Titë 3:2 - Kuö Dëdrä Jenɛɛsë Rutë

² Ünyɩ ‑jree nyɔɔ, ü ‑wa 'wlinönrökʋ, ü bä ‑pɔplɔnyüü, 'kä 'ü srara nyüüa 'fɩɔ 'sɩrɩ 'ü ‑plɔa'.

Titë 3:2 Referans Kwoze

Ɛfɛsënyüü 4:31

'Ba 'ba 'ana ‑tɔrʋpɩɔ, 'mʋgbʋgbʋɛ, 'crɛ, nyanyrakʋ, ‑jejrekʋ nyra plɛbʋbɔkʋa 'kaɩn 'kaɩn.

Ɛfɛsënyüü 4:2

'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ.

1 Timotee 3:3

'Ɔnyɩ bä 'nʋblanyɔɔ 'aiɛ 'blarʋkänyɔɔ, 'aiɛ ɔnyɩ bä möliiwanyɔɔ ‑maa ɔ bä ‑pɔplɔnyɔɔ, ɔ ‑wa 'wlinönrökʋ, möliia ‑wawakʋ 'nyɩ fa 'ɔa plɛ.

1 Piɛɛrë 3:10

'Be nyɔsʋaapɔɔkʋ 'lɩ 'i ‑jɩjra ‑maa: Nyɔɔlɔ 'bataa' 'ɔmäa' 'klä ‑wa, ‑bɛ dɔrʋ 'mä 'ɔɔn 'bla, 'ɔ kä 'ɔmä 'ɔa mɛ 'nyiöligäälä, 'ɔ ‑pɩ 'lɩ bʋbɔwii 'saa, ‑bɛ ‑gbagblɛa dɛɛ jɔ 'doo ‑pɩ 'ɔa 'mä 'klɩ ‑srörö.

1 Piɛɛrë 3:8

'Ii känyrɩ, abɩa 'ana bobowli bä dɛɛ 'dee, 'ba ‑wawla ‑beere ‑wlajü, 'ba kä nyatɛplɛ, ‑bɛ 'ba kä ‑gbinanakʋ.

Jaakë 4:11

'Na ‑wlajü 'amɩ, ‑moloo 'nyɩ 'pa 'ɔa ‑molooa ‑gʋ bʋbɔwii. Nyɔɔ ma 'pa 'ɔa ‑molooa ‑gʋ bʋbɔwii nɩ, 'aiɛ ɔma ‑srɛ 'ɔa ‑moloo nɩ, ‑dɔ 'ɔ ‑srɛɛɛ. ‑Bɛ ‑ama ‑srɛ ‑dɔ nɩ, ‑kanyɩ 'ua 'lɩträäränyɔɔ ‑a bä, ‑maa ‑gätʋnyɔɔ bä.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

Matiö 11:29

'Ba 'pie 'na ‑gblɛ ‑plɩ ‑gälɩ 'kä 'a 'cɛrɛ 'na 'kpɩkpɩakʋ ‑wälɩ 'umä 'amɩ 'tiere, 'be 'n 'wlalɩkä 'na plɛ nya 'jɔrɔ; ‑bɛ 'amä ‑fʋflʋ 'pa.

1 Piɛɛrë 2:1

'Ii känyrɩ, 'ba cɛrɛ plɛbʋbɔkʋ nyra yrʋa 'fɩɔ ‑wälɩ, ‑gbagblɛ, ‑glagälɩsrörökʋ, dɛɛnyükäkäkʋ nyra nyüüsrörökʋ.

Jaakë 3:17

Cɛlɩa 'lɩgaglakʋ 'nyɩ ‑fre ‑a pa, 'unyɩ 'blarʋ ‑a kä, 'u ‑plɔ. Cɛlɩa 'lɩgaglakʋ ‑träärälɩ nyüü, 'u cere nyüüa ‑balʋ, 'u 'si 'cɩcagbi 'klɩ, 'unyɩ ‑glɛglɛ ‑a, 'unyɩ 'pa nyüü mlüü 'lɩ ‑a. 'Unyɩ bä ‑glaaklɩ.

Galaatënyüü 6:10

'Ii känyrɩ, 'sɩrɩ a ‑ka käa' 'taɩn nɩ, a nʋ nyüüa 'fɩɔ 'cɩcagbi ‑gba, ‑maa ü a nyra 'üün toroa' Nyɔsʋa plɛ, 'üü ‑kätɩ.

Galaatënyüü 6:1

'Na ‑wlajü 'amɩ, nyɔɔ ma nʋ ‑balʋ, ‑bɛ 'ama 'kplara 'ɔɔn ‑gälɩ nɩ, 'amɔ ‑trääräa' 'lɩ ‑Susu nɩ, 'ba 'pa 'ɔmɩ ‑tɔɔ 'lɩ plɛblösa. ‑Na 'mʋgbɛ ‑tre ‑na nyufa, ‑nyɩ ‑pɩ bɩa ‑balʋ 'lɩ blö.

1 Timotee 3:11

'Asɩ 'üa 'ŋlëgë kä 'ümä nyɔɔwʋbasa bä. 'Ünyɩ kä ‑a kä 'ümä ‑mölööa bʋbɔnyrɩ 'pa; ɔ kä 'ɔa nyufa, 'kä 'ɔ bä plɛtorosa wiia 'fɩɔa 'mlɩ.

