१ कोरिन्‍थि 3:16 - बान्‍तावा राई

¹⁶ दि खानानिन निनाम्‍हाङ्‌ओ अ़चुब़क्‍खाखिम खोन्‍कि निनाम्‍हाङ्‌ओ अ़चुलावा खानानिन्‌एदा म़याक निकिना त़सिन्‍तिमिन्‌येन?

१ कोरिन्‍थि 3:16 Referans Kwoze

१ कोरिन्‍थि 6:19

आम्‍नुओ पोक निनाम्‍हाङ्‌ओ सेङ्‌लावाओ अ़चुब़क्‍खाखिम्‌ओ निकिना दि खानानिन त़सिन्‍तिमिन्‌येन? मो सेङ्‌लावा खानानिन्‌आ निनाम्‍हाङ्‌दाङ्‌का त़तोक्‍तुम्‌युङ्‌सुम, खोन्‍कि खोक्‍को खानानिन्‌एदा म़याक। खानानिन्‌छाङ आम्‍नुओ माआङ।

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

रोमि 8:11

येसु म़सुवादाओदाङ्‌का अ़ह़ङ कामुओ अ़चुलावा खानानिन्‌एदा म़याक्‌नालो ख्रिस्‍त येसु म़सुवादाओदाङ्‌का काह़ङ्‌लोन्‌आ खानानिन्‌एदा कायाक खोक्‍कोसोओ अ़चुलावालाम्‍पा स़दाओ आम्‍नुओ पोक्‌छाङ ह़ङ्‌म़ङ अ़प़।

युहन्‍ना 14:17

खोक्‍को अ़छ़ङ ओ लावा म़मुयाङ, खोक्‍को हेन्‍खामाआ लोक्‍मा अ़ऱन, देकिनालो हेन्‍खामाआ खोक्‍को ना खा, ना सिन्‍तु। खानानिन्‌आ खोक्‍को त़सिन्‍तुम, देकिनालो खोक्‍को खानानिन्‌एनान म़याक, खोन्‍कि खोक्‍को खानानिन्‌एदा म़युङ्‌युङ।

रोमि 8:9

मेन खानानिन आम्‍नुओ हेवामि मित्‍माचिआ ऩक़म्‍तिमिन्‌येन। खानानिन्‌एदा निनाम्‍हाङ्‌ओ अ़चुलावा म़युङ्‌याङ्‌नालो खानानिन सेङ्‌लावाआ ऩक़म्‍तिन्‌युङ्‌सिन। मेन साङ्‍एदा ख्रिस्‍तओ अ़चुलावा ऩयाक्‍निन, मो म़ना ख्रिस्‍तओ माआङ।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

२ तिमोथि 1:14

खाना ऩपुवाओ अ़नुवाक य़ङ्‌चि आन्‍कान्‌एदा कायाक सेङ्‌लावाओ अ़सावाआ रात्‍तुयुङ्‌सु।

हिब्रु 3:6

मेन ख्रिस्‍त निनाम्‍हाङ्‌ओ अ़चुखिम्‌दा पाङ कामु छावात्‍नि सोम्‍कुवा मुमा खान्‍तुओ म़मुयाङ। खोन्‍कि आन्‍कान तोक्‍पो लिमायु आन्‍राक खोन्‍कि ख्रिस्‍तएदाओ आन्‍सोम्‍कुवा क़क्‍तुम्‌युङ्‌सुम्‌नालो आन्‍कान खोक्‍कोसोओ अ़चुखिम्‌दाओ म़नाचि ओ।

१ युहन्‍ना 4:12

साङ्‌आछाङ निनाम्‍हाङ देम्‍खाछाङ मान्‍खाङ्‌युक्‍तु। मेन आन्‍कान अ़क्‍छा निएदा सोमातुक्‍मुन्‌नालो निनाम्‍हाङ आन्‍कान्‌एदा म़युङ, खोन्‍कि खोक्‍कोसोओ अ़चुसोम्‍तुक्‍मा आन्‍कान्‌एदा ताला।

रोमि 6:3

आन्‍कान बप्‍तिस्‍मा लोउम्‌कि ख्रिस्‍त येसुएनान अक्‍निवा लिसिन्‌हिदा खोक्‍कोएनान अ़क्‍नि आन्‍कान स़न्‌युङ्‌सिन। ओ य़ङ खानानिन त़सिन्‍तिमिन्‌येन?

