Titë 2:3 - Kuö Dëdrä Jenɛɛsë Rutë

³ ‑Gbala bɩa tagbüŋlëgë ü 'nyɛ 'sɩrɩ nyɔɔ 'nyɩa' ‑fre pa Nyɔsʋaa 'klɩ, 'ia 'sa. 'Ünyɩ 'pa 'üa ‑mölööa bʋbɔnyrɩ, 'ünyɩ bä 'nʋa ‑goou. Ü 'kpɩa nyüü wiili 'naa',

Titë 2:3 Referans Kwoze

Titë 2:4

'ümä 'ŋlëgë ‑mölöö ‑ka bäa' 'klɩ 'kpɩa 'sɩrɩ 'ümäa' 'üa dʋɔɩɩ nyra 'üa 'jü ‑wa.

1 Timotee 3:11

'Asɩ 'üa 'ŋlëgë kä 'ümä nyɔɔwʋbasa bä. 'Ünyɩ kä ‑a kä 'ümä ‑mölööa bʋbɔnyrɩ 'pa; ɔ kä 'ɔa nyufa, 'kä 'ɔ bä plɛtorosa wiia 'fɩɔa 'mlɩ.

Titë 1:7

'Be 'cɛcɩtagbölɔ ‑fɛɛɛa' Nyɔsʋaa 'jrʋpaa 'klä kä 'ämä 'na, 'ɔa bʋbɔnyrɩ 'nyɩ kä ‑a kä 'imä nyüüa mlɩ bä. 'Ɔnyɩ bä ‑tɔklʋbɔtɔnyɔɔ, 'ɔnyɩ kä 'crɛ, 'ɔnyɩ bä 'nʋblanyɔɔ, 'ɔnyɩ bä nyɔɔlɔ ‑waa' ‑golu, 'ɔnyɩ bä nyɔɔlɔ fɔlɔa' mölii dɛrɩ ‑balʋsa.

1 Timotee 3:8

'Asɩ nyɔɔlɔ bäa' diakrë kä 'ɔmä bɩa bä: ɔ bä nyɔɔwʋbasa, 'ünyɩ kä 'më 'sɔɔ. 'Ünyɩ 'mla 'saa 'nʋ, ‑bɛ 'ünyɩ fɔlɔ mölii dɛrɩ ‑balʋsa.

Rɔmënyüü 16:2

'Ba 'kʋɛɛlɩ 'ɔɔn 'cɩcasa 'Pläkänyɔɔa 'nyrɩklɩa ‑gʋ; 'sɩrɩ 'ü 'kʋɛɛa' 'lɩ Nyɔsʋaa 'nyünanyüü. 'Ba 'pa 'ɔa ‑gä, wii kä 'fɩɔ kä 'mlɩ 'ɔmäa' 'amɩ were, 'ba ji 'ɔɔn ‑gba; 'be 'ɔ ji nyüü 'kɔkɔmlɛ ‑gba, 'palɩ 'na 'mʋgbɛ.

Ɛfɛsënyüü 5:3

Nyɔsʋaa 'nyünanyüü 'a bä. 'Ii känyrɩ, ‑sagbili Nyɔsʋa 'nyɩ 'bataa' nyra diili plaa' ‑fre, nyra dɛɛnyükäkäkʋ, 'ia ‑taa wiilia 'fɩɔ 'nyɩ kä ‑a kä 'imä 'ana ‑tɔrʋpɩɔ bä.

'Nyügälɩjawii 2:20

‑Maa wiili kä ‑gʋ 'mäa' ‑mɩ 'daa nɩ, ‑taa 'ŋlʋʋlɔ 'ü 'daraa' Jesabɛɛlë ɔ 'daraa' 'ɔa nyufa nyɔsʋaamlɩpalaŋlʋʋ, ‑bɛ ‑cɛɛrɛa' ‑wälɩ ɔ ‑trɔɔrɔa' 'na 'jrʋpafɛnyüü nɩ, 'ɔa ‑gʋ 'mä ‑mɩ 'daa. 'Ɔ 'kpɩa 'üün ‑sagbili Nyɔsʋa 'nyɩ 'bataa', 'kä 'ü jö mrɛɛlɛ nyra mlaalü 'ü 'saraa' ‑wäsɩa 'wʋ.

Ebröönyüü 5:12

'Samaa ‑mlatɩ 'anya 'a kä 'kpɩkpɩanyüü bä, ‑maa 'a ‑ka kä 'amä nyɔsʋaawiia cɛtrɛfa 'wʋ 'kpɩara. 'Anya 'a ‑gälɩnyɛnyrɛ, ‑bɛ 'a ‑ka kä brunyɩtɩnɩa 'mamlakʋ, 'anyɩ 'lɩ ‑a bɩa 'amä kälɩbäjijri ji.

1 Timotee 5:23

‑Nyɩ 'mla 'nɩa 'doo, ‑maa 'mla ‑duvɛɛn jie ‑na 'mlɩa ‑gʋ, 'be fɩɩɩn ‑wusulu 'a ‑mɩ 'käkpa, 'ia ‑gʋ.

Rɔmënyüü 1:29

'Ü 'si ‑balʋgbia 'kaɩn 'kaɩn 'klɩ: ‑saa ‑balʋ, plɛbʋbɔkʋ, dɛɛnyükäkäkʋ, bʋbɔgbi, 'bablakʋ, 'blarakʋ, yrʋkäkäkʋ, ‑gbʋgblʋʋkänyüü. ‑Tutronyüü 'ü bä,