Titë 2:11 - Kuö Dëdrä Jenɛɛsë Rutë

¹¹ 'Be Nyɔsʋaa ‑gbinanakʋlʋ 'baaa' 'lɩ nyɔɔ mlɩ nɩ, 'uu srara 'ua nyufa nyüüa 'fɩɔ 'klɩ.

Titë 2:11 Referans Kwoze

1 Timotee 2:4

'Ɔ 'bata abɩa nyüüa 'fɩɔ 'wʋlɩmlɩ, 'ümä 'cɩcasa jre.

Ɛfɛsënyüü 2:8

'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

Ebröönyüü 2:9

‑Maa ‑jää wiili a 'jääa' 'wʋ: Jesu 'cere 'wʋ 'aanjëa 'klʋɩ jrüü jiea 'mlɩ, ‑maa jäjäkʋa ‑sʋɩ 'ɔ 'jäa', 'ia ‑gʋ nɩ, Nyɔsʋa nya ‑nyɩ 'ɔɔn 'bʋalakʋ nyra 'lɩträäräkʋ ‑beere 'kɩɩa 'wlugbö. 'Abɩa Nyɔsʋaa ‑gbinanakʋa ‑gʋ Jesu jä nyüüa 'fɩɔa ‑gʋ.

Ɛfɛsënyüü 2:5

a bä käa' 'nɩmɩ jäjänyüü ana ‑balʋa ‑gʋ nɩ, 'ɔ nʋ 'iin a nyra 'Kriisë nya bä 'sɔɔwʋ 'lɩ. Nyɔsʋaa ‑gbinanakʋa ‑gʋ 'a 'wʋlɩmlɩ.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

Rɔmënyüü 5:15

‑Maa wiili Adaan nʋa' nyra Nyɔsʋaa 'flɛɛlɩa wiiwälɩcɛrɛkʋ 'nyɩ dɛɛ 'dee ‑a bä. Nyɔɔ 'dooa ‑balʋa ‑gʋ nyüü 'kɔkɔmlɛ ma jä nɩ, Nyɔsʋaa ‑gbinanakʋ ‑siwʋ ‑gböösa: nyɔɔ 'doo Nyɔsʋa ‑srörö kälɩ, Jesu 'Kriisëa ‑gbinanakʋ kälɩ 'ɔ ‑srörö 'ɔnya ‑gbäträ 'ɔa ‑gbinanakʋ nyüü 'kɔkɔmlɛ 'wʋ kä.

Jaan 1:14

Nyɔsʋaa 'Papawiili nya srörö nyɔɔ 'lɩ, 'ɔnya kʋ ana ‑tɔrʋpɩɔ. Anya 'jä 'ɔa 'wliklɩ 'bʋabʋakʋ; 'wliklɩ 'bʋabʋakʋlʋ Tʋ ‑nyɩa' 'ɔa 'Jʋ 'doo 'doo. ‑Gbinanakʋ ‑bɛ 'cɩcasa 'si 'ɔɔn 'lɩ.

Akëtë 11:23

'Ɔ 'tɔa' ‑bɛ 'ɔ 'järäa' Nyɔsʋaa ‑gbinanakʋ 'üa ‑tɔrʋpɩɔ nɩ, dɔrʋ 'bla 'ɔɔn, 'ɔnya 'jrara 'üa 'fɩɔa 'klü 'ɔnya ‑gbala 'üün ü nʋ 'üa plɛa 'fɩɔ ü toro 'Pläkänyɔɔ plɛ.

Akëtë 20:24

'Na 'klä 'nyɩ 'na 'nyü ‑gälɩ ‑gbaa ‑a kälä. I käa' ‑gbaa nɩ, 'iibä ‑a 'wlara dɔrʋ 'lɩ 'jrʋpalä bäa' 'na 'klʋɩ ä 'Pläkänyɔɔ Jesu ‑nyɩa' 'mɩ kälɩ: ‑a 'salɩ 'Mʋfagogolä 'paa' Nyɔsʋaa ‑gbinanakʋa ‑gä.

Lukë 3:6

'Kä nyüüa 'fɩɔ nya Nyɔsʋaa 'lɩmlɩbanyɔɔlɔ Nyɔsʋaa jaa' 'jä.

1 Timotee 1:14

Ana 'Pläkänyɔɔa ‑gbinanakʋ nya 'si 'mɩ 'klɩ, 'ɔ ‑nyɩ 'mɩ nyɔsʋaplɛtorokʋ nyra ‑wawakʋlʋ bäa' 'Kriisë Jesu 'lɩ.

Rɔmënyüü 5:2

'A 'ɔa plɛtorokʋa ‑gʋ 'ɔ 'sa amɩ 'ɔa ‑gbinanakʋa 'nyʋfɔa tatu 'klɩ, ‑bɛ a kʋ 'lɩ 'mʋfasa ‑mlatɩ. Dɔrʋ 'blaa amɩ 'be anya ‑pɩ Nyɔsʋaa 'bʋalakʋ 'jäa.

