Titë 3:5 - Kuö Dëdrä Jenɛɛsë Rutë

⁵ 'ɔnya 'ba amɩ 'lɩmlɩ, ‑mää 'kä wiili a nʋa' 'i ‑gäklɩ ‑a, ‑mää 'ia ‑gʋ 'ɔnyɩ amɩ 'pʋɔ, ‑maa 'ɔa nyatɛplɛa ‑gʋ 'ɔ 'pʋɔ amɩ. 'Ɔ ‑futo amɩ 'ɔnya nrörö amɩ nyüüdëdrä 'lɩ, 'cicikʋlʋ nɩ, 'Nyüna ‑Susu 'uu nrörö 'iin ana 'kläa 'mlɩ.

Titë 3:5 Referans Kwoze

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

1 Piɛɛrë 3:21

'Nie 'klɩ ‑srörökʋlʋ bä 'nɩwlipapakʋa 'pike, 'ii 'pʋɔ amɩ 'saarɩ. ‑Mää ana fugbaa ‑gba ‑a ‑fre 'babakʋ ‑a, ‑maa 'nyünaplɛa Nyɔsʋaa ‑nyɩnyɩkʋ bäsaa. Jesua 'Kriisëa 'kuaabrea sɔsɔkʋ 'lɩ a 'wʋlɩmlɩ.

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Ɛfɛsënyüü 2:4

‑Maa ana nyatɛrɩ 'si Nyɔsʋa 'klɩ, 'ɔnya ‑wa amɩ ‑gböösa,

Ɛfɛsënyüü 5:26

'ɛmä 'klɩbere. 'Papawii nyra 'nɩ 'ɔ nʋ 'ɔnya 'ba 'ɛɛn ‑fre 'lɩ.

Rɔmënyüü 11:6

‑Bɛ ima 'daa ‑gbinanakʋ 'lɩ 'ɔ ‑srörö nɩ, ‑mää nyɔɔa nʋnʋdiia ‑gʋ ‑a; ima 'daa ɩ 'iin nɩ, ‑gbinanakʋ ‑kanyɩ ‑gbinanakʋ ‑a bä. ‑Bɛ ima 'daa nyɔɔa nʋnʋdiia ‑gʋ nɩ, ‑mää ‑gbinanakʋ ‑kanyɩ 'saabä; ima bä ɩ 'iin nɩ, nyɔɔa nʋnʋdii ‑kanyɩ nyɔɔa nʋnʋdii ‑a bä.

Ebröönyüü 4:16

'Ii känyrɩ, ŋalɛ 'nyɩ 'bla amɩ, a jijrö ana ‑gbina Nyɔsʋa 'kɩɩkpata ‑gba, 'ɔmä amɩ nyatɛplɛ nyra ‑gbinanakʋ ‑nyɩ. 'Ɔnya amɩ ‑gbajia 'ia ‑srɩ 'lɩ.

Kolɔɔsënyüü 3:10

'anya dɔrɔ nyɔɔ dëdräa ‑gbi 'wʋ. Nyɔɔdëdrälɔ nɩ, 'ɔ 'cici 'ɔa bobowlia 'doo 'ɔmä 'ɔa Nʋnʋnyɔɔ jajra.

Galaatënyüü 2:16

‑Bɛ a jre 'iin 'sɩrɩ ‑dɔa 'lɩträräkʋ 'nyɩ ‑gä 'a amɩ 'klɩ Nyɔsʋaa 'klɔɔtrʋ. ‑Maa Jesua plɛtorokʋ 'lɩ nyɔɔ ‑srörö 'kä 'ɔ ‑gäääklɩ Nyɔsʋaa 'klɔɔtrʋ. Ana 'mʋgbɛlɔ nɩ, Jesu 'Kriisë a toroplɛ, 'a 'ɔa plɛtorokʋa ‑gʋ Nyɔsʋa nya 'mä amɩ 'jä ‑beere 'klɩgänyüü. ‑Maa ‑mää 'kä ‑dɔa 'lɩträäräkʋa ‑gʋ ‑a. 'Be ‑mää ‑dɔa 'lɩträäräkʋ Nyɔsʋa 'nyɩ tɛklɩ ‑bɛ 'ɔnyɩ 'daa nyɔɔlɔ kʋa' ‑pɩ ‑gäklɩ.

Rɔmënyüü 3:20

Nyɔɔ 'doo nyɔɔ 'doo ‑nëmä 'klɩ ‑a ‑gä 'ɔa 'klɔɔtrʋ ‑dɔa 'lɩträäräkʋ ‑a ‑gʋ; 'be ‑dɔ srara nyɔɔ dɛɛlɛ bäa' ‑balʋ.

1 Piɛɛrë 2:10

'A ma 'nyɩ kä Nyɔsʋaa nyüü ‑a bä, ‑maa 'anya 'a 'saarɩ Nyɔsʋaa nyüü nʋ. Nyɔsʋa ma 'nyɩ 'ana nyatɛrɩ ‑a kä, ‑maa 'ɔ kä 'saarɩ 'ana nyatɛrɩ.

Ɛfɛsënyüü 4:23

'Ba 'cɛrɛ 'ana ‑susu nyra 'ana bobowli ‑wälɩ 'imä 'cicri.

