Titë 2:12 - Kuö Dëdrä Jenɛɛsë Rutë

¹² 'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.

Titë 2:12 Referans Kwoze

Matiö 16:24

'I ‑sia' nɩ, Jesu nya ‑gbala 'ɔa 'wʋnyɛrɛnyüü: «Nyɔɔ o nyɔɔ 'bataa' nyra 'ɔɔn 'mä 'wʋnyɛrɛ nɩ, ɔ ‑trɔ 'ɔa nyufaa ‑gä, ɔ 'pie 'ɔa krʋaa ‑plɩ ‑gälɩ 'kä 'ɔ jö ‑bɛ 'nyraa 'ɔɔn 'mä 'wʋnyɛrɛ.

Rɔmënyüü 6:19

'Ana 'nunukʋ klalɩ, 'a 'ia ‑gʋ 'n 'paa 'saa wii. 'A 'saa' 'klɩ nɩ, 'a nrörö 'ana fugba ‑frepadiia ‑geei 'lɩ ‑bɛ ‑balʋ 'tiere 'amɩ ‑balʋ 'lɩ. 'Ba nrörö ‑mlatɩ 'ana fugba 'klɩgägäkʋa ‑geei 'lɩ ‑bɛ i 'tiere 'amɩ 'klälä 'nyɩa' ‑fre paa 'mlɩ.

2 Piɛɛrë 2:9

'Ia 'fɩɔlʋ 'ii srara 'sɩrɩ 'Pläkänyɔɔ jrea' 'sɩrɩ 'ɔmäa' 'klɩgänyüü ‑sʋɩ 'lɩba, ‑bɛ 'sɩrɩ 'ɔmäa' nyüülü 'nyɩa' 'klɩgä ‑wälɩtʋ ‑bɛ 'üa ‑gätʋtaɩn 'mäa' 'wlijrä.

1 Jaan 2:6

Nyɔɔlɔ 'daa ‑maa 'ɔ bä 'ɔɔn 'lɩ nɩ, 'sɩrɩ 'ɔa 'mʋgbɛ 'nyɛa' nɩ, 'asɩ 'ɔ 'kä 'ɔmä bɩa 'nyɛ.

2 Timotee 3:12

'Asɩ nyüülü kä 'fɩɔ 'daaa' 'ü nyra Jesu 'Kriisë 'mä 'doo bä 'ümä Nyɔsʋaa 'nyʋfɔ fa nɩ, 'ünya 'üün ‑gbigba nʋa.

'Nyügälɩjawii 14:12

‑Jää wiili kä ‑gʋ nyɔsʋaanyünanyüü käa' 'ümäa' 'mlɩkpʋkplɔ. ‑Jää wiili kä ‑gʋ 'ü käa' 'ümäa' 'lɩ Nyɔsʋaa 'kamadɔ ‑träärä ‑bɛ 'ü käa' 'ümäa' Jesu plɛtoro.

Lukë 1:75

‑bɛ amä 'ɔa nyüülü ‑balʋ 'nyɩa' 'lɩbä bä, amä 'klɩgänyüü bä bä ana ‑srɩa 'fɩɔa 'mlɩ.

1 Tɛsalonikënyüü 4:7

Nyɔsʋa 'nyɩ amɩ ‑a we amä ‑frepanyüü bä, ‑maa 'ɔ we amɩ amä nyüülü kä 'nyü 'naa' bä.

Titë 3:3

Ana 'mʋgbɛlü nɩ, anyɩ kä 'lɩ ‑a ‑gla, a ma blajra, 'mɔlɔnyüü a ma bä. Dɛɛnyü nyra bʋbɔdiili käa' ana plɛ 'tʋ 'ia ‑goou a ma bä. Plɛbʋbɔkʋ nyra ‑wasägbi 'lɩ a ma kʋ, nyüü ma jrara amɩ 'nyüamlɩ ‑bɛ a ma jrajranyüamlɩ.

1 Tɛsalonikënyüü 4:9

Dɛɛlɛ bäa' 'sɩrɩ 'cɛcɩnyüü 'mäa' ‑wawla nɩ, 'anyɩ 'wʋ ‑jɩjrakʋ ‑a kä, 'be Nyɔsʋaa 'mʋgbɛ 'kpɩa 'amɩ 'sɩrɩ 'amäa' ‑wawla.

Ɛfɛsënyüü 2:2

'Ana nʋnʋgbi nyra ‑taa 'plälä kʋa' ‑pɩa nyüü ma bäa' dɛɛ 'dee, ‑bɛ 'a ma prɛ cɛ nyra ‑tʋtʋa ‑tɔrʋpɩɔa 'klüa 'cifi dɛrɩ; 'a 'ia ‑susulu 'uu ‑fɛɛɛrɛ nyüülü 'nyɩ ‑trääräa' 'lɩ Nyɔsʋaa 'kläa 'mlɩ 'jrʋpa.

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Rɔmënyüü 6:12

'Anyɩ 'cɛrɛ ‑balʋ ‑wälɩ 'unyɩ kälä 'ana fugbalä 'mäa' ‑srɩɩ jä 'klü ‑gälɩ, ‑bɛ 'anyɩ 'dara 'äa dɛɛnyükäkäkʋ wii.

