Titë 1:7 - Kuö Dëdrä Jenɛɛsë Rutë

⁷ 'Be 'cɛcɩtagbölɔ ‑fɛɛɛa' Nyɔsʋaa 'jrʋpaa 'klä kä 'ämä 'na, 'ɔa bʋbɔnyrɩ 'nyɩ kä ‑a kä 'imä nyüüa mlɩ bä. 'Ɔnyɩ bä ‑tɔklʋbɔtɔnyɔɔ, 'ɔnyɩ kä 'crɛ, 'ɔnyɩ bä 'nʋblanyɔɔ, 'ɔnyɩ bä nyɔɔlɔ ‑waa' ‑golu, 'ɔnyɩ bä nyɔɔlɔ fɔlɔa' mölii dɛrɩ ‑balʋsa.

Titë 1:7 Referans Kwoze

2 Piɛɛrë 2:10

Nyɔsʋa nya nyüülü 'nyɛrɛa' bʋbɔdiili 'üa fugba 'bataa' 'pɔnɩa. 'Ia nyüülüa plɛ 'sosowʋ ‑frepadiia ‑gʋ, 'üa ‑gbʋʋ 'nyɩ 'kamakʋ ‑gba ‑a bä. 'Ü toro 'üa nyüfë plɛ ‑gböösa; 'ü bɔtɔ ‑tɔklʋ ‑bɛ 'ü ‑jejre 'wliklɩbʋa ‑sisili bäa' cɛa 'mlɩ.

Ɛfɛsënyüü 5:18

'Nʋ 'nyɩ 'bla 'amɩ, 'u ‑pɩ 'amɩ dɛɛgbagbi 'lɩtutro. ‑Maa abɩa Nyɔsʋaa ‑Susu 'si 'amɩ 'klɩ:

1 Piɛɛrë 5:2

'Sɩrɩ ‑bablëëgbanyɛrɛnyɔɔ ‑tʋʋäa' ‑bäblëë 'nyügba nɩ, 'ba nʋ 'saa 'ba ‑gäälä nyüülü Nyɔsʋa ‑nyɩa' 'amɩ 'nyü ‑gba, ‑mää 'klɩkʋsa ‑a, ‑maa 'ba nʋ 'ana plɛa 'sa. 'Anyɩ ‑fɛ 'ia 'jrʋpalä 'äa ‑gälɩa möliia jrörökʋa ‑gʋ, ‑maa 'ba ‑fɛ 'ämɩ 'sɩrɩ 'a ‑wa 'ämɩ.

1 Piɛɛrë 4:10

‑Moloo ma bälɩ ɔ nʋ 'ɔa 'srɛ ɔ ji 'ɔa ‑moloo ‑gba. 'Ba nʋ 'cɩca 'jrʋpafɛnyüülü ‑tʋʋäa' Nyɔsʋaa 'srɛa 'kaɩn 'kaɩn 'nyügbaa 'sa.

Lukë 12:42

'Pläkänyɔɔ ‑nëma: «'Jrʋpafɛnyɔɔ 'plɛɛ ‑gäklɩ ‑bɛ ɔ ‑glalɩ, ɔ nyukukänyɔɔ 'mä 'ɔa 'jrʋpafɛnyüüa 'fɩɔ ‑gba tɩ, 'ɔnya 'üün jijri ‑nyɩ 'taɩn ma jräwli le?

Titë 2:3

‑Gbala bɩa tagbüŋlëgë ü 'nyɛ 'sɩrɩ nyɔɔ 'nyɩa' ‑fre pa Nyɔsʋaa 'klɩ, 'ia 'sa. 'Ünyɩ 'pa 'üa ‑mölööa bʋbɔnyrɩ, 'ünyɩ bä 'nʋa ‑goou. Ü 'kpɩa nyüü wiili 'naa',

Titë 1:5

'N tɩ ‑mɩ Krɛɛtëa 'mlɩ, 'kä diili ‑kaaŋlʋa' 'känyɩgla nɩ, ‑mä 'iin 'känyɩgla, ‑bɛ 'cɛcʋlʋ bäa' bätäa 'mlɩ nɩ, ‑mä 'ua 'mlɩ 'cɛcɩtagbü ‑tätä, 'sɩrɩ 'n ‑gbala käa' ‑mɩ.

Filipënyüü 1:1

'Mɔɔ 'Pɔɔlë nyra Timotee, Jesu 'Kriisëa 'jrʋpafɛnyüü, amɔ ‑jɩjra 'ana 'fɩɔlʋ bäa' Filipëbätä 'wʋ; 'ana 'fɩɔlʋ bäa' Nyɔsʋaa 'nyünanyüü Jesu 'Kriisë 'lɩ, 'cɛcɩtagbü nyra ‑diiakë.

Matiö 24:45

«'Jrʋpafɛnyɔɔ 'plɛɛ ‑gäklɩ ‑bɛ ɔ ‑glalɩ le, ɔ nyukukänyɔɔ 'mä 'ɔa 'jrʋpafɛnyüüa 'fɩɔ ‑gba tɩ, 'ɔnya 'üün jijri ‑nyɩ 'taɩn ma jräwli le?

Jenɛɛsë 49:6

‑Bakää 'na ‑gälɩa ‑susu 'nyɩ 'üa 'kpɛɛ 'lɩ mi! ‑Bakää 'na bobowli nyra 'üün 'nyɩ 'üa ‑jria 'lɩ 'kpala! 'Be 'üa 'crɛa 'mlɩ 'ü 'bla nyüü, 'bibriöa 'mlɩ, 'ü 'böbö bruua bei dɛrɩa tri.