Rɔmënyüü 3:28

‑Jäsɩ a ‑gbaa' nɩ: nyɔsʋaplɛtorokʋa ‑gʋ nyüü ‑gäklɩ, ‑maa ‑mää ‑dɔa 'lɩträäräkʋa ‑gʋ ‑a.

Rɔmënyüü 9:11

'Be Nyɔsʋaa 'mlɔɔ 'ɔɔ 'baalɩ nyüü: ‑maa ‑mää 'üa ‑gbi 'ɔnyɩ tɛklɩ ‑bɛ 'ɔnyɩ 'balɩ 'üün, 'ɔɔ bäa' Nyɔsʋa ɔ 'baa' 'lɩ nyüü 'ɔa 'doo 'i bäkälɩ. 'Asɩ 'jülü ‑kaaŋlʋ ‑glooro, 'ü ‑kaaŋlʋ 'nɩmɩ ‑balʋ nyra 'cɩcasa ‑a nʋ,

Lukë 1:78

Ana Nyɔsʋaa nyatɛplɛa ‑gʋ, 'napɛlɛ sɔa' cɛlɩ ŋʋala amɩ ‑gälɩ ‑beere 'jrʋa 'wʋsɔdɛɛ,

Lukë 1:54

'Ɔa nyatɛplɛa ‑gʋ 'ɔnya ji 'ɔa 'jrʋpafɛnyɔɔ Israɛɛlë ‑gba.

Lukë 1:50

'Ɔa ‑gbinanakʋ bä nyüülü ‑trääräa' 'lɩ 'ɔmɩa 'jüa 'jü ‑gälɩ 'taɩn a 'fɩɔ 'lɩ .

Titë 3:4

‑Maa 'taɩnlɩ kä 'mlɩ ana 'Lɩmlɩba Nyɔsʋa sraraa' nyüü 'ɔa ‑gbinanakʋ, nyra 'sɩrɩ 'ɔ ‑waa' nyüü,

Rɔmënyüü 9:30

‑Bɛ ‑asɩ anya ‑gba le? Nyüülü 'nyɩa' juifë bä, 'ünyɩ 'bataa' 'klɩgänyüüa bäbäkʋ, 'a 'ü 'jä 'klɩgägäkʋ, 'klɩgägäkʋlʋ Nyɔsʋa ‑nyɛɛa' nyɔsʋaplɛtorokʋ 'lɩ.

Rɔmënyüü 9:16

'Ii känyrɩ, ‑mää nyɔɔ 'inyɩ kälɩ bä, ‑mää bɩa nyɔɔa 'klüa wii ‑a, ‑maa Nyɔsʋalɔ käa' nyatɛplɛ 'ɔɔ 'i bäkälɩ.

Rɔmënyüü 4:5

‑Maa nyɔɔlɔ 'nyɩ ‑fɛa' 'jrʋpa 'pɛpɛɛkʋa ‑gʋ ‑bɛ ɔ toroa' Nyɔsʋalɔ nröröa' ‑balʋnyüü 'klɩgänyüü 'lɩ plɛ nɩ, 'ɔa nyɔsʋaplɛtorokʋ nrörö 'ɔɔn 'klɩgänyɔɔ 'lɩ Nyɔsʋaa 'klɔɔtrʋ.

Lukë 1:72

'Asɩ 'ɔ nʋ kä 'ɔnya srara 'ɔa nyatɛplɛ ana tʋɩɩ, 'ɔnya 'pa 'ɔa 'nyüna kuölä 'ɔ nyra 'üün 'pa käa' 'äa ‑gä plɛ.

Ebröönyüü 6:6

‑bɛ ü 'cɛrɛa' nyɔsʋaplɛtorokʋ ‑wälɩ. 'Üülü nɩ, a ‑kanyɩ 'lɩ ‑a bɩa amä 'üün ‑balʋa ‑gälɩ 'klɩberekʋ 'lɩ ja. 'Ü nöa' 'saa nɩ, 'i ‑beere 'sɩrɩ 'ü koloa' 'sɔɔwʋ Nyɔsʋaa 'Jʋ krʋa ‑gälɩ, 'ümä 'ɔɔn 'nyüsü 'blara ‑jria 'klɩ.

Matiö 3:11

«'Mɔɔlɔ nɩ, 'nɩ 'n 'paa 'amɩ 'wli 'amä ‑balʋ 'pie; ‑maa nyɔɔlɔ nëmäa' 'mɩ 'klɩtroro, 'ɔ ‑sɔɔrɔwʋ 'ɔnya ‑si 'mɩ 'wʋ. 'Nyɩ 'nɩmɩ 'lɩ ‑a bɩa ‑a 'balɩ 'ɔa 'sii. 'Ɔɔlɔ nɩ, 'ɔnya 'amɩ 'Nyüna ‑Susu nyra kapu 'wlipaa.

Rɔmënyüü 11:14

'N nö 'imɩ 'imä 'na ‑glügbö wasä plɛklɩ ‑tʋ 'kä 'doorodoolü bäa' 'üa ‑tɔrʋpɩɔ 'mä 'lɩmlɩwʋ.

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.