१ कोरिन्‍थि 9:24

दि खानानिन त़सिन्‍तिमिन्‌येन, लोत्‍मा होरादा झारा कालोत्‌चि म़लोत, मेन सिरिफा अ़क्‍छाआ ओन्‍ङा तोक्‍तु? मोवात्‍निङा खानानिन्‌छाङ सिरिफा तोक्‍मा निम्‍पाङ लोरानिन।

१ कोरिन्‍थि 9:13

दि खानानिन त़सिन्‍तिमिन्‌येन, निनाम्‍हाङ ब़क्‍खाखिम्‌दा काचि कामुआ निनाम्‍हाङ ब़क्‍खाखिम्‌दाङ्‌काङा चामायु अ़तोक, खोन्‍कि हेन्‍खोक्‌वा धान्‍खादा काचि कामुचिआ हेन्‍खोक्‌वा धान्‍खादाङ्‌काङा अ़चुलोक अ़तोक?

१ कोरिन्‍थि 6:9

मान्‍साम्‌योक्‍मिचिआ निनाम्‍हाङ्‌ओ अ़चुहाङ्‌होन्‌दुओ पाङ ऩतोक्‍तुन्‌नि दि खानानिन त़सिन्‍तिमिन्‌येन? धान्‍मादा मान्‍छुक्‍दानिन। काचान्‍चाचि, सेम्‍पोक काब़क्‌चि, ताङ्‌लान कामुचि, दुवाछा-दुवाछा काचान्‍चाचि,

१ कोरिन्‍थि 6:16

काचान्‍चामाएदा काखात म़ना खो मोएनान अ़क पोक लिचि निकिना दि खानानिन त़सिन्‍तिमिन्‌येन? देकिनालो साम्‍कालिन्‌दा ओवात्‍नि छाप्‌याङ, “मो ह़वाङ्‌माङ अ़क पोक लिचि।”

१ कोरिन्‍थि 5:6

आम्‍नुओ ऱक्‍भाक अ़नुवाक माआङ। उन्‍नि खमिराआ झारा बुत्‍थ़ बोप होम्‍सुलोइसुनि दि खानानिन्‌आ त़सिन्‍तिमिन्‌येन?

याकुब 4:4

ताङ्‌लान कामु म़नाचि ओ, हेन्‍खामाएनान यावाकामु ना निनाम्‍हाङ्‌ओ अ़चुङेङ्‌ओनि दि खानानिन त़सिन्‍तिमिन्‌येन? खोन्‌ओसा साङ हेन्‍खामाओ अ़यावा लिमा लाम, मो निनाम्‍हाङ्‌ओ अ़चुङेङ लि।

रोमि 6:16

दि खानानिन त़सिन्‍तिमिन्‌येन, लोमाय़ङ हारुक्‌चिवात्‍नि खानानिन साङ आप्‍पि त़प़न्‍लाविन्‍चिन, खानानिन लोन्‌ओवा त़च़न्‌ओ आम्‍नुओ हाङ्‌पाओ अ़चुहारुक्‌चि ओ। खानानिन हेवाओ अ़हारुक लिमा त़ऱन, मोसाआ स़मादा त़खात्‍तिन। माङ्‌लो खानानिन निनाम्‍हाङ्‌आ लोमाय़ङ छेन्‍मा त़ऱम, मोसाआ साम्‌योक्‍मि ह़ङ्‌म़ङ्‌दा त़खात्‍तिन।

१ कोरिन्‍थि 3:9

देकिनालो आन्‍काच्‍या ना निनाम्‍हाङ्‌ओ निम्‍पाङ अ़क्‍नि अ़चुकाचि कामुचिओ। खानानिन निनाम्‍हाङ्‌ओ अ़चुव़क ओ, निनाम्‍हाङ्‌ओ अ़चुखिम्‌ओ।

१ कोरिन्‍थि 3:17

खाक्‍कोसाआ निनाम्‍हाङ्‌ओ अ़चुब़क्‍खाखिम अ़लुक्‌नालो निनाम्‍हाङ्‌आ मो अ़लुक। देकिनालो निनाम्‍हाङ्‌ओ अ़चुब़क्‍खाखिम सेङ्‌याङ खोन्‍कि मो ब़क्‍खाखिम खानानिन्‌ङा ओ।

१ तिमोथि 3:15

मेन अ़ङ्‌का बान्‍मा छ़ङानालो निनाम्‍हाङ्‌ओ अ़चुखिम्‍लुम्‍पादा देत्‍नि तुङ्‌मादोत मो खानानिन सिन्‍मादोत। ओ खिम्‍लुम्‍पा अ़ह़ङ निनाम्‍हाङ्‌ओ अ़चुसाम्‍भुङ ओ, खोन्‍कि अ़नुछ्‍याओ अ़तोम्‍खा खोन्‍कि छ़ङ ओ।