Titë 3:1 - Kuö Dëdrä Jenɛɛsë Rutë

¹ 'Pa 'üün plɛ 'sɩrɩ 'ü käa' 'ümäa' 'lɩ 'üa ‑gʋmlanyüü nyra 'üa 'brea 'wliklɩnyüü ‑träärä, ü 'nyɛɛ wiili 'ü 'daaa' ‑gälɩ, ü nʋ wiilia 'fɩɔ 'naa'.

Titë 3:1 Referans Kwoze

Matiö 22:21

'Ü ‑nëma: «Sesaalɔ.» 'Ɔnya ‑gbala 'üün: «Dɛɛlɛ bäa' Sesaa dɛɛ, 'ba ‑nyɩ 'ɛɛn Sesaa, ‑bɛ dɛɛ bäa' Nyɔsʋaa dɛɛ 'ba ‑nyɩ 'ɛɛn Nyɔsʋa.»

Ebröönyüü 13:21

abɩa 'ia Nyɔsʋalɔ nʋ 'imɩ 'amä 'jrʋpalä kä 'fɩɔ 'naa' a nʋnʋkʋ mlɩbɩa, 'amä wiili 'ɔ 'bataa' nʋ, ɔ ‑srörö Jesu 'Kriisë kälɩ 'ɔmä 'amɩ 'lɩ wiili käa' 'ɔɔn 'tʋ ‑tʋ. 'Ɔɔ kä 'bʋalakʋ 'plɔʋplɔʋa ‑gʋ! 'Asɩ i bä!

2 Timotee 2:21

'A 'ia ‑gʋ nyɔɔlɔ 'cɛrɛa' 'ia bʋbɔgbilia 'fɩɔ ‑wälɩ nɩ, 'ɔnya ‑beere 'cɩca ‑püüülü 'nyɩ 'a 'lɩkäwla. 'Ünya 'ɔɔn 'klɩberea 'ɔa 'Kamanyɔɔa ‑gʋ. 'Ɔɔ 'ü nëmä 'cɩca 'jrʋpaa 'fɩɔ kälɩ ‑nyɩ.

2 Timotee 1:6

'A 'ia ‑gʋ, ‑mɔ 'n ‑gbala: dɛɛlɛ Nyɔsʋa ‑nyɩa' ‑mɩ 'taɩn 'lɩ 'n 'piea' ‑mɩ klʋgba ‑gälɩ ‑bɛ 'n bibiea' ‑na 'wlili nɩ, 'patä ‑a ‑gölö 'ia kapu.

1 Timotee 5:10

'kä nyüü 'paa 'ɔa 'cɩcagbia ‑gä. Ɔ bä 'ŋlʋʋlɔ 'bʋaa' 'ɔa 'jü, ɔ 'kʋɛɛa' 'lɩ nyɔtugbanyüü, ɔ sua' 'cɛcɩnyüüa bei ‑gba, ɔ jia' ‑sʋɩjänyüü ‑gba, ‑bɛ ɔ nʋa' 'mʋfagbi 'kɔkɔmlɛ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

1 Timotee 4:6

‑Ama 'kpɩa 'imɩ ‑wlajü nɩ, ‑nya Jesu 'Kriisëa 'cɩca 'jrʋpafɛnyɔɔ bäa; 'ii nëmä nyüü srara 'sɩrɩ nöa' nyɔsʋaplɛa 'papawii ‑bɛ 'finia' ‑na nyufa 'klɩ, ‑bɛ ‑trääräa' 'lɩ 'cɩca 'kpɩkpɩakʋ.

1 Timotee 2:2

'Ba bibie 'kɩɩɩa nyra nyüülü kä 'fɩɔ 'kamaa 'wlili, 'kä ana 'klä ‑pɩ ‑yrɛ 'lɩ blö, 'ämä ‑pio bä, 'amä wiia 'fɩɔa mlɩ srara 'sɩrɩ a kpasraa' Nyɔsʋa ‑gba ‑bɛ a ‑trääräa' 'lɩ 'ɔmɩ.

1 Korɛɛntënyüü 15:58

'Ii känyrɩ 'na ‑wawawlajü 'amɩ, 'ba ‑sɔɔrɔwʋ, 'ba 'nyüglö nyɩbɛsa. 'Ba kpɛrɛ 'ana nyüfë 'taɩn a 'fɩɔ 'lɩ, 'amä 'Pläkänyɔɔa 'jrʋpa ‑fɛ. 'A jre 'iin 'sɩrɩ 'jrʋpalä 'a ‑fɛɛɛa' 'nyɩa' 'fëflɛsa bä.

2 Piɛɛrë 1:12

'A 'ia ‑gʋ, ‑bakää 'a jre 'imɩ ‑bɛ 'a kpasra 'cɩcasalä 'a 'klaaa' ‑gba nɩ, 'nëmä 'ana plɛpapakʋa ‑gʋa sɩa 'taɩn a 'fɩɔ 'lɩ.

Titë 3:8

Wiili 'n ‑gbalaa' ‑mɩ nɩ, 'i bä 'tasɩrɩa wii, ‑bɛ 'n 'bata ‑a ‑sɔɔrɔ 'ia ‑gälɩ mɛ 'wʋ, nyüülü toroa' Nyɔsʋa plɛ 'mä 'klü 'pa 'ümä 'mʋfagbi nʋ. 'A wiili 'naa' ‑bɛ i 'mrɛɛa' 'imäa' nyɔɔ ‑gbaji.

Kolɔɔsënyüü 1:10

'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Judë 1:5

'Amɔ 'n 'paa plɛ, 'amɔlɔ jrea' 'cɩcasa ‑taa wiili kä 'fɩɔ kʋa' ‑pɩ, 'taɩn 'lɩ 'Pläkänyɔɔ bɩaa' Israɛɛlëa 'fɩɔ Ejiipëtëa 'bre 'ceciekʋ nɩ, 'ɔnya nʋ 'iin ‑mülü kä 'fɩɔ 'nyɩa' 'ɔɔn plɛtoro nya jä.

Titë 3:14

'I 'na 'kä ana nyüü 'kpɩa bɩa 'cɩcagbia nʋnʋkʋ, 'ümä nyüüa ‑gbajijikʋ mlɩbɩa 'ü ‑pɩ ‑beere tuulu 'nyɩ tʋa'.

2 Timotee 2:14

'Pa nyüü plɛ, ‑gbala 'üün ‑taa wiili 'Pläkänyɔɔa 'klʋɩ, 'ünyɩ 'blara waklüüa ‑gʋ. 'Ia ‑golulu 'nyɩ fala nyɔɔ 'klɔɔtrʋ ‑a, ‑maa nyüülü 'poa' 'iin 'nyakli, 'üa 'doo 'i bʋblɔ.

Titë 1:16

'Ü nɩnɩa 'ü jre Nyɔsʋa, ‑maa wiili 'ü nöa', 'i ‑gbala nyüü 'sɩrɩ 'i bäa' ‑gbagblɛ, 'ü bä cacɩ 'wʋ, 'ünyɩ ‑träärälɩ Nyɔsʋa ‑a ‑bɛ 'ünyɩ 'nɩmɩ 'lɩ ‑a bɩa ü nʋ 'cɩcadɛɛ 'dee.