Titë 2:13 - Kuö Dëdrä Jenɛɛsë Rutë

¹³ 'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

Titë 2:13 Referans Kwoze

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

1 Korɛɛntënyüü 1:7

'ia ‑gʋ Nyɔsʋaa 'srɛa dɩjɔ 'doo 'nyɩ 'makɩ 'amɩ ‑a, 'amɔlɔ ‑glaaa' 'taɩnlɩ kä 'mlɩ ana 'Pläkänyɔɔ Jesu 'Kriisë 'mäa' 'ɔa nyufa srara.

Matiö 16:27

'Be Nyɔɔa 'Jʋ nyra 'ɔa 'aanjë nëmä 'ɔa Tʋa 'wliklɩbʋabʋakʋ ja ‑bɛ 'ɔmä ji ‑o. 'Ia 'taɩn 'lɩ nɩ, ‑moloa nʋnʋgbi 'ɔmä 'klɩtɛ ‑bɛ 'ɔmä 'ɔɔn 'pɛɛ.

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

Marëkë 14:62

'Iibäa' Jesu nɩ: «‑Yɛɛ, 'ɔɔ 'n bä. 'Anya Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji.»

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

2 Piɛɛrë 3:18

‑Maa 'ba 'bʋala Jesu 'Kriisëa ‑gbinanakʋ 'lɩ 'kä 'a jre 'ɔɔn ‑gböösa, 'ɔɔlɔ bäa' ana 'Pläkänyɔɔ nyra ana 'Lɩmlɩbanyɔɔ. 'Ɔɔ kä 'wliklɩbʋbʋakʋ 'köklesaplɩɩ, 'plɔʋplɔʋ! 'Asɩ i bä.

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

Rɔmënyüü 15:13

Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!

Rɔmënyüü 5:5

‑Bɛ plɛgälɩpiepiekʋ 'nyɩ ‑trɔɔrɔ nyɔɔ ‑a, 'be Nyɔsʋa ‑srörö 'Nyüna ‑Susulu 'ɔ ‑nyɩa' amɩ kälɩ 'ɔnya 'fɛrɛ ana polu ‑gälɩ 'ɔa ‑wawakʋ 'kä.

2 Piɛɛrë 1:1

'Mɔɔ Simɔɔ Piɛɛrë, Jesu 'Kriisëa ‑geei nyra 'ɔa apotrë, 'mɔɔ ‑jɩjra ü kä nyɔsʋaplɛ 'bʋaa' ‑beere ana nɛ 'wʋ. Ana Nyɔsʋa nyra 'Lɩmlɩbanyɔɔ Jesu 'Kriisë 'klɩgägäkʋa 'nyrɩklɩa ‑gʋ a 'klaa 'ia nyɔsʋaplɛlɛ.

1 Piɛɛrë 1:7

‑Sʋɩlɩ nɩ, 'ii srara 'sɩrɩ 'ana nyɔsʋaplɛ bäa' 'cɩcasa ‑bɛ 'ɛ ‑sia' ‑sika 'wʋ. ‑Sika 'mrɛɛ ä bɩa. ‑Bɛ ‑sikalä nɩ, kapu 'lɩ 'ü ‑srörö 'ään 'ämä kpëträ. 'Asɩ 'ana nyɔsʋaplɛ bä bɩa, 'kä ‑srɩlɩ kä 'mlɩ Jesu 'Kriisë 'mäa' ji nɩ, 'amä 'bʋala, 'ümä 'amɩ 'lɩbrɛrɛ, 'amä 'wliklɩbʋala 'ana nyɔsʋaplɛa ‑gʋ.

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

2 Timotee 4:1

'A 'ia ‑gʋ, 'tasɩrɩ 'n ‑gbala ‑mɩ Nyɔsʋa nyra 'Pläkänyɔɔ Jesu 'Kriisëlɔ 'mäa' 'lɩbänyüü nyra jäjänyüüa ‑gä ‑tʋ, 'taɩn 'lɩ 'ɔɔ ‑bɛ 'ɔa 'Kamaplä 'mäa' ‑srɩɩ ji nɩ, 'üa 'klɩ:

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Akëtë 24:15

Nyɔsʋalɔ 'ü bibiea' nɩ, 'ɔɔ 'na 'mʋgbɛ toroplɛ 'sɩrɩ jäjänyüü 'mäa' 'kuaabre sɔ: 'palɩ 'klɩgänyüü nyra ‑balʋnyüü.

Marëkë 8:38

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä, nyüüglügbölä kʋa' ‑pɩ, ä kä 'mlɩa nyüü 'sia' ‑balʋ 'klɩ, ä sɔa' Nyɔsʋa dɛrɩ nɩ, 'taɩn 'lɩ Nyɔɔa 'Jʋ 'mäa' 'ɔa tʋa 'wliklɩ 'bʋabʋakʋ ja 'ɔɔ ‑bɛ 'nyüna 'aanjëɩɩ 'mäa' ji nɩ, 'ɔnya ‑srɩ 'ɔa 'nyüsü käa bɩa.»

