१ कोरिन्‍थि 8:6 - बान्‍तावा राई

⁶ मेन आन्‍को निम्‍पाङ अ़क्‍छा ओन्‍ङा निनाम्‍हाङ पापा म़युङ्‌याङ। खोक्‍कोङा झारासोओ कामुन्‍पा म़युङ्‌याङ खोन्‍कि खोक्‍कोसोओ निम्‍पाङ आन्‍कान ह़ङिन। अ़क्‍छा ओन्‍ङा आन्‍हाङ्‌पा, येसु ख्रिस्‍त म़युङ्‌याङ। खोक्‍कोलाम्‍पाङा झारा य़ङ्‌चि अ़मुया खोन्‍कि खोक्‍कोलाम्‍पाङा आन्‍कान ह़ङिन।

१ कोरिन्‍थि 8:6 Referans Kwoze

रोमि 11:36

देकिनालो झारा सामाचि खोक्‍कोएदाङ्‌का, खोक्‍कोलाम्‍पा खोन्‍कि खोक्‍कोसोओ निम्‍पाङ ओ। खोक्‍कोसोओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

युहन्‍ना 1:3

झारा सामा खोक्‍कोसाआ अ़मुया, खोन्‍कि मुयाओ खाक्‍कोछाङ सामा खोक्‍को मात्‍द़ङ मान्‍मुन।

१ कोरिन्‍थि 8:4

खोन्‌ओसा सेम्‍पोक प़माय़ङ्‌ओ चामायु चामाओ अ़तुक्‌वादा आन्‍कान सिन्‍तुम्‌योम, ओ हेन्‍खामादा सेम्‍पोक्‌चिओ अ़चुदित्‍छाङ मात्‍द़ङ, मेन अ़क्‍छा निनाम्‍हाङ्‌एदाङ्‌का नि मात्‍द़ङ।

छाम्‍माय़ङ 17:28

‘आन्‍कान खोक्‍कोएदा ह़ङिन, खोन्‍कि खोक्‍कोएदा कोलिन थाङिन, खोन्‍कि खोक्‍कोएदा आन्‍कान युङिन।’ ओसोओ अ़तुक्‌वादा आम्‍नुओ अ़क्‍छा मित्‍माय़ङ काछाप्‌आछाङ छाप्‍तुयुङ्‌सु, ‘आन्‍कान खोक्‍कोसोओङा अ़छाचि ओ।’

युहन्‍ना 14:20

मो लेन खानानिन्‌आ त़सिन्‍तुम, अ़ङ्‌का अ़ङ्‌पापाएदा याक्‍ङाङा, खोन्‍कि खानानिन अ़ङ्‌काएदा, खोन्‍कि अ़ङ्‌का खानानिन्‌एदा याक्‍ङाङा ओ।

१ कोरिन्‍थि 12:3

खोन्‌ओसा खानानिन्‌आ ओ य़ङ तुप्‍तानुम्‌नि अ़ङ्‌का मिन्‍ङा, निनाम्‍हाङ्‌ओ अ़चुलावालाम्‍पा काचेप साङ्‌आछाङ “येसु माङ्‌हिम्‍ने”नि अ़य़ङ्‌निन, खोन्‍कि सेङ्‌लावालाम्‍पा ओन्‍ङा “येसुङा हाङ्‌पा ओ”नि य़ङ्‌मा ऱ।

छाम्‍माय़ङ 2:36

खोन्‌ओसा झारा इस्राएलिचिआ ओ य़ङ अ़नुछ्‍या सिन्‍मादोत, ओ येसु क्रुस्‌दा खानानिन्‌आ त़ख़न्‍तुम्‍सेरुम। खोक्‍कोङा निनाम्‍हाङ्‌आ हाङ्‌पा खोन्‍कि ख्रिस्‍त अ़मुवायुङ्‌सा।”

युहन्‍ना 20:17

येसुआ मो अ़लोवा, “अ़ङ्‌का मान्‍लाप्‌युङ्‌दाङ, देकिनालो अ़ङ्‌का ओन्‍ग़रितारि निनाम्‍हाङ पापाएदु मान्‍खात्‌युक्‍ङा। अ़ङ्‌निछाचिएदा खाराकि मोचि खाएत्‍तुचि, ‘अ़ङ्‌पापा खोन्‍कि आम्‍नुओ पापा खोन्‍कि अ़ङ्‌निनाम्‍हाङ खोन्‍कि आम्‍नुओ निनाम्‍हाङ्‌एदा खात्‍ङाङा।’”

युहन्‍ना 13:13

खानानिन्‌आ अ़ङ्‌का ‘काचिन्‍पो’ खोन्‍कि ‘हाङ्‌पो’नि त़लोङाङाऩङ, मो खानानिन तोङ्‌लो त़य़ङिन्‌येन। देकिनालो अ़ङ्‌का खोक्‍कोङा ओ।

मत्‍ति 28:18

खोन्‍कि येसु मोचिएदा म़ताकि म़लोचि, “निनाम्‍मा खोन्‍कि हेन्‍खामादाओ झारा पाङ अ़ङ्‌का ऩपुवाङ्‌युङ्‌साङ।

मत्‍ति 11:27

खोन्‍किना येसु म़य़ङा, “अ़ङ्‌पापाआ झारा सामाचिएदा पाङ्‌मुमा सावा अ़ङ्‌का ऩपुवाङ्‌युङ्‌साङ। निनाम्‍हाङ्‌ओ अ़चुछा साङ निकि अ़ङ्‌पापाएदाङ्‌का साङ्‌आछाङ अ़सिन्‍तुन। अ़ङ्‌पापा साङ निकिना अ़ङ्‌काएदाङ्‌का साङ्‌आछाङ अ़सिन्‍तुन। खोन्‍कि अ़ङ्‌का साङ्‌एदा खाङ मुमानि मिन्‍ङा, मोएदाङ्‌का नि साङ्‌आछाङ अ़ङ्‌पापा साङ निकिना अ़सिन्‍तुन।

युहन्‍ना 17:3

खानानिन अ़क्‍छा ओन्‍ङा ओ अ़नुछ्‍याओ निनाम्‍हाङ त़युङिन्‌येन, खोन्‍कि खानानिन्‌आ येसु ख्रिस्‍त त़छुत्‍तुम। खानानिन खोन्‍कि खो सिन्‍मालाम्‍पा अ़लुक्‍निन्‌ओ ह़ङ्‌म़ङ अ़तोक।

युहन्‍ना 10:30

अ़ङ्‌पापा खोन्‍कि अ़ङ्‌का अ़क्‌तात्‌ङा ओ।”

खाङ्‌मुमा 1:18

अ़ङ्‌काङा अ़ह़ङ ओ। अ़ङ्‌का सुवाङ्‌दाङ्‌ओ, खानुम, अ़ङ्‌का अ़धुन-अ़धुन्‌तारिओ निम्‍पाङ ह़ङ्‌ङाङा। खोन्‍कि स़माओ खोन्‍कि सित्‍म़ङ दुखा तोक्‍खायुओ अ़होत्‍खाचि अ़ङ्‌काएदा म़युङ्‌याङ।

एफिसि 3:14

खोन्‌ओसा अ़ङ्‌का निनाम्‍हाङ पापाओ अ़चुबुदा अ़ङ्‌तुम्‍प़छ़क तोम्‍तुङ्‌योङ।

१ कोरिन्‍थि 1:2

अ़ङ्‌का ओ छाप्‍लावा खानानिन कोरिन्‍थ सहरादा कायुङ निनाम्‍हाङ्‌ओ अ़चुसाम्‍भुङ्‌चिदा छाप्‍नाङ्‌नानिन। खानानिन निनाम्‍हाङ्‌आ अ़चुओ म़सेङ्‌याङ्‌ओ म़नाचि लिसि ऩबुत्‍तिन। हाङ्‌पा येसु ख्रिस्‍तओ अ़चुऩङ काबुत झारादात्‍निओ म़नाचि खोक्‍कोसाआ म़सेङ्‌सुचिओवात्‍नि खानानिन्‌छाङ ख्रिस्‍त येसुलाम्‍पा सेङ्‌लो ऩमुन्‌युङ्‌सिन। येसुङा मोचिओ खोन्‍कि आन्‍हाङ्‌पा म़युङ्‌याङ।

छाम्‍माय़ङ 5:31

खोन्‍किना इस्राएलिचिआ हेवा मुमा अ़छित्‌कि अ़चुहेवा लेत्‍मा अ़तोक्‍ने निकिना निनाम्‍हाङ्‌आ खोक्‍को अ़चुचुप्‍ताङ्‌छुक्‌लिप्‍पा अ़झोइसाकि हाङ खोन्‍कि कालेन्‍पा अ़मुवा।

कलस्‍सि 1:6

निनाम्‍हाङ्‌ओ अ़नुछ्‍याओ अ़चुसोम्‍तुक्‍मा खानानिन्‌आ त़एनुम्‌कि त़तुप्‍तुम्‌ओ लेन्‌दाङ्‌का नुय़ङ्‌खान्‌आ आम्‍नुओ रादा अ़सिवा सिसुङु। मोवात्‍निङा ओ नुय़ङ्‌खान्‌आ झारा हेन्‍खामादा फेयाङ्‌सा काचि मुङु।

एफिसि 1:3

आन्‍हाङ्‌पा येसु ख्रिस्‍तओ अ़चुनिनाम्‍हाङ खोन्‍कि अ़चुपाओ अ़चुऩङ चोन्‍ने, खोक्‍कोसाआ आन्‍कान निनाम्‍मादुओ युङ्‌खाचिदा झारा लावामि आसिखा ख्रिस्‍तदा म़पुवायुङ्‌सा।

१ कोरिन्‍थि 6:13

“चामायु बुक्‌ओ निम्‍पाङ ओ, बुक चामायुओ निम्‍पाङ ओ।” मेन निनाम्‍हाङ्‌आ ह्‍वातात्‍माङ म़लुक्‍तुचि। पोक ताङ्‌लान्‌ओ निम्‍पाङ माआङ, मेन हाङ्‌पाओ निम्‍पाङ ओ, खोन्‍कि हाङ्‌पा पोक्‌ओ निम्‍पाङ ओ।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

युहन्‍ना 1:10

मो य़ङ हेन्‍खामादा म़युङाङा, खोन्‍कि मो हेन्‍खामा खोक्‍कोसाआङा अ़मुया। खोन्‍नुछाङ हेन्‍खामादाओ म़नाचिआ खोक्‍को मान्‍सिन्‌अ़दा।