Titë 3:8 - Kuö Dëdrä Jenɛɛsë Rutë

⁸ Wiili 'n ‑gbalaa' ‑mɩ nɩ, 'i bä 'tasɩrɩa wii, ‑bɛ 'n 'bata ‑a ‑sɔɔrɔ 'ia ‑gälɩ mɛ 'wʋ, nyüülü toroa' Nyɔsʋa plɛ 'mä 'klü 'pa 'ümä 'mʋfagbi nʋ. 'A wiili 'naa' ‑bɛ i 'mrɛɛa' 'imäa' nyɔɔ ‑gbaji.

Titë 3:8 Referans Kwoze

Titë 3:14

'I 'na 'kä ana nyüü 'kpɩa bɩa 'cɩcagbia nʋnʋkʋ, 'ümä nyüüa ‑gbajijikʋ mlɩbɩa 'ü ‑pɩ ‑beere tuulu 'nyɩ tʋa'.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Titë 1:9

'Ɔ kä 'ɔmä nyɔsʋaawiia 'mlɩ nyɔnyrɔ 'sɩrɩ 'ü 'kpɩaa' 'ɔmɩ 'iin. 'Ia 'taɩn 'lɩ 'ɔnya 'mrɛɛa 'ɔmä ‑mölöö 'klülɩpa, 'kä 'ɔnya 'üün srara 'sɩrɩ wiili 'ü 'saalɩ bäa' ‑gbagblɛ.

Titë 3:1

'Pa 'üün plɛ 'sɩrɩ 'ü käa' 'ümäa' 'lɩ 'üa ‑gʋmlanyüü nyra 'üa 'brea 'wliklɩnyüü ‑träärä, ü 'nyɛɛ wiili 'ü 'daaa' ‑gälɩ, ü nʋ wiilia 'fɩɔ 'naa'.

1 Piɛɛrë 1:21

'Ɔɔ 'lɩ 'a toro Nyɔsʋa plɛ; Nyɔsʋalɔ 'baa' 'ɔɔn jäjä 'lɩ ‑bɛ 'ɔ ‑nyɩa' 'ɔɔn 'wliklɩbʋabʋakʋ. 'Ia 'taɩn 'lɩ 'ana plɛtorokʋ nyra plɛgälɩpiepiekʋ 'mä Nyɔsʋa 'lɩ bä.

1 Timotee 1:15

‑Jää wiili 'surua', i nyüüa 'fɩɔ käa' 'ümäa' 'kpla: 'Kriisë Jesu ji 'pläa 'mlɩ 'ɔmä 'lɩ ‑balʋnyüü 'mlɩ 'ba. 'Mɔɔ bä 'üa 'wliklɩ.

Rɔmënyüü 4:5

‑Maa nyɔɔlɔ 'nyɩ ‑fɛa' 'jrʋpa 'pɛpɛɛkʋa ‑gʋ ‑bɛ ɔ toroa' Nyɔsʋalɔ nröröa' ‑balʋnyüü 'klɩgänyüü 'lɩ plɛ nɩ, 'ɔa nyɔsʋaplɛtorokʋ nrörö 'ɔɔn 'klɩgänyɔɔ 'lɩ Nyɔsʋaa 'klɔɔtrʋ.

Jaan 12:44

Jesu nya dɔrɔ wii 'wʋ 'ɔnya ‑gbala 'üün: «Nyɔɔlɔ toroa' 'mɩ plɛ nɩ, ‑mää 'mɔɔ 'ɔnyɩ toroplɛ, ‑maa nyɔɔlɔ blɔa' 'mɩ, 'ɔɔ 'ɔ toroplɛ.

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Filemɔɔ 1:11

‑Kätɩsa, 'jrʋpalä 'ɔ ma ‑fɛɛɛrɛa' ‑na ‑nyɛɛ 'nyɩ kä ‑tɔɔɔ ‑a kä, ‑maa 'köklesa ‑plɩɩ ɔ nɩ, 'ä 'a ‑tɔɔɔ kä ana 'sɔɔa ‑gʋ.

2 Korɛɛntënyüü 4:13

'I ‑jɩjra nyɔsʋapɔɔkʋ 'lɩ ‑maa: «Plɛ 'n toro 'iin, 'a 'ia ‑gʋ 'n 'pawii.» ‑Bɛ a 'klaaa' ‑Susu 'doo, u bäa' nyɔsʋaplɛtorokʋ nɩ, ana 'mʋgbɛ a toro 'iin plɛ, 'a 'ia ‑gʋ a 'paa wii.

Akëtë 12:15

'Ünya ‑gbala 'ɔɔn: «Sa kla ‑mɩ!» ‑Maa 'ɔ nɩnɩa 'kpɔɔ 'cɩcasa bäsaa. 'Ünya ‑gbala 'ɔɔn: «'Ɔa 'aanjë bäsaa!»

Ɛfɛsënyüü 4:28

Nyɔɔ ma 'jie kä, ɔ 'pie 'jejiekʋ; ɔ ‑fɛjrʋpa, ɔ nʋ 'ɔa 'dari ɔ nʋ wiili 'naa', 'ɔmä ‑mülü 'nyɩa' dɛɛ kä ‑gbaji.

1 Timotee 2:8

'Ii känyrɩ, 'n 'bata abɩa nyɩberü to 'üa 'nyüna 'dari cɛlɩ ‑bɛ 'ü bibie Nyɔsʋa ‑pɩɔa 'fɩɔ, 'crɛ nyra ‑yrɛ 'nyɩ bälɩ.

1 Timotee 5:10

'kä nyüü 'paa 'ɔa 'cɩcagbia ‑gä. Ɔ bä 'ŋlʋʋlɔ 'bʋaa' 'ɔa 'jü, ɔ 'kʋɛɛa' 'lɩ nyɔtugbanyüü, ɔ sua' 'cɛcɩnyüüa bei ‑gba, ɔ jia' ‑sʋɩjänyüü ‑gba, ‑bɛ ɔ nʋa' 'mʋfagbi 'kɔkɔmlɛ.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

Titë 2:7

‑Na 'mʋgbɛlɔ nɩ, nʋ 'cɩcagbi wiia 'fɩɔa 'mlɩ nyüü 'mä ‑na 'sa nʋ. ‑Bɛ ‑na 'kpɩkpɩakʋa 'mlɩ nɩ, nʋ 'imɩ 'cɩcasa 'lɩ, 'lɩträäräkʋ 'lɩ nyra 'klɩgägäkʋ 'lɩ.

Ebröönyüü 10:24

A ‑gäglänyiöli amä 'klülɩpapla amä ‑wawla ‑bɛ amä 'cɩcagbi nʋ.

Matiö 20:4

'Ɔnya ‑gbala 'üün: ‹'Amɔlɔ nɩ, 'ba mi bɩa 'na viinyëputu 'lɩ, ‑bɛ 'mä 'amɩ 'ia mölii 'pɛɛ.›