Titë 3:3 - Kuö Dëdrä Jenɛɛsë Rutë

³ Ana 'mʋgbɛlü nɩ, anyɩ kä 'lɩ ‑a ‑gla, a ma blajra, 'mɔlɔnyüü a ma bä. Dɛɛnyü nyra bʋbɔdiili käa' ana plɛ 'tʋ 'ia ‑goou a ma bä. Plɛbʋbɔkʋ nyra ‑wasägbi 'lɩ a ma kʋ, nyüü ma jrara amɩ 'nyüamlɩ ‑bɛ a ma jrajranyüamlɩ.

Titë 3:3 Referans Kwoze

Kolɔɔsënyüü 1:21

‑Bɛ 'amɔlɔ nɩ, 'a ma tʋŋlɔlɩ Nyɔsʋa dɛrɩ, 'a ma bä 'ɔa 'nyüamlɩjraranyüü 'ana bobowli nyra 'ana bʋbɔgbia 'mlɩ.

Rɔmënyüü 6:17

‑Maa a 'trɛɛ Nyɔsʋa, 'amɔ ma bäa' ‑balʋa ‑goou, 'a nʋ 'ana plɛ 'anya ‑träärälɩ 'kpɩkpɩakʋlʋ Nyɔsʋa ‑nyɩa' 'amɩ.

Kolɔɔsënyüü 3:7

'Asɩ 'ana 'mʋgbɛ ma bä, 'a ma käa' 'ia samaa ‑gbi.

Rɔmënyüü 6:22

‑Maa dɛɛlɛ a kʋa' ‑plɩɩ ‑gälɩ nɩ, 'anya 'a ‑balʋ mlɩ sɔ, 'anya 'a Nyɔsʋaa ‑goou bä. 'A tʋä 'bölö 'nyɩa' ‑fre pa, 'ii 'tiere 'amɩ 'nyüna 'kläa 'mlɩ ‑bɛ 'amä 'klälä 'nyɩa' blöröfa kä 'jä.

1 Piɛɛrë 1:14

'Ba ‑träärälɩ Nyɔsʋa, ‑bɛ 'a ‑kanyɩ 'nyie ‑wawadiili ma 'kamaa' 'amɩ ‑kanyɩ 'tiere 'amɩ, ‑beere 'taɩn 'lɩ 'anyɩ käa' 'Kriisë jre.

2 Korɛɛntënyüü 12:20

Ŋalɛ 'bla 'mɩ 'nyɩ ‑pɩ 'ana ‑nyɛɛ jikalɩ mi ‑bɛ 'nyɩ ‑pɩ 'amɩ 'klälä 'nyɩ 'bataa' a 'mlɩ jrä; 'ana 'mʋgbɛ ‑pɩ 'mɩ 'jä ‑pasasa 'sɩrɩ 'anyɩa' bobo. Ŋalɛ 'blaa 'mɩ 'nyɩ ‑pɩ 'ana ‑nyɛɛ ‑taa wiili kʋa' ‑pɩ jrä: ‑topokʋ, wasä, 'crɛ, ‑gbakɛklɛkʋ, ‑jejrekʋ, ‑gbagblɛ, bʋbɔwiia 'papakʋ nyra 'lɩcaklakʋ.

Jaan 8:34

Jesu nya ‑gbala 'üün: «'Tasɩrɩa 'cɩcasa 'n ‑gbala 'amɩ, nyɔɔ nöa' ‑balʋ, ‑balʋa ‑geei 'ɔ bä.

Matiö 21:29

'Iibäa' 'jʋlɔ: ‹'N blara.› Fɩɩɩn 'ɔnya 'cici 'ɔa bobowli, 'ɔnya mi.

Jaakë 1:26

'Ana ‑tɔrʋpɩɔa nyɔɔ ma 'daa 'cɛcɩnyɔɔ 'ɔ bä, ‑bɛ ɔma 'nyɩ 'ɔa 'mäa 'kpakplakʋ ‑a jre nɩ, 'ɔa nyufa 'ɔ ‑trɔɔrɔ, 'fëflɛcɛcɩ 'ɔ pa.

Galaatënyüü 6:3

‑Moloo ma bobo 'kä 'ɔ ‑siwʋ, ‑bɛ 'ɔnyɩ dɛɛ ‑a bä nɩ, 'ɔa nyufa 'ɔ ‑trɔɔrɔ.

Lukë 21:8

'Ɔ ‑nëma: «'Ba ‑tre 'ana nyüfë! Nyɔɔ 'nyɩ 'pa 'amɩ mlüülɩ. Nyüü 'kɔkɔmlɛ nya 'na 'nyrɩ jaa 'kä 'ünya 'daa: ‹'Mɔɔ bä 'ɔɔn,› ‑bɛ: ‹'Taɩn 'a 'wlijrä!› 'Anyɩ prɛ 'üün dɛrɩ!

