ।

खाङ्‌मुमा 3:3

खोन्‌ओसा खानानिन दियाको चिन्‍माय़ङ त़तोक्‍तुम खोन्‍कि त़एनुम, मो मान्‍लेत्‌दानुम खोन्‍कि हेवाचिदाङ्‌का लासानिन। खानानिन त़थिन्‍तिमिन्‌नालो अ़ङ्‌का काख़पावा ताङा, खोन्‍कि खाउग़रि ताङा ओ, मोछाङ खानानिन त़सिन्‍तिमिन।

१ युहन्‍ना 2:7

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का अ़ऩङ्‌वा लोमाय़ङ छाप्‍तुङ्‌योङ्‌ओ माआङ, मेन बुयाओ लोमाय़ङ्‌ङा ओ, मो अ़पुङ्‌चिपुक्‌दाङ्‌काङा खानानिन्‌एदा युङाङा।

१ युहन्‍ना 1:3

मो आन्‍कान्‍का खाम्‍काओ खोन्‍कि एनुम्‌युङ्‌सुम्‍काओ, आन्‍कान्‍का खानानिन्‌छाङ खाएत्‍निङ्‌नि, खोवात्‍निओसा आन्‍कान्‍काएनान आम्‍नुओ यावायोक लिने। खोन्‍कि आन्‌यावायोक निनाम्‍हाङ पापा खोन्‍कि खोक्‍कोसोओ अ़चुछा येसु ख्रिस्‍तएनान ओ।

युहन्‍ना 15:7

खानानिन अ़ङ्‌काएदा त़याइन्‌कि अ़ङ्‌य़ङ खानानिन्‌एदा याक्‌नालो खानानिन दे त़मिनिन, मो दोरानुम, खोन्‍कि मो आम्‍नुओ निम्‍पाङ मु।

खाङ्‌मुमा 3:11

अ़ङ्‌का च़क्‍नि ताङाङा। खानानिन्‌एदा याक्‌याङ्‌ओ आम्‍नुओ साकोङ्‌छ़ङ नुलोक क़क्‍तायुङ्‌सानुम, खोन्‌ओसा खानानिन त़छोसिन्‌ओ आम्‍नुओ सिरिफा साङ्‌आछाङ अ़खात्‍तुन।

कलस्‍सि 3:16

ख्रिस्‍तओ अ़चुय़ङ खानानिन्‌एदा च़लोक याक्‍ने। झारा खारुएनान अ़क्‍छानिएदात्‍नि चिन्‍मुवानिन खोन्‍कि चाप्‍चेत्‍मुवानिन। चोन्‍मा छाम, साम्‍ऱङ, खोन्‍कि लावामि छाम लुवानिन। आम्‍नुओ साकोङ्‌वादाओ आलाङ्‌एनान निनाम्‍हाङ्‌एदा छाम लुवानिन।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

फिलिप्‍पि 4:15

अ़नुछ्‍या खानानिन फिलिप्‍पिचि आप्‍पिछाङ त़सिन्‍तुम्‌योम, बुयाओदु खानानिन्‌एदा अ़ङ्‌का नुय़ङ्‌खान तारुङ, खोन्‍किना अ़ङ्‌का माकेदोनियादाङ्‌का हासाङ्‌च़ङ्‌हिदा प़मा खोन्‍कि लोक्‍मा काचिदा खानानिन्‌एदाङ्‌का नि खाक्‍कोछाङ साम्‍भुङ्‌चि अ़ङ्‌काएदा मान्‌वाङ्‌चि।

३ युहन्‍ना 1:3

देम्‍कापाङ ब़ब़, नाना खोन्‍कि निछाचि म़ताकि आम्‍ह़ङ्‌म़ङ्‌ओ अ़छ़ङ्‌ओ अ़तुक्‌वादा सालुम्‍स़ङ अ़पुवाहिदा अ़न्‍नुनु अ़ङ्‌ऩङानुवा। खाना अ़नुछ्‍याङा अ़छ़ङ त़त़ङ।

२ युहन्‍ना 1:2

देकिनालो अ़छ़ङ आन्‍कान्‌एदा याक्‌याङ, खोन्‍कि अ़धुन युङ्‌युङ।

हिब्रु 2:1

खोन्‌ओसा आन्‍कान दि एनुम्‌युङ्‌सुम, मोदा आन्‍कान च़लोक मिन्‍मा पाक्‍मादोत। मोवात्‍निनालो आन्‍कान मोदाङ्‌का अ़थेमिन्‍खारिमिन।

युहन्‍ना 8:25

मोचिआ खोक्‍को अ़सेना, “खाना साङ ओ म़ल़क?” येसुआ मोचि म़लासुलोचि, “अ़ङ्‌का साङ ओ निकिना बुयादाङ्‌काङा लोयाङ्‌सा मुनाङ्‌नानिन्‌ओ, अ़ङ्‌का खोक्‍कोङा ओ।

लुका 1:2

अ़पुङ्‌मादाङ्‌काङा आप्‍पिओ अ़चुम़क्‌आ काखाङ म़नाचि खोन्‍कि निनाम्‍हाङ्‌ओ अ़चुय़ङ खाकाएत्‍चिआ आन्‍कान्‍का खाऩएत्‍तिन्‍काओ य़ङ्‌चि खोचिआ म़छाप्‍तुयुङ्‌सुचि।

लुका 9:44

“अ़ङ्‌का य़ङ्‌मा मुङाङाओ य़ङ्‌चि नुलोक एनानुम्‍च़म। अ़ङ्‌का म़नाओ अ़छा म़नाचिओ अ़चुछुक्‌दा पाक्‍मा ऩमुङाङा।”

युहन्‍ना 6:56

अ़ङ्‌पोक काचा खोन्‍कि अ़ङ्‌ह़ कादुङ अ़ङ्‌काएदा युङ, खोन्‍कि अ़ङ्‌का मोएदा युङ्‌ङा।

१ युहन्‍ना 3:24

झारा निनाम्‍हाङ्‌ओ अ़चुलोमाय़ङ्‌चि काकाङ निनाम्‍हाङ्‌एदा म़युङ, खोन्‍कि मोचिएदा निनाम्‍हाङ म़याक। खोक्‍कोसाआ आन्‍कान म़पुवाओ सेङ्‌लावालाम्‍पाङा निनाम्‍हाङ आन्‍कान्‌एदा म़युङ्‌याङ्‌ओ य़ङ आन्‍कान सिन्‍तुम्‌योम।

१ युहन्‍ना 4:15

साङ्‌आ येसु निनाम्‍हाङ्‌ओ अ़चुछा निकिना लोउ, मोएदा निनाम्‍हाङ म़युङ, खोन्‍कि मो निनाम्‍हाङ्‌एदा युङ।

२ युहन्‍ना 1:9

ख्रिस्‍तओ अ़चुचिन्‍मादा मान्‌युङ्‌कादा खोन्‍कि साङ अ़थाया खात, खोएदा निनाम्‍हाङ ऩयुङ्‌निन। मेन खोक्‍कोसोओ अ़चुचिन्‍मादा कायुङ निनाम्‍हाङ पापा खोन्‍कि अ़चुछा ह़वाङ्‌माङ युङ्‌चि।