१ कोरिन्‍थि 13:7 - बान्‍तावा राई

⁷ सोम्‍तुक्‍माआ झारा य़ङ्‌चि दिप्‍तुचि, झारा य़ङ्‌चिदा साकोङ्‌छ़ङ मु, झारा य़ङ्‌चिदा सोम्‍कुवा मु, झारा य़ङ्‌चि आङ्‌तुचि।

१ कोरिन्‍थि 13:7 Referans Kwoze

१ पत्रुस 4:8

झारादाङ्‌का बुया आम्‍नुओ रादा अ़क्‍छा निएदा साकोङ्‌वादाङ्‌का सोम्‍तुक्‍मुवानिन। देकिनालो सोम्‍तुक्‍माआङा खिप्‍मा अ़ऱन्‍मिन्‌ओ हेवाचि दिप्‍तुचि।

१ कोरिन्‍थि 13:4

सोम्‍तुक्‍मा हुङ्‌मा काऱ खोन्‍कि फामामिन्‍मा मु, सोम्‍तुक्‍मा ऩङ्‌च़ अ़मुनिन, ना ऱक्‍भाक्‌ङा मु ना तोक्‍पो लि।

२ तिमोथि 2:24

हाङ्‌पाओ अ़चुकाब़त्‍पा खिमा अ़नुनिन। मेन खो झारा सोमाकातुक, चिन्‍मा काऱ, खोन्‍कि काआङ लिमादोत।

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।

१ कोरिन्‍थि 9:12

निचिआ खानानिन्‌एदाङ्‌का सामाचि तोक्‍मा पाङ अ़तोक्‍तायुङ्‌सानालो आन्‍कान्‍काआ अ़क्‍चित च़लोक पाङ तोक्‍मादोत्‌ओ माआङ कि? खोन्‍नुछाङ आन्‍कान्‍का ओ पाङ मान्‌याङ्‌युक्‍तुम्‍का, मेन ख्रिस्‍तओ अ़चुनुय़ङ्‌खान खालुमादा लाम अ़छेक्‍निन्‍ने निकिना आन्‍कान्‍का झारा य़ङ आङ्‌तुम्‍का।

गलाति 6:2

अ़क्‍छा निएदा पाङ खुन्‍मा फामुवानिन, खोन्‍कि ओवात्‍नि ख्रिस्‍तओ अ़चुलोमाय़ङ तासालानुम।

२ तिमोथि 4:5

मेन खाना झारा ग़रि क़म्‍तान्‍चिन। दुखा आङ्‌तु, नुय़ङ्‌खान खालुमा काचि मुवा, खोन्‍कि आम्‍ब़क्‍मा काचि तासुलो।

याकुब 1:12

चिन्‍माखाङ्‌मा काआङ म़नाआङा आसिखा तोक्‍तु। देकिनालो चिन्‍माखाङ्‌मा खोसाआ आङ्‌तुओसा खोसाआ ह़ङ्‌म़ङ्‌ओ मो ताङ्‌बोप्‍खा तोक्‍तु, निनाम्‍हाङ्‌आ खोक्‍को सोमाकातुक्‌चि मो प़माचि निम्‍पाङ म़हिप्‍तुयुङ्‌सुचि।

२ थेसलोनिकि 1:4

खोन्‌ओसा खानानिन्‌आ आङ्‌माय़ङ खोन्‍कि झारा दुखाचिदाओ सोम्‍कुवा मुमाय़ङ खोन्‍कि अ़चाअ़त्‍माचि खानानिन्‌आ त़आङ्‌तुम्‌योम्‌ओ अ़तुक्‌वादा तोक्‍पो लियाङ्‌सा निनाम्‍हाङ्‌ओ नि अ़चुसाम्‍भुङ्‌चि आन्‍कान्‍का खाएत्‍तुम्‍च़म्‍का।

२ तिमोथि 3:11

खाना त़सिन्‍तुङु देम च़लोक अ़चाअ़त्‍माचि खोन्‍कि दुखाप़माय़ङ्‌चि एन्‍तिओखियादा, आइकोनियन्‌दा खोन्‍कि लुस्‍त्रादा अ़ङ्‌काएदा म़छुक्‍ता, खोन्‍कि दियाको अ़चाअ़त्‍माचि अ़ङ्‌का आङ्‌तुङ्‌च़ङ्‌नुछाङ मो झारादाङ्‌का हाङ्‌पाआ अ़ङ्‌का ऩलेइसाङ।

रोमि 15:1

आन्‍कान साकोङ्‌छ़ङ्‌दा नुलोक पोइन्‌ओचिआ मान्‍पोन्‍म़युक्‌ओ म़नाचि आङ्‌मादोत खोन्‍कि आन्‍कान आप्‍पि ओन्‍ङा ऩङानुमान्‍चिन अ़नुनिन।

मत्‍ति 10:22

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि आङ्‌तुकि युङ, खो लेन।

हिब्रु 13:13

खोन्‌ओसा आन्‍कान्‌छाङ याक्‍साओ अ़बुङ्‌खालिप्‍पा खोक्‍कोएदा खारिन्‍ने, खोन्‍कि खोक्‍कोसाआ अ़आङ्‌ताओ सुङ्‌माय़ङ आन्‍कान्‌छाङ आङ्‌तुम्‍ने।

रोमि 8:24

निनाम्‍हाङ्‌आ आन्‍कान म़लेइसादाङ्‌का ओ सोम्‍कुवा म़पुवा। मेन ओ आइमित्‌तारि आन्‍कान मान्‍तोक्‌युक्‍तुम्‌ओसा आन्‍कान आन्‍मिन्‍मादा मो हुङुम्‌योम। आन्‍कान तोक्‍तुम्‌ओखाङ्‌दे देकि हुङ्‌मादोराओ?

मर्कुस 9:23

खोन्‍किना येसुआ खो अ़लोवा, “देकि त़ऱम्‌नालोनि त़य़ङ्‌याङ ओ? साङ साकोङ्‌छ़ङ मु, खोसोओ निकि झारा य़ङ्‌चि लिमा म़ऱ।”