Titë 3:7 - Kuö Dëdrä Jenɛɛsë Rutë

⁷ amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.

Titë 3:7 Referans Kwoze

Rɔmënyüü 8:17

‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.

Rɔmënyüü 3:24

‑Maa Nyɔsʋaa ‑gbinanakʋ 'lɩ 'ɔ ‑gä 'üün 'klɩ 'flɛɛlɩ. Jesu 'Kriisë 'ɔ ‑srörö kälɩ 'ɔnya 'balɩ 'üün mlɩ.

Titë 2:11

'Be Nyɔsʋaa ‑gbinanakʋlʋ 'baaa' 'lɩ nyɔɔ mlɩ nɩ, 'uu srara 'ua nyufa nyüüa 'fɩɔ 'klɩ.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

Galaatënyüü 2:16

‑Bɛ a jre 'iin 'sɩrɩ ‑dɔa 'lɩträräkʋ 'nyɩ ‑gä 'a amɩ 'klɩ Nyɔsʋaa 'klɔɔtrʋ. ‑Maa Jesua plɛtorokʋ 'lɩ nyɔɔ ‑srörö 'kä 'ɔ ‑gäääklɩ Nyɔsʋaa 'klɔɔtrʋ. Ana 'mʋgbɛlɔ nɩ, Jesu 'Kriisë a toroplɛ, 'a 'ɔa plɛtorokʋa ‑gʋ Nyɔsʋa nya 'mä amɩ 'jä ‑beere 'klɩgänyüü. ‑Maa ‑mää 'kä ‑dɔa 'lɩträäräkʋa ‑gʋ ‑a. 'Be ‑mää ‑dɔa 'lɩträäräkʋ Nyɔsʋa 'nyɩ tɛklɩ ‑bɛ 'ɔnyɩ 'daa nyɔɔlɔ kʋa' ‑pɩ ‑gäklɩ.

Rɔmënyüü 11:6

‑Bɛ ima 'daa ‑gbinanakʋ 'lɩ 'ɔ ‑srörö nɩ, ‑mää nyɔɔa nʋnʋdiia ‑gʋ ‑a; ima 'daa ɩ 'iin nɩ, ‑gbinanakʋ ‑kanyɩ ‑gbinanakʋ ‑a bä. ‑Bɛ ima 'daa nyɔɔa nʋnʋdiia ‑gʋ nɩ, ‑mää ‑gbinanakʋ ‑kanyɩ 'saabä; ima bä ɩ 'iin nɩ, nyɔɔa nʋnʋdii ‑kanyɩ nyɔɔa nʋnʋdii ‑a bä.

Galaatënyüü 3:29

'Be 'ama bä 'Kriisë 'lɩ nɩ, 'ba jresaa Abraamëa 'jü 'a bä, ‑bɛ wiili Nyɔsʋa 'paa', 'i nrörö 'amɩ ‑jaajijü 'lɩ.

Rɔmënyüü 4:16

'A 'ia ‑gʋ nyɔɔa nyɔsʋaplɛtorokʋ kälɩ 'ɔ ‑srörö 'kä 'ɔ jö ‑jaaa, 'ia ‑toko 'mä Nyɔsʋaa ‑gbinanakʋ bä. ‑Bɛ wiili Nyɔsʋa 'daaa' 'ɔmäa' nʋ ‑bɛ 'imäa' Abraamëa 'jüa 'fɩɔa dɛɛ bä nɩ, ‑mää ‑mülü kä 'doo ‑trääräa' 'lɩ ‑dɔ ‑a, ‑maa nyüülü toroa' bɩa Nyɔsʋa plɛ 'sɩrɩ Abraamë toroa' 'ɔɔn plɛ. 'Ɔɔ bä ana 'fɩɔa tʋ,

Rɔmënyüü 3:28

‑Jäsɩ a ‑gbaa' nɩ: nyɔsʋaplɛtorokʋa ‑gʋ nyüü ‑gäklɩ, ‑maa ‑mää ‑dɔa 'lɩträäräkʋa ‑gʋ ‑a.

