१ कोरिन्‍थि 15:3 - बान्‍तावा राई

³ देकिनालो साम्‌योक छाप्‍लावावात्‍नि ख्रिस्‍त आन्‍हेवाचिओ निम्‍पाङ म़सुवानिओ नुय़ङ्‌खान अ़ङ्‌का तोक्‍तुङ, मो अ़ङ्‌का झारादाङ्‌का तोक्‍पो अ़च़वाङ्‌वा खानानिन प़नानिन।

१ कोरिन्‍थि 15:3 Referans Kwoze

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।

गलाति 1:4

आन्‍निनाम्‍हाङ पापाओ अ़चुमिन्‍मावा येसु ख्रिस्‍तआ आइमित्‌ओ अ़अ़त्‍पा हेन्‍खामादाङ्‌का आन्‍कान फोङ्‌लोइसि आन्‍हेवाचिओ अ़फान्‌दा खोक्‍को आप्‍पि म़पुवान्‍चिन।

१ युहन्‍ना 2:2

खोक्‍को आन्‍हेवा लेत्‍मा निकिना हेन्‍खोक्‌वा म़लिसा, खोन्‍कि आन्‍को निम्‍पाङ ओन्‍ङा माआङ, मेन झारा हेन्‍खामादाओ म़नाचिओ निकिनाछाङ ओ।

गलाति 1:12

देकिनालो ओ दिवापाचिदाङ्‌का अ़ङ्‌का तोक्‍तुङ्‌ओ माआङ, ना ओ अ़ङ्‌का खाक्‍कोसाआ अ़चिन्‍ताङ्‌ओङा ओ, मेन ओ अ़ङ्‌का येसु ख्रिस्‍तओ अ़चुसाम्‌लाम्‍पा तोक्‍तुङ्‌ओ।

खाङ्‌मुमा 1:5

ओ य़ङ्‌चिओ साकोङ्‌छ़ङ मुमा खान्‍तुओ सालुम्‍स़ङ खोन्‍कि म़सुवादाओचिदाङ्‌का बुदा म़खोन्‍तालोन्‍ताओ खोन्‍कि हेन्‍खामादाओ झारा हाङ्‌चिएदा हाङ्‌काचि कामु येसु ख्रिस्‍तलाम्‍पाछाङ खानानिन सोमातुक्‍मा खोन्‍कि सेवाङ्‌नि। खोक्‍कोसाआ आन्‍कान सोमाम़तुक, खोन्‍कि खोक्‍कोसोओ अ़चुस़मा हेन्‍खोक्‌वाआ आन्‍कान आन्‍हेवादाङ्‌का म़फोङ्‌सायुङ्‌सा।

रोमि 4:25

येसु आन्‍हेवाचिओ निम्‍पाङ म़सुवा खोन्‍कि आन्‍कान साम्‌योक्‍मि कान्‍माओ निम्‍पाङ म़सुवादाओदाङ्‌का निनाम्‍हाङ्‌आ अ़लासाखोन्‍तालोइसा।

एफिसि 5:2

देत्‍नि ख्रिस्‍तआ आन्‍कान सोमाम़तुक्‍ता खोन्‍कि निनाम्‍हाङ्‌ओ निम्‍पाङ नाम्‍नुयाङ्‌ओ छुक्‍दाम खोन्‍कि हेन्‍खोक्‌वावात्‍नि म़लिसाकि खोक्‍को आप्‍पि आन्‍को निम्‍पाङ म़सुवा, मोवात्‍नि खानानिन्‌छाङ सोमातुक मुवानिन।

२ कोरिन्‍थि 5:21

खोन्‌ओसा आन्‍कान खोक्‍कोएदा निनाम्‍हाङ्‌आ अ़नुवाक कान्‍मा म़ऱने निम्‍पाङ हेवाङा मान्‍मुकादा ख्रिस्‍त निनाम्‍हाङ्‌आ आन्‍को निम्‍पाङ हेवाओ हेन्‍खोक्‌वा अ़मुवा।

१ कोरिन्‍थि 11:23

देकिनालो हाङ्‌पाएदाङ्‌का अ़ङ्‌का दि तोक्‍तुङ, मो खानानिन प़नायुङ्‌नानिन। लाप्‍खावा म़चाओ अ़खाखुत हाङ्‌पा येसुआ पेम्‍पाक अ़क़क्‍ता,

छाम्‍माय़ङ 3:18

मेन ख्रिस्‍तआ दुखा आङ्‌मादोत निकिना निनाम्‍हाङ्‌आ ब़द्‍धे बुया झारा निनाम्‍हाङ्‌य़ङ खाकालुचिलाम्‍पा म़चेवाओ य़ङ खोक्‍कोसाआ अ़तासाला।

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

१ पत्रुस 1:11

ख्रिस्‍तआ दुखा आङ्‌मादोत खोन्‍कि आदेङ साया अ़तोक निकिना बुयादाङ्‌काङा ख्रिस्‍तओ अ़चुलावाआ मोचि खाङ्‌म़मेत्‍तुङुचिहिदा, देम्‍खा खोन्‍कि देत्‍नि मोवात्‍नि लि निकिना सिन्‍मा खोचि म़लामा।