'Nyügälɩjawii 1:7

‑Jää! 'Ɔ bä cɛlɩa ‑gbrua 'mlɩ 'ɔɔ jö! Nyüüa 'fɩɔ nya 'ɔɔn 'jäa, 'palɩ nyüülü 'flooa' 'ɔɔn, 'kä ‑tʋtʋ ‑gälɩa ‑glügbüa 'fɩɔ nya 'ɔa ‑gʋ 'wu. 'Cɩcasa! 'Asɩ i bä!

Titë 3:4

‑Maa 'taɩnlɩ kä 'mlɩ ana 'Lɩmlɩba Nyɔsʋa sraraa' nyüü 'ɔa ‑gbinanakʋ, nyra 'sɩrɩ 'ɔ ‑waa' nyüü,

Kolɔɔsënyüü 3:4

'Kriisë 'ɔɔ bä ana 'klä. 'Taɩn 'lɩ 'ɔmäa' 'klɩtɔrɔ nɩ, 'ana 'mʋgbɛ nyra 'ɔɔn nya 'klɩtɔrɔa 'ɔa 'wliklɩbʋabʋakʋ 'lɩ.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

1 Jaan 4:14

Ana 'mʋgbɛlɔ nɩ, anya 'jä 'iin, 'ii a 'saalɩ: Tʋ blɔ 'ɔa 'Jʋ, 'pläa 'lɩmlɩbanyɔɔ.

Kolɔɔsënyüü 1:5

Dɛɛlɛ Nyɔsʋa tɛrɛa' 'amɩ cɛɩɩa 'mlɩ ɛ 'a ‑glaaa' nɩ, 'ɛɛ bä 'ana nyɔsʋaplɛtorokʋ. ‑Bɛ 'ia plɛgälɩpiepiekʋlʋ nɩ, 'cɩcasalä 'saraa' 'lɩ, 'ää känyrɩ 'anya jre 'Mʋfagogo.

Matiö 26:64

'Iibäa' Jesu: «‑Na mlɩ 'i ja. ‑Maa 'cɩcasa 'n ‑gbala 'amɩ, 'bala 'saarɩ ‑gälɩ 'anya *Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji.»

Matiö 25:31

«‑Bɛ 'taɩn 'lɩ Nyɔɔa 'Jʋ 'mäa' ‑srɩ 'ɔa 'wliklɩbʋabʋakʋ ja 'ɔmäa' ji, 'ɔɔ ‑bɛ 'nyüna 'aanjëa 'fɩɔ nɩ, 'ɔa 'wliklɩbʋabʋakʋa 'kɩɩkpata ‑gälɩ 'ɔmä kʋ.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

2 Tɛsalonikënyüü 2:8

'A ‑plɩɩ ‑Gbakäklɛnyɔɔ 'mä 'wʋcrɛrɛ, 'kä 'Pläkänyɔɔ Jesu nya mlɩa ‑fʋflʋ nʋ 'kä 'ɔnya 'ɔɔn bʋblɔ 'ɔa jijisrɩ 'lɩ.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Rɔmënyüü 8:18

‑A ‑gbala 'amɩ, ama 'jä 'köklesaplɩɩa ‑sʋɩ nyra 'wliklɩbʋabʋakʋlʋ Nyɔsʋa 'mäa' 'amɩ srara nɩ, 'inyɩ pɛprɛ ‑a pɛprɛ;

1 Timotee 1:1

'Mɔɔ 'Pɔɔlë, Jesu 'Kriisëa apotrë; Nyɔsʋalɔ bäa' ana 'Lɩmlɩbanyɔɔ Nyɔsʋa nyra 'Pläkänyɔɔ Jesu 'Kriisëlɔ bäa' ana plɛgälɩpienyɔɔ, 'üü ‑tʋ 'lɩ 'mɩ. 'Mɔɔ ‑jɩjra ‑mɩ 'wʋ,

2 Timotee 1:2

'Na ‑wawajʋ Timotee, 'n ‑jɩjra ‑mɩ 'wʋ: abɩa Nyɔsʋalɔ bäa' Tʋ nyra ana 'Pläkänyɔɔ Jesu 'Kriisëa ‑gbinanakʋ, nyatɛplɛ, nyra plɛgälɩflɛrɛkʋ bä ‑mɩ ‑gälɩ.

Titë 1:4

Titë, 'n ‑jɩjra ‑mɩ 'wʋ, ‑mɔ bäa' 'na 'cɩca 'jʋ nyɔsʋaplɛtorokʋ 'lɩ; nyɔsʋaplɛtorokʋlʋ ana 'sɔɔ käa'. Abɩa Nyɔsʋalɔ bäa' Tʋ nyra ana 'Pläkänyɔɔ Jesu 'Kriisëa ‑gbinanakʋ, nyatɛplɛ nyra plɛgälɩflɛrɛkʋ bä ‑mɩ ‑gälɩ.

Judë 1:21

'Ba kʋ Nyɔsʋaa ‑wawakʋ 'lɩ, ‑bɛ 'ba ‑glaaa ana 'Pläkänyɔɔ Jesu 'Kriisëlɔ ‑nyɛɛa' 'klälä 'nyɩa' blöröfa kä, 'ɔa nyatɛrɩ.