1 Piɛɛrë 3:7

'Ana 'mʋgbɛ dʋɔɩɩ 'amɩ, 'ba 'kpla 'ana 'ŋlëgëlü 'a nyra 'üün kʋa' ‑wälɩ 'cɩcasa, ‑bɛ 'ba 'nu diili 'ü 'bataa' 'wli. 'A jre 'iin 'sɩrɩ 'ü 'fʋmaa'. 'Ba 'kpla 'üün 'lɩträäräsa, 'be 'sɩrɩ Nyɔsʋa 'mäa' 'amɩ 'klä ‑nyɩ 'ɔa ‑gbinanakʋ 'lɩ nɩ, 'asɩ 'ɔmä bɩa 'ümɩ 'ään ‑nyɩ. 'Ama nʋ 'saa nɩ, dɛɛ ‑nëmä 'ana nyɔsʋaabibiekʋ 'klɩ ‑a ka.

Ebröönyüü 11:9

'A 'ɔa nyɔsʋaplɛtorokʋa ‑gʋ 'ɔ kʋ ‑tete ‑wälɩ 'blɩlɩ Nyɔsʋa 'daaa' 'ɔmäa' 'ɔɔn ‑nyɩ 'ia 'mlɩ, ‑beere nyɔtugbanyɔɔ; 'ɔɔ, Isaakë, nyra Jakɔɔbë. Nyɔsʋa ‑gbala bɩaa' 'üün 'sɩrɩ 'ɔmäa' 'üün 'blɩlɩ ‑nyɩ.

Ebröönyüü 11:7

Noea nyɔsʋaplɛtorokʋa ‑gʋ 'ɔ ko 'mɩɩ 'ɔmä 'ɔa ‑gbööö 'lɩmlɩba. Wiili nëmäa' 'lɩjrä ‑bɛ 'i blöa' ‑fälɩ 'ɔa 'nyü ‑gälɩ nɩ, 'ɔ 'dara 'iin wii ‑bɛ 'i ‑kaaŋlʋ 'lɩjrä. 'Ɔa nyɔsʋaplɛtorokʋa ‑gʋ, 'ɔ srara 'sɩrɩ Nyɔsʋa 'mäa' 'pläa ‑gä ‑tʋ. 'A 'ɔa nyɔsʋaplɛtorokʋa ‑gʋ Nyɔsʋa ‑nyɩ 'ɔɔn 'klɩgänyɔɔ, 'iibä 'ɔa ‑jaaa.

Ebröönyüü 6:17

Nyɔsʋaa 'mʋgbɛ nʋ 'imɩ bɩa. 'Ɔ nʋ 'imɩ 'ɔmä 'üün ‑gbala 'sɩrɩ 'ɔmäa' 'tasɩrɩ wiili 'ɔ 'daaa' 'ɔmäa' nʋ 'ɔa nyüüa ‑gʋ nɩ, 'inyɩ ‑gbagblɛ ‑a bä; 'a 'ia ‑gʋ 'ɔ 'sɔrɩ.

Galaatënyüü 4:7

'A 'ia ‑gʋ, ‑kanyɩ ‑geei ‑a bä, ‑maa 'ɔa 'jʋ ‑bä; ‑bäa' 'ɔa 'jʋ nɩ, Nyɔsʋaa ‑jaajinyɔɔ 'Kriisë 'lɩ ‑bä.

Rɔmënyüü 4:4

Nyɔɔ ma ‑fɛjrʋpa nɩ, 'ɔa 'pɛpɛɛmölii 'nyɩ 'flɛɛlɩ ‑a bä, ‑maa 'ɔa 'pɛpɛɛdɛɛ bäsaa.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Marëkë 10:17

Jesu sɔwʋ 'ɔmä mi, ‑bɛ nyɔɔ 'doo ja fʋfɔlʋ 'ɔ 'jrara 'ɔɔn 'klɩ, 'ɔnya 'pa 'ɔa 'klɔɔtrʋ kotifli; 'iibä: «'Cɩca 'kpɩkpɩanyɔɔ, ‑asɩ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?»

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

Ebröönyüü 1:14

‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.