एफिसि 1:7

निनाम्‍हाङ्‌ओ अ़न्‍नुनु अ़चुसोम्‍तुक्‍माआ ख्रिस्‍तओ अ़चुहेन्‍खोक्‌वालाम्‍पा खोक्‍कोसाआ म़फोङ्‌सा खोन्‍कि आन्‍हेवाचि म़लेत्‍ता।

गलाति 3:13

आन्‍को निम्‍पाङ माङ्‌हिम म़लिसाकि य़ङ्‌हुप्‌आ तारुओ माङ्‌हिम्‌दाङ्‌का ख्रिस्‍तआ आन्‍कान म़लेइसा, देकिनालो “स़ङ्‌दा क़ङ्‌माय़ङ झारा माङ्‌हिम लि”नि छाप्‌याङ।

रोमि 3:25

निनाम्‍हाङ्‌आ ख्रिस्‍तओ अ़चुह़लाम्‍पा हेवादाङ्‌का लेन्‍मा निम्‍पाङ खोक्‍कोसाआ हेन्‍खोक्‌वा लिसि ख्रिस्‍त म़पुवा। मो लेन्‍माय़ङ साकोङ्‌छ़ङ्‌लाम्‍पा लोक्‍मादोत। ओ काचि निनाम्‍हाङ्‌आ अ़चुसाम्‌योक्‍मि खाङ्‌मुमा निम्‍पाङ अ़मुवा ओ, देकिनालो खोक्‍कोसोओ नुलोक अ़चुहुङ्‌मादा बुया म़मुवाओ आन्‍हेवाचिदा खोक्‍कोसाआ दन्‍दा मान्‍प़म़दा।

मत्‍ति 26:28

ओ अ़ऩङ्‌वा य़ङ्‌छ़ङ्‌ओ अ़ङ्‌ह़ ओ, मो ब़द्‍धेसोओ निकिना हेवा लेत्‍माओ निम्‍पाङ सोन।

१ पत्रुस 3:18

देकिनालो ख्रिस्‍त्‌छाङ आन्‍कान निनाम्‍हाङ्‌एदा तात्‍मा निम्‍पाङ साम्‌योक्‍मि म़ना मान्‍साम्‌योक्‍मिचिओ निकि खोक्‍को अ़धुन्‌ओ निम्‍पाङ हेवामिचिओ अ़चुफान्‌दा अ़क्‍दु म़सुवा। खोक्‍को पोक्‌दा म़सुवा, मेन लावादा म़खोन्‍तालोन्‍ता।

हिब्रु 5:3

मोवात्‍निओसा म़नाचिओ अ़चुहेवाचिओ निम्‍पाङ ओन्‍ङा माआङ, मेन आप्‍पि अ़हेवाओ निम्‍पाङ्‌छाङ हेन्‍खोक्‌वा धान्‍मादोत।

हिब्रु 5:1

झारा मुलो काब़क्‍पा अ़चुओ म़नाचिदाङ्‌का म़छेन्‍तुचि। खोन्‍कि म़नाचिओ लिप्‍पादा हेवाओ निम्‍पाङ निनाम्‍हाङ्‌एदा छुक्‍दाम खोन्‍कि हेन्‍खोक्‌वाचि प़सि म़पाउचि।

१ कोरिन्‍थि 11:2

अ़ङ्‌का खानानिन चोन्‍नाङ्‌नानिन, देकिनालो झारा य़ङ्‌दा खानानिन्‌आ अ़ङ्‌का त़मित्‍ताङ्‌ऩङ खोन्‍कि अ़ङ्‌का खानानिन प़नानिन्‌ओ च़माथाङ्‌माचि त़मुम्‌युङ्‌सुम्‍च़म।

मत्‍ति 26:24

म़नाओ अ़छा ना खोक्‍कोसोओ अ़तुक्‌वादा साम्‍कालिन्‌दा छाप्‍तावात्‍नि खात। मेन अ़चाअ़त्‍मादा छुक मो म़ना, साङ्‌आ म़नाओ अ़छा धान्‍तु। मो म़ना ना मान्‍लिओदे खोसोओ निम्‍पाङ अ़नुवाक लिसाओ।”

लुका 24:25

खोन्‍ग़रि येसुआ मोचि म़लोचि, “खामान्‍तुप्‍कादा म़नाचिओ, आम्‍चुओ साकोङ्‌वा चाअ़त्‍लो मान्‍तुप्‍कादा लिसायुङ्‌सा। देत्‍निकि निनाम्‍हाङ्‌य़ङ खाकालुचिआ ऩलोन्‌ओ य़ङ्‌चि साकोङ्‌छ़ङ मुमा मान्‍ऱत़दाचु ओ!

छाम्‍माय़ङ 8:32

खोसाआ खिप्‍तुङुओ साम्‍कालिन्‌ओ अ़धाङ्‌दा ओवाको याआङा, “खोक्‍को भेरावात्‍निङा सेत्‍सि अ़खात्‍ता। खोन्‍कि देत्‍नि थुबाछा अ़मुवा काक़प्‍पाओ अ़बुदा वाइवेत युङ, खोवात्‍निङा खोक्‍कोछाङ मान्‍चेप्‍माङ म़युङा।

छाम्‍माय़ङ 17:2

पावल अ़धुन चुवाङावा यावायोक्‍खिम्‌दा वाङा। खोसाआ सुम्‌कासातातारि साम्‍कालिन्‌ओ अ़तुक्‌वादा मोदाओ म़नाचिएनान दुम्‍म़तुसा।