Matiö 28:20

'kä 'a 'kpɩa 'üün wiili kä 'fɩɔ 'n ‑gbala kä 'amɩ, 'ia 'lɩträäräkʋ. 'Mɔɔlɔ nɩ, 'ba jresaa 'n bä 'ana ‑tɔrʋpɩɔ sɔ 'saarɩ ‑gälɩ ‑a 'tɔ 'pläa bɩarafa 'wʋ. 'Asɩ i bä!»

1 Jaan 2:27

‑Maa 'amɔlɔ 'ɔ 'baa' 'lɩ, ‑bɛ 'ɔ ‑nyɩa' 'Nyüna ‑Susu nɩ, 'u bä 'amɩ 'lɩ. 'A ‑kanyɩ 'kpɩkpɩakʋ ‑a kä, 'be ‑Susulu 'ɔ ‑nyɩa' 'amɩ nɩ, 'u 'kpɩa 'amɩ diia 'fɩɔ. 'U 'salɩ 'cɩcasa, 'u 'nɩ kä ‑gbagblɛ ‑a. 'Sɩrɩ 'u 'kpɩaa' 'amɩ nɩ, 'asɩ 'ba kʋ 'ɔɔn 'lɩ.

2 Piɛɛrë 3:11

‑Bɛ diia 'fɩɔ 'mäa' 'saa saka nɩ, ‑asɩ 'ana nʋnʋgbi nya bä le? Abɩa ana 'nyɛnyɛbeia 'nyü 'na ‑bɛ abɩa 'ia tie bä Nyɔsʋaa 'lɩträäräkʋ.

Ebröönyüü 8:11

Nyɔɔ ‑ka ‑nëmä 'plɔʋ 'ɔa ‑moloo ‑a 'kpɩa, 'ɔ ‑nëmä 'nɩmɩ 'ɔa ‑wlajʋ ‑a ‑gbala ‑maa: Jre Nyɔsʋa. 'Be 'üa 'fɩɔ nya 'mɩ jrea, 'bala blaadɩɔ ‑gälɩ ‑a mi kpaköa nɔ ‑gälɩ.

1 Timotee 6:17

‑Gbala 'bɩɔjinyüülü bäa' ‑taa 'plälä kʋa' ‑pɩa 'mlɩ nɩ, 'ünyɩ ‑gbalɩ; 'ünyɩ 'pie 'üa plɛ ‑taa 'bɩɔlʋ kʋa' ‑pɩ unyɩ ‑wlɛa' 'lɩ ‑gälɩ. ‑Gbala 'üün ü 'pie 'üa plɛ 'Lɩbä Nyɔsʋa ‑gälɩ, 'ɔɔ ‑nyɛɛ amɩ diia 'fɩɔ, 'kä 'ɔ ‑sööö 'lɩ ‑gba dɔrʋ 'mä amɩ 'bla.

1 Timotee 4:12

Nyɔɔ 'nyɩ fɛrɛ ‑na sëgbadɛɛ! Bä nyɔsʋaplɛtoronyüüa 'klɩtɛnyɔɔ, ‑na 'papawiia 'mlɩ, ‑na nʋnʋgbia 'mlɩ, ‑na ‑wawakʋ 'lɩ, ‑na ‑susu 'lɩ ‑na nyɔsʋaplɛtorokʋ 'lɩ nyra ‑na ‑fre 'klɩfɔlɔkʋ 'lɩ.

Kolɔɔsënyüü 1:22

‑Maa 'köklesaplɩɩ ɔ nɩ, 'ɔa 'Jʋlɔ 'ɔ nröröa' nyɔɔ 'lɩ nɩ, 'ɔa jäjäkʋ 'lɩ 'ɔ ‑srörö 'ɔ nyra 'amɔ nya 'nönröwli, 'amä 'ɔa 'klʋɩ 'nyüglö 'sɩrɩ 'a bäa' nyüülü kä 'nyü 'naa' ünyɩa' bʋbɔdɛɛ ‑gba kä, ü wii ‑nëmäa' 'kpla.

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

Galaatënyüü 1:4

'Kriisëlɔ 'saa' 'ɔa 'klä ana ‑balʋa ‑gʋ, 'ɔmä amɩ ‑taa bʋbɔplälä kʋa' ‑pɩa 'klü mlɩ 'ba, 'sɩrɩ ana Nyɔsʋalɔ bäa' Tʋ 'bataa'.

2 Korɛɛntënyüü 7:1

'Na ‑wawanyüü 'amɩ, 'be Nyɔsʋa nɩnɩa 'ɔnya 'ia 'fɩɔlʋ nʋa ana ‑gʋ. 'Ii känyrɩ, diili kä 'fɩɔ plaa' ana fugba nyra bobowli ‑fre nɩ, a 'ba 'iin ana ‑gba, a 'pa ana nyüfë 'klü 'lɩ ‑fre ‑pɩ amɩ 'lɩbä, 'kä a pɩɛ Nyɔsʋa.

