Titë 1:2 - Kuö Dëdrä Jenɛɛsë Rutë

² 'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

Titë 1:2 Referans Kwoze

1 Jaan 2:25

‑Bɛ dɛɛlɛ 'ɔ 'daaa' 'ɔmäa' amɩ ‑nyɩ nɩ, 'ɛɛ bä 'klälä 'nyɩa' blöröfa kä.

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

Judë 1:21

'Ba kʋ Nyɔsʋaa ‑wawakʋ 'lɩ, ‑bɛ 'ba ‑glaaa ana 'Pläkänyɔɔ Jesu 'Kriisëlɔ ‑nyɛɛa' 'klälä 'nyɩa' blöröfa kä, 'ɔa nyatɛrɩ.

2 Timotee 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa'. 'Klälä 'ɔ 'daaa' 'ɔmäa' amɩ ‑nyɩ Jesu 'Kriisë 'lɩ nɩ, 'mä 'äa ‑gogo 'sa.

Titë 3:7

amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

2 Timotee 2:15

'Pa 'kpɔɔ ‑mä Nyɔsʋa 'tʋkä ‑beere 'mʋfa 'jrʋpafɛnyɔɔ 'nyɩa' 'nyüsü kä ‑bɛ ɔ 'kpɩaa' nyüü 'mʋfasa 'papawiili bäa' 'cɩcasa.

2 Timotee 2:13

Ama 'nyɩ 'ɔɔn ‑gba ‑a kpasra nɩ, 'ɔɔlɔ nɩ, 'ɔ tɩɔrɔ ‑gbakpasranyɔɔ 'lɩ: 'ɔnyɩ 'lɩ ‑a bɩa ɔ sɔ 'ɔa nyufa dɛrɩ.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Titë 2:7

‑Na 'mʋgbɛlɔ nɩ, nʋ 'cɩcagbi wiia 'fɩɔa 'mlɩ nyüü 'mä ‑na 'sa nʋ. ‑Bɛ ‑na 'kpɩkpɩakʋa 'mlɩ nɩ, nʋ 'imɩ 'cɩcasa 'lɩ, 'lɩträäräkʋ 'lɩ nyra 'klɩgägäkʋ 'lɩ.

1 Tɛsalonikënyüü 5:8

‑Maa amɔ bäa' ‑srɩa 'jü nɩ, a ‑tre ana nyüfë; a 'sroo nyɔsʋaplɛtorokʋ nyra ‑wawlakʋ ‑beere tafukotu, a 'pie 'lɩmlɩwʋwʋkʋ plɛ ‑gälɩ ‑beere tafuwlugbö.

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

'Nyügälɩjawii 17:8

«Mrɛɛlɛ ‑jäa' ma bä 'lɩ ‑maa 'ɛ ‑kanyɩ 'lɩ ‑a bä. 'Ɛ jö 'lee 'ɛmä 'lɩtʋŋlɔbütügbaa 'mlɩ 'cie 'ɛmä 'mɔlɔ. ‑Tʋtʋ ‑gälɩa nyüülü känyrɩ 'nyɩa' 'kläa ‑pɔɔkʋ 'lɩ ‑jɩjra 'bala ‑tʋtʋa 'käkolofa 'wʋ nɩ, üma 'jä 'ɛɛn 'wʋ nɩ, 'inya 'üün plɛklɩ kalaa; 'be mrɛɛlɛ ma bäa' 'lɩ ‑bