१ कोरिन्‍थि 7:30 - बान्‍तावा राई

³⁰ काखाप्‌चि मान्‍खाप्‍कादाचिवात्‍नि अ़चुऩङाकानुचि अ़चुऩङामान्‍नुकादाचिवात्‍नि म़युङ्‌ने, खोन्‍कि दि-दि काखित्‌चि, खोचिएदा दित्‍छाङ मात्‍द़ङ्‌वात्‍नि म़युङ्‌ने।

१ कोरिन्‍थि 7:30 Referans Kwoze

युहन्‍ना 16:22

खोन्‌ओसा ओन्‍ग़रि खानानिन दुखा लि, मेन अ़ङ्‌का खानानिन लोनाखाङ्‌नानिन, खोन्‍कि आम्‍नुओ साकोङ्‌वाओ अ़ऩङानु। खोन्‍किना साङ्‌आछाङ आम्‍नुओ ऩङानुमा खानानिन्‌एदाङ्‌का त़ङाप्‍तिमिन।

लुका 6:25

अ़चाअ़त्‍मादा त़छुक्‍तिन ओन्‍ग़रि बुक काखाचि ओ! देकिनालो खानानिन मान्‍चामाङ त़युङिन। अ़चाअ़त्‍मादा त़छुक्‍तिन ओन्‍ग़रि काइचि ओ! देकिनालो खानानिन त़खाविन खोन्‍कि त़पारिन।

लुका 6:21

ओन्‍ग़रि साकास़चि, खानानिन आसिखा कातोक्‌चि ओ, देकिनालो आम्‍नुओ बुक खा। ओन्‍ग़रि खानानिन काखाप्‌चि ओ, खानानिन आसिखा कातोक्‌चि ओ, देकिनालो खानानिन त़इन।

खाङ्‌मुमा 18:7

मो देम साऩङ्‌वा आप्‍पि मेत्‍तान्‍चिन, देम ऩङ्‌नुखालोक्‍ताखा मो युङा खोन्‍ङा दुखा खोन्‍कि योक्‍मा पुवानुम। देकिनालो मोसाआ अ़मिन्‍मादा ऱक्‍भाक मु, ‘अ़ङ्‌का तोक्‍पो हाङ्‌मा लिसाङ्‌कि युङ्‌ङाङा, अ़ङ्‌का मेन्‍मित्‍मा माआङ, अ़ङ्‌का देम्‍खाछाङ सोखा मुमा अ़दोत्‍निन।’

खाङ्‌मुमा 7:17

देकिनालो हाङ्‌युङ्‌खाओ अ़रादा कायुङ थुबाछा मोचिओ अ़चुकाखाङ म़लिकि म़रात्‍तुचि। खोक्‍कोसाआ मोचि अ़ह़ङ बोन्‌वा चाक्‌वादा म़तित्‍तुखात्‍तुचि। खोन्‍कि निनाम्‍हाङ्‌आ मोचिओ अ़चुम़क्‌चिदाङ्‌का झारा अ़चुम़क्‌वाचि म़त़क्‍तुप़चि।”

लुका 16:25

मेन अब्राहाम्‌आ मो लो, ‘अ़ङ्‌छाओ, मित्‍तु। खाना आम्‍ह़ङ्‌म़ङ्‌दा अ़नुवाक-अ़नुवाक सामाचि त़याङुचि, मेन लाजरस्‌आ ना अ़न्‍नुनु चाअ़त्‍लो दुखा आङ्‌तु। खोन्‌ओसा हान ओदा लाजरस अ़ऩङानुयाङ्‌सा चानुलो युङ्‌याङ खोन्‍कि खाना अ़न्‍नुनु चाअ़त्‍लो दुखा त़तोक्‌याङ।

१ कोरिन्‍थि 7:29

ब़ब़, नाना खोन्‍कि निछाचि ओ, अ़ङ्‌का य़ङ्‌ङाङाओ ओङा ओ, ग़रि दुन्‌याङ, खोन्‍कि हान्‌दाङ्‌का खिम्‍हाङ्‌मा कातोक्‌चि खिम्‍हाङ्‌मा मात्‍द़ङ्‌वा म़लिकि म़युङ्‌ने।

१ कोरिन्‍थि 7:31

हेन्‍खामादाओ सामाचि कायाङ्‌चिआ मो सामाचिदा मिन्‍मा ऩपाक्‍तुन्‌ओवात्‍नि म़च़ने। देकिनालो ओन्‍ग़रि ओ हेन्‍खामाओ अ़कात्‍मा माखात।