'Nyügälɩjawii 18:2

'Ɔnya 'kpö ‑gböösa, 'ɔ ‑nëma: «'Ä 'a blö, 'äa blö, Babilɔɔnë kpakö 'a blö! 'Ä 'a domüüa kʋfa nʋ. 'Ä 'a ‑frepasisia 'kaɩn 'kaɩn a ‑sisrefa nʋ, 'änya bä ‑frepanyisiea nyra plɛklɩ 'böbö nyisiea ‑sisrefa.

'Nyügälɩjawii 13:14

‑Saragbia tie 'ɛ ma nö ‑bɛ 'ɛ ‑trɔɔrɔ nyüü, ‑bɛ 'ɛmä 'iin ‑kätɩa nɛ mrɛɛlɛa 'klɩ nrörö, 'a 'ia ‑gʋ 'klülü ‑nyrɛɛlɛ 'ɛmɩ. 'Ɛnya ‑gbala nyüü ü ‑pa dɛɛ ɛ ‑beerea' mrɛɛlɛ 'ü nʋa' ‑jɛrɛ 'ü 'kapaa' ‑bɛ ɛ ‑ka bäa' 'lɩ.

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

Rɔmënyüü 6:6

A jre 'iin 'sɩrɩ 'ɔɔ ‑bɛ ana ‑kätɩnyɔɔ koloa' ‑pɩɔ 'doo 'wʋ. 'Ii känyrɩ ‑taa ‑balʋfugbalä kä 'ämä bʋblɔ a ‑kapɩ ‑balʋa ‑goou bä.

Rɔmënyüü 6:12

'Anyɩ 'cɛrɛ ‑balʋ ‑wälɩ 'unyɩ kälä 'ana fugbalä 'mäa' ‑srɩɩ jä 'klü ‑gälɩ, ‑bɛ 'anyɩ 'dara 'äa dɛɛnyükäkäkʋ wii.

Rɔmënyüü 11:30

'Ana 'mʋgbɛ nɩ, 'anyɩ kä 'lɩ Nyɔsʋa ‑a ‑träärä, ‑maa 'köklesaplɩɩ ɔ nɩ, Nyɔsʋa 'ünyɩa' nyɔɔwʋba nɩ, 'ia ‑gʋ Nyɔsʋa nya 'jä 'ana nyatɛrɩ.

2 Timotee 3:6

'Üa ‑tɔrʋpɩɔa ‑mölöö ‑sisie 'kä 'ü papa 'ŋlëgëlü kä plɛ 'jɔrɔa' nyëka ‑wälɩ 'kä 'ü ‑trɔɔrɔ 'üün. 'Ŋlëgëlü 'si ‑balʋ 'klɩ, bʋbɔwiia 'fɩɔa 'tʋ nya bä 'üün 'lɩ 'ii 'tiere 'üün.

2 Timotee 3:13

‑Maa plɛbʋbɔnyüü nyra yrʋkänyüü kɔsɔ nɩ, ‑balʋlʋ 'ü nöa', 'ua ‑flia 'doo 'ü 'cere. 'Ünya ‑mölöö ‑trɔɔrɔa, 'kä ‑mölöö nya bɩa 'üün ‑trɔɔrɔ.

Titë 1:16

'Ü nɩnɩa 'ü jre Nyɔsʋa, ‑maa wiili 'ü nöa', 'i ‑gbala nyüü 'sɩrɩ 'i bäa' ‑gbagblɛ, 'ü bä cacɩ 'wʋ, 'ünyɩ ‑träärälɩ Nyɔsʋa ‑a ‑bɛ 'ünyɩ 'nɩmɩ 'lɩ ‑a bɩa ü nʋ 'cɩcadɛɛ 'dee.

Titë 2:12

'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.

Jenɛɛsë 38:9

‑Maa Ona jrea' ‑gʋ 'saa 'jʋlɔ ma ‑glooro ‑mää 'ɔɔ 'nyɩ 'ɔɔn kä nɩ, 'ɔ nyra 'ŋlʋʋlɔ ma 'pi nɩ, ‑fälɩ 'ɔ ‑gblɔɔkä, 'ɔa ‑wlajʋa 'nyrɩ 'mä ‑gʋ tɩɔ.

Jenɛɛsë 39:16

'Ɔnya tʋ 'kotulu ‑wälɩ ‑bɛ 'ɔ ‑glara 'ɔa dʋɔ ‑gbööli.