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Galaatënyüü 2:21

'Nyɩ 'ba ‑plɩɩ Nyɔsʋaa ‑gbinanakʋ ‑a, 'be ima 'daa ana ‑dɔa 'lɩträäräkʋ 'uu ‑gäää nyɔɔ 'klɩ nɩ, 'fëflɛsa 'Kriisë jä 'la!

2 Korɛɛntënyüü 6:1

‑Bɛ a nyra Nyɔsʋa 'sɔ ‑fɛɛɛa' 'jrʋpa nɩ, a bibie 'amɩ: ‑gbinanakʋlʋ Nyɔsʋa ‑nyɩa' 'amɩ nɩ, 'anyɩ 'pa 'uun sawʋ.

Akëtë 13:47

'Asɩ 'Pläkänyɔɔ ‑gbala amɩ: 'N ‑tʋ 'lɩ ‑mɩ ‑beere 'napɛ nyüülü 'nyɩa' juifë bä 'üa ‑gʋ, ‑bɛ 'sɩrɩ Nyɔsʋa 'baalɩ nyüü mlɩ nɩ, ‑mä 'iin ‑tʋtʋa 'fɩɔ ‑gälɩ fa .

Akëtë 13:43

'Ü ‑gbagbaa' 'kä nɩ, juifë 'kɔkɔmlɛ nyra 'ü nʋa' juifë nɩ, 'ünya fala 'Pɔɔlë nyra Banabasë. 'Pɔɔlë nyra Banabasë nya 'pa 'üün ‑tɔɔ 'lɩ, ‑bɛ 'ü 'jrara 'üa 'klü, ü toro Nyɔsʋaa ‑gbinanakʋ plɛ.

Jaan 1:9

'Iili ni, 'iibä kä 'tasɩrɩa ‑srɩ. ‑Srɩlɩ jöa' 'pläa 'mlɩ nɩ, 'ii pala nyüüa 'fɩɔ ‑gälɩ.

Lukë 24:47

‑Bɛ kolo Jerusalɛɛmë 'kä, 'ümä ‑tʋtʋ ‑gälɩa nyüüa 'fɩɔ ‑gbala ü torolɩ ‑balʋ ‑gälɩ, ‑bɛ Nyɔsʋa 'mä 'ümɩ 'uun cere.

Marëkë 16:15

'Ɔnya ‑gbala 'üün: «'Ba mi 'pläa 'fɩɔ ‑gälɩ, 'ba 'saralɩ nyüüa 'fɩɔ 'mʋfagogo.

Matiö 28:19

'Ii känyrɩ, 'ba mi ‑tʋtʋ ‑gälɩa ‑glügbüa 'fɩɔa ‑nyɛɛ, 'ba nrörö 'üün 'na 'wʋnyɛrɛnyüü 'lɩ, 'ba 'pa 'üün 'nɩ 'wli Tʋa 'nyrɩklɩ, 'Jʋa 'nyrɩklɩ nyra 'Nyüna ‑Susua 'nyrɩklɩ,

Ebröönyüü 12:15

'Ba ‑tre 'ana nyüfë nyɔɔ 'doo ‑pɩ Nyɔsʋaa ‑gbinanakʋ wala, wasäa tigblii ‑pɩ 'ana ‑tɔrʋpɩɔ ‑gaaala, 'i ‑pɩ 'amɩ 'lɩcakla ‑bɛ 'i ‑pɩ nyüü 'kɔkɔmlɛ bʋblɔ.

2 Timotee 4:17

‑Maa 'Pläkänyɔɔ bä ɩ 'na ‑gba 'ɔnya ‑nyɩ 'mɩ 'klü; 'mɔɔ 'ɔ ‑srörökalɩ 'ɔnya 'saralɩ 'ɔa wii nyüülü kä 'fɩɔ 'nyɩa' Nyɔsʋa jre. 'Ɔnya 'ba 'mɩ sruku 'mä.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Rɔmënyüü 10:18

‑Maa 'bete 'n 'bete: 'Ünyɩ 'nu ‑a 'nu? 'Ü 'nu! 'Üa mlɩa wii mi ‑tʋtʋa 'fɩɔ ‑gälɩ, 'üa 'papawii nya mi 'pläa blöröfa 'wʋ.

Akëtë 17:30

'I 'saa' 'klɩ nɩ, Nyɔsʋa 'cere 'ia 'fɩɔ, 'be nyüü 'nyɩ kä wiili 'ü nöa' ‑a jre. ‑Mlatɩ nɩ, 'ɔ ‑gbala ‑pɩɔa 'fɩɔa nyüüa 'fɩɔ 'ü kä 'ümä ‑balʋ 'pie,

2 Timotee 1:10

'U crɛrɛwʋ 'saarɩ 'taɩn 'lɩ ana 'Pläkänyɔɔ Jesu 'Kriisë sraraa' 'ɔa nyufa. 'Ɔɔ bʋblɔ jäjäa 'klü, 'ɔnya ‑srörö 'Mʋfagogo kälɩ 'ɔnya ja 'klä ‑srɩ 'klɩ, 'klälä 'nyɩa' blöröfa kä 'plɔʋ.