Titë 2:10 - Kuö Dëdrä Jenɛɛsë Rutë

¹⁰ ‑bɛ 'ünyɩ 'jie 'üün. ‑Maa ü srara 'taɩn a 'fɩɔ 'lɩ 'sɩrɩ 'ü käa' 'cɩcagbi ‑bɛ 'ü ‑gäa' 'klɩ. 'Asɩ 'ümä 'lɩ ana 'Lɩmlɩbanyɔɔ Nyɔsʋaa 'kpɩkpɩakʋ 'bʋala diia 'fɩɔa 'mlɩ.

Titë 2:10 Referans Kwoze

Matiö 5:16

'Asɩ 'ana 'napɛ kä 'ɛmä bɩa nyüü ‑gälɩ ŋʋala, 'ümä 'mʋfa ‑gbili 'a nöa' 'jä, ‑bɛ 'ümä 'ana Tʋlɔ bäa cɛɩɩa 'mlɩ 'bʋala.

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

2 Jaan 1:9

Nyɔɔ o nyɔɔ 'nyɩ ‑trääräa' 'lɩ 'Kriisëa 'kpɩkpɩakʋ nɩ, 'ɔnyɩ Nyɔsʋa 'lɩ ‑a bä. ‑Mɔlɔ ‑trääräa' 'lɩ 'Kriisëa 'kpɩkpɩakʋ nɩ, 'ɔɔ bä Tʋ nyra 'Jʋ 'lɩ.

Ɛfɛsënyüü 4:1

'Ia ‑gʋ, 'mɔɔ 'Pläkänyɔɔa ‑jienyɔɔlɔ nɩ, 'n 'paa 'amɩ 'klü 'lɩ, 'sɩrɩ Nyɔsʋa 'bataa' i kä ‑gʋ 'ɔ wea' 'amɩ nɩ, 'amä 'ia 'sa 'nyɛ.

1 Piɛɛrë 3:16

'Anyɩ pla 'ana bobowli ‑fre, nyüülü paaa' 'ana bʋbɔnyrɩ 'ana 'cɩcagbili 'a nöa' 'Kriisë 'lɩa ‑gʋ, ‑bɛ 'ü 'daaa' 'amɩ ‑beere ‑balʋnyüü nɩ, 'nyüsü 'mä 'üün 'bla.

Titë 1:3

'Ia ‑srɩ jräa' 'lɩ nɩ, ana 'Lɩmlɩbanyɔɔ Nyɔsʋa nya nʋ 'iin 'ɔa 'papawii 'mä jrere. 'A 'papawiili 'ɔ ‑nyɩ 'mɩ, 'ii 'ɔ 'daa ‑a 'pa.

1 Timotee 6:3

Nyɔɔ ma 'kpɩa nyüü ‑pasawii, ɔma tɩ ‑plɩɩ ana 'Pläkänyɔɔ Jesu 'Kriisëa 'cɩcawii, ‑bɛ wiili 'ɔ 'kpɩaa' nyra Nyɔsʋaa 'lɩträäräkʋ ma 'nyɩ dɛɛ 'dee ‑a bä nɩ,

1 Timotee 6:1

Nyüülü kä 'fɩɔ bäa' ‑goou kä 'ümä 'lɩ 'üa 'kamanyüü ‑träärä ‑gböösa, nyɔɔ ‑pɩ Nyɔsʋaa 'nyrɩ nyra ana 'kpɩkpɩakʋa ‑gʋ bʋbɔwii 'pa.

1 Korɛɛntënyüü 4:2

'Pɩrɩgälɩ nɩ, wiili nyüü 'batraa' nyüülü käläa' diia wii ‑gbaa nʋnʋdiia 'mlɩ nɩ, 'ü kä 'ümä nyüü srara 'sɩrɩ 'ü bäa' plɛtoronyüü.

Lukë 16:10

«Nyɔɔlɔ ‑trääräa' 'lɩ diijie nɩ, 'ɔnya bɩa 'lɩ dii kpakü ‑trääräa. ‑Bɛ nyɔɔlɔ 'nyɩa' 'klɩgä diijiea 'mlɩ nɩ, 'ɔ ‑nëmä 'klɩ ‑a ‑gä dii kpaküa 'mli.

Matiö 24:45

«'Jrʋpafɛnyɔɔ 'plɛɛ ‑gäklɩ ‑bɛ ɔ ‑glalɩ le, ɔ nyukukänyɔɔ 'mä 'ɔa 'jrʋpafɛnyüüa 'fɩɔ ‑gba tɩ, 'ɔnya 'üün jijri ‑nyɩ 'taɩn ma jräwli le?

1 Timotee 5:17

'Cɛcɩtagbülü ‑gbaaa' 'cɛcɩ 'mäklɩ 'mʋfasa nɩ, 'ü kä 'ümä 'bʋala 'wʋ 'sɔɔwʋ, 'üülü 'paaa' nyɔsʋaawii ‑bɛ 'ü 'kpɩa nyüü 'üü kälä 'iin ‑gba ‑gböösa.

1 Timotee 1:1

'Mɔɔ 'Pɔɔlë, Jesu 'Kriisëa apotrë; Nyɔsʋalɔ bäa' ana 'Lɩmlɩbanyɔɔ Nyɔsʋa nyra 'Pläkänyɔɔ Jesu 'Kriisëlɔ bäa' ana plɛgälɩpienyɔɔ, 'üü ‑tʋ 'lɩ 'mɩ. 'Mɔɔ ‑jɩjra ‑mɩ 'wʋ,

Filipënyüü 4:8

'Na ‑wlajü 'amɩ, 'ba ‑tʋ 'ana bobowli ‑taa waklüülü kʋa' ‑pɩ ‑gälɩ: diili kä 'fɩɔ bäa' 'cɩcasa, ibäa' 'lɩträäräsa, i ‑gäa' 'klɩ, i kä 'fɩɔ 'nyɩa' ‑fre pa, i kä 'fɩɔ 'naa', diili 'wʋa' ‑wawakʋ nyra 'bʋalakʋ 'klɩ, 'ii 'ba bobo.

Filipënyüü 1:27

'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ.

Jaan 12:6

Wiili 'ɔ 'paaa' nɩ, ‑mää 'pʋablanyüüa ‑gʋ 'ɔnyɩ 'jä 'kasa ‑sʋɩ. 'Jejienyɔɔ 'ɔ bä: ‑bɛ 'ɔ ‑tʋʋä mölii ‑wälɩ, 'asɩ mölii paa' 'asɩ 'ɔ 'balɩ.

Lukë 1:47

'na plɛ nö 'na 'Pläkänyɔɔ Nyɔsʋaa dɔrʋ,

Lukë 1:80

'Jʋlɔ nɩ, 'bʋaa 'doo 'ɔ 'bʋa, ‑bɛ 'ɔa bobowli ‑jrɛ. ‑Aaga 'lɩ 'ɔ kʋ. 'Taɩn jräa' 'lɩ 'ɔnya srara 'ɔa nyufa Israɛɛlë 'klɩ.

Titë 3:4

‑Maa 'taɩnlɩ kä 'mlɩ ana 'Lɩmlɩba Nyɔsʋa sraraa' nyüü 'ɔa ‑gbinanakʋ, nyra 'sɩrɩ 'ɔ ‑waa' nyüü,