Titë 2:5 - Kuö Dëdrä Jenɛɛsë Rutë

⁵ 'Ü kä 'ümä wiia 'kpakplakʋ jre, 'ünyɩ bä ‑fre 'lɩ, ü ‑gäälä 'üa ‑jarɛ 'nyiöli, ü kä 'cɩcagbi ‑bɛ ü ‑träärälɩ 'üa dʋɔɩɩ ‑gböösa. 'Ia 'taɩn 'lɩ nyüü ‑nëmä nyɔsʋaawiia ‑gʋ bʋbɔwii ‑a 'pa.

Titë 2:5 Referans Kwoze

Kolɔɔsënyüü 3:18

'Amɔ 'ŋlëgë 'amɩ, ‑moloo ma bälɩ ɔ ‑träärälɩ 'ɔa dʋɔ, 'i 'na 'Pläkänyɔɔa 'klɩ.

1 Timotee 5:10

'kä nyüü 'paa 'ɔa 'cɩcagbia ‑gä. Ɔ bä 'ŋlʋʋlɔ 'bʋaa' 'ɔa 'jü, ɔ 'kʋɛɛa' 'lɩ nyɔtugbanyüü, ɔ sua' 'cɛcɩnyüüa bei ‑gba, ɔ jia' ‑sʋɩjänyüü ‑gba, ‑bɛ ɔ nʋa' 'mʋfagbi 'kɔkɔmlɛ.

Jenɛɛsë 3:16

'Ɔnya ‑gbala 'ŋlʋʋlɔ: «'Nyaa ‑na ‑sʋɛ ‑gälɩ 'paplaa ‑na nʋgblaguia 'taɩn 'lɩ, mɩmɩakʋ 'lɩ ‑nëmä 'jü ‑glooro. ‑Nya 'daa ‑mä ‑na dʋɔ 'klügälɩ kälä, ‑maa 'ɔnya ‑mɩ 'klü ‑gälɩ käläa.»

Ɛfɛsënyüü 5:33

‑Maa 'i kälä bɩa 'amɩ ‑gba: dʋɔ ‑moloo ma bälɩ ɔ ‑wa 'ɔa 'ŋlʋʋ ‑beere 'ɔa 'mʋgbɛ, 'kä 'ŋlʋʋ ‑träärälɩ 'ɔa dʋɔ.

Akëtë 9:36

'Ŋlʋʋ 'doo bä kä 'wʋnyɛrɛnyüüa ‑tɔrʋpɩɔ bätälä 'ü 'daraa' Jopee 'äa 'mlɩ, 'ɔa 'nyrɩ bä Tabita. 'Iibä Dɔrëkaasë grɛɛkëwii 'lɩ. 'Ɔ ma nö nyüü 'mʋfagbi ‑gba, ‑bɛ 'ɔ ma jö 'pʋablanyüü ‑gba.

1 Timotee 6:1

Nyüülü kä 'fɩɔ bäa' ‑goou kä 'ümä 'lɩ 'üa 'kamanyüü ‑träärä ‑gböösa, nyɔɔ ‑pɩ Nyɔsʋaa 'nyrɩ nyra ana 'kpɩkpɩakʋa ‑gʋ bʋbɔwii 'pa.

1 Korɛɛntënyüü 14:34

Abɩa 'ana 'ŋlëgë 'kpla 'më 'cɛcʋa 'mlɩ: 'ünyɩ kä ‑a kä 'ümä wiipa, ‑maa 'ü kä 'ümä 'lɩ 'üa dʋɔɩɩ ‑träärä 'sɩrɩ ‑dɔ ‑gbaa'.

1 Korɛɛntënyüü 11:3

‑Maa 'ba jresaa, 'Kriisë 'ɔɔ bä nyɔɔ o nyɔɔa 'wliklɩ. Nyɔɔ bä 'ŋlʋʋa 'wliklɩ. Nyɔsʋa nya bä 'Kriisëa 'wliklɩ.

Rɔmënyüü 2:24

'Be 'i ‑jɩjraa' ‑maa: «'Ana ‑gʋ nyüülü 'nyɩa' juifë bä 'nyɩ ‑träärälɩ Nyɔsʋaa 'nyrɩ ‑a.»

Akëtë 9:39

Piɛɛrë nya sɔwʋ, 'ɔ nyra 'üün nya mi. 'Ɔ 'tɔa' nɩ, 'ünya fa 'ɔɔn nyëkaklöölä bäa' cɛlɩa 'mlɩ. 'Kusroŋlëgëlüa 'fɩɔ nya jijrö 'ɔɔn ‑gba ‑bɛ 'ü 'wuö. 'Ünya srara 'ɔɔn 'koti nyra ‑gälɩpakotili Dɔrëkaasë ma 'kplaaa' 'taɩn 'lɩ 'ɔ ‑ka bä käa' 'lɩ.

Jenɛɛsë 18:9

Nyüülü nya 'bete 'ɔɔn: «‑A 'plɛɛ ‑na 'ŋlʋʋ Sara bä le?» 'Ɔ ‑nëma: «'Ɔ bä ‑tete ‑wälɩ.»

Rɔmënyüü 14:16

'Ii känyrɩ dɛɛlɛ 'naa' 'ana ‑gʋ nɩ, 'anyɩ 'cɛrɛ nyüü ‑wälɩ 'ünyɩ 'pa 'ɛa bʋbɔnyrɩ;

Titë 2:4

'ümä 'ŋlëgë ‑mölöö ‑ka bäa' 'klɩ 'kpɩa 'sɩrɩ 'ümäa' 'üa dʋɔɩɩ nyra 'üa 'jü ‑wa.