2 Korɛɛntënyüü 1:12

‑Jää wiili kä ‑gʋ dɔrʋ 'blaaa' amɩ ana bobowlia 'mlɩ: ana nʋnʋgbi 'wlalɩkä, 'inya bä 'cɩcasa nyüüa ‑tɔrʋpɩɔ ‑gböösa. 'Iili nɩ, Nyɔsʋaa ‑nyɛɛ 'i sɔ ‑bɛ 'i jö amɩ ‑gälɩ. Nyɔsʋaa ‑gbinanakʋ 'uu 'tiere amɩ, ‑mää nyɔɔa 'lɩgaglakʋ ‑a.

Rɔmënyüü 8:13

'be 'ama nʋ wiili 'ana 'jajɛ 'bataa' nɩ, 'anya jäa. ‑Maa Nyɔsʋaa ‑Susu ma ji 'amɩ ‑gba ‑bɛ 'ama 'bla wiili 'ana fugba 'bataa' nɩ, 'anya 'klä 'jäa.

Akëtë 24:25

‑Maa 'ɔ ‑ka 'paa ɩ 'klɩgägäkʋa ‑gä, 'sɩrɩ nyɔɔ käa' 'ɔmäa' plɛböblökʋ kä, ‑bɛ 'sɩrɩ ‑gätʋtaɩn jöa' nɩ, 'inya kä Feliisë ŋalɛ 'wʋ, 'ɔ ‑nëma: «Mi ‑kätɩ, ama kä 'taɩn nɩ, 'nyaa ‑mɩ wea.»

Akëtë 24:16

'A 'ia ‑gʋ 'n 'paalɩklü ‑srɩ o ‑srɩ, 'na plɛ ‑pɩ 'mɩ 'daa Nyɔsʋa nyra nyüüa 'klʋɩ.

1 Jaan 5:19

A jre 'iin 'sɩrɩ a bäa' Nyɔsʋaa 'jü, ‑bɛ a jre bɩa 'iin 'sɩrɩ 'pläa 'fɩɔ bäa' Plɛbʋbɔsusu kälɩ.

Ɛfɛsënyüü 1:4

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

Jaan 14:30

'Nyraa 'amɔ ‑ka ‑nëmä ‑srɩɩ 'wʋ ‑a dɛtrɛ, 'be nyɔɔlɔ 'kamaa' 'plälä kʋa' ‑pɩ 'ɔɔ jö; 'ɔnyɩ 'na ‑gbanʋdɛɛ ‑a kä.

Jaan 6:25

'Ü jräa' 'ɔɔn 'niea 'wlugba nɩ, 'ü ‑nëma: «Rabii, 'taɩn 'plɛɛ 'lɩ ‑ji ‑tɛ le?»

Lukë 1:6

Sakarii ‑bɛ 'ɔa 'ŋlʋʋ ‑gäklɩ Nyɔsʋa 'klɩ ‑gälɩ; 'ü ‑träärälɩ 'ɔa ‑dɔa 'fɩɔ, wiili 'Pläkänyɔɔ 'daaa' 'ii 'ü nö, 'ünyɩ wala dɛɛ ‑a.

Judë 1:18

wiili bä käa' ‑maa ta nɩ, srörönyüü nya jia 'ümä 'üa bʋbɔ bobowiia 'sa 'nyɛ.

2 Timotee 4:10

'be Demasë 'a 'mɩ ‑wälɩ 'pala 'pläa ‑wawakʋa ‑gʋ, 'ɔa Tɛsalonikëbätä mi. Klesɛɛsë mi Galasiia 'bre, Titë mi Damasëa 'bre.

Matiö 12:32

Nyɔɔ o nyɔɔ 'mäa' Nyɔɔa 'Jʋa ‑gʋ bʋbɔwii 'pa nɩ, 'ɔa ‑balʋ bä ceresa. ‑Maa nyɔɔ o nyɔɔ nëmäa' 'Nyüna ‑Susua bʋbɔwii 'pa nɩ, 'ia ‑balʋlʋ ‑nëmä 'ɔmɩ ‑a cere 'plɔʋplɔʋ ‑taa 'pläläa 'mlɩ, nyra 'plälä jöa' 'äa 'mlɩ.

1 Timotee 6:9

Nyüülü 'bataa' 'bɩɔjijikʋ 'nyɩ 'lɩ ‑balʋ dɛrɩ ‑a tʋŋlɔ, 'ü böblö ‑gbasu mlɩ: mlüüdii 'kɔkɔmlɛ nyra bʋbɔdiia 'tʋ 'tutro nyüü bʋblɔkʋ nyra 'mɔlɔkʋ 'lɩ.

Jaakë 1:27

'Cɛcɩlɛ bäa' 'tasɩrɩa 'cɛcɩ ‑bɛ ɛnyɩa' ‑fre pa ana Tʋ Nyɔsʋa 'klɩ nɩ, 'a 'cɛcɩlɛ jöa' ‑gbokuijü nyra 'kusroŋlëgë ‑gba 'üa ‑sʋɛa 'mlɩ, ‑bɛ ɛ tʋŋlɔa' 'lɩ 'pläa 'mlɩa ‑frepadii dɛrɩ.