1 Tɛsalonikënyüü 2:7

‑Maa plɛböblösa a kʋ 'ana ‑tɔrʋpɩɔ, ‑beere 'sɩrɩ 'ŋlʋʋ ‑tʋʋäa' 'ɔa 'jʋ 'nyü ‑gba ‑bɛ 'ɔ 'nyaaa' 'ɔɔn.

Filipënyüü 4:5

'Ba srara nyüüa 'fɩɔ 'ana ‑gbinanakʋ. 'Pläkänyɔɔ jö 'lee 'ɔmä ji.

1 Korɛɛntënyüü 9:19

‑Yɛɛ 'n 'mrɛɛ ‑a nʋ wiia 'fɩɔ, 'n nrörö 'na nyufa nyüüa 'fɩɔa ‑geei 'lɩ 'mä nyüü 'kɔkɔmlɛ 'jä.

2 Korɛɛntënyüü 12:20

Ŋalɛ 'bla 'mɩ 'nyɩ ‑pɩ 'ana ‑nyɛɛ jikalɩ mi ‑bɛ 'nyɩ ‑pɩ 'amɩ 'klälä 'nyɩ 'bataa' a 'mlɩ jrä; 'ana 'mʋgbɛ ‑pɩ 'mɩ 'jä ‑pasasa 'sɩrɩ 'anyɩa' bobo. Ŋalɛ 'blaa 'mɩ 'nyɩ ‑pɩ 'ana ‑nyɛɛ ‑taa wiili kʋa' ‑pɩ jrä: ‑topokʋ, wasä, 'crɛ, ‑gbakɛklɛkʋ, ‑jejrekʋ, ‑gbagblɛ, bʋbɔwiia 'papakʋ nyra 'lɩcaklakʋ.

2 Korɛɛntënyüü 10:1

'Mɔɔ 'Pɔɔlë, ‑mölöö nɩnɩa ama bä 'ana ‑tɔrʋpɩɔ 'n pa sɩɔ 'na nʋnʋgbia 'mlɩ, ‑maa ama tʋŋlɔlɩ 'amɩ dɛrɩ nɩ, 'a ‑plɩɩ 'n ‑sɔɔrɔwʋ. ‑Maa 'Kriisëa plɛböblökʋ nyra 'ɔa ‑gbinanakʋ 'lɩ 'n cere 'amɩ 'iin:

Akëtë 23:5

'Pɔɔlë ‑nëma nɩ: «'Na ‑wlajü 'amɩ, 'nyɩ ɩ 'iin ‑a jre 'sɩrɩ 'ɔɔ bäa' ‑gbɔsapɛrɩnyɔɔ kpakö, 'be nyɔsʋapɔɔkʋ nɩnɩa: Nyɔɔ 'nyɩ kä ‑a kä 'ɔmä 'ɔa ‑glügböa 'cifia ‑gʋ bʋbɔwii 'pa.»

Judë 1:10

‑Maa 'ia nyüülü nɩ, dɛɛlɛ 'ünyɩa' jre 'ɛɛ 'ü ‑jejre, 'ü ‑beere mlaa. 'Ünyɩ bobo bobo ‑a, 'ii 'ba 'üün 'nyʋfɔ 'wʋ.

Judë 1:8

Nyüülü ‑sisiea' ü paa' 'ana ‑tɔrʋpɩɔ nɩ, 'a 'ia ‑gbili 'doolʋ 'ü 'klaa. 'Üa cacɩbobowli 'ü prɛdɛrɩ ‑bɛ 'ü pla 'üa 'jajɛ ‑fre 'lɩ, 'ü blara nyüü 'mä 'üün 'kama, ‑bɛ 'ü ‑jejre ‑sisili bäa' cɛlɩ i 'bʋaa' 'wliklɩ.

2 Piɛɛrë 2:10

Nyɔsʋa nya nyüülü 'nyɛrɛa' bʋbɔdiili 'üa fugba 'bataa' 'pɔnɩa. 'Ia nyüülüa plɛ 'sosowʋ ‑frepadiia ‑gʋ, 'üa ‑gbʋʋ 'nyɩ 'kamakʋ ‑gba ‑a bä. 'Ü toro 'üa nyüfë plɛ ‑gböösa; 'ü bɔtɔ ‑tɔklʋ ‑bɛ 'ü ‑jejre 'wliklɩbʋa ‑sisili bäa' cɛa 'mlɩ.

1 Piɛɛrë 4:4

'I kala 'üün plɛ 'klɩ 'sɩrɩ 'i nʋa' ‑bɛ 'a ‑kanyɩ ‑mɛa' 'üün ‑gälɩ, 'a ‑kanyɩ fala 'üün 'iia dɛɛgbagbilia 'mlɩ ‑a, 'üma ‑gölö ‑jejre 'ü ‑jejre 'amɩ.

1 Korɛɛntënyüü 6:10

'jejienyüü, tɛkänyüü, 'nʋblanyüü, nyüüjejrenyüü, 'üa 'fɩɔlü ‑nëmä kʋfa Nyɔsʋaa 'kamapläa 'mlɩ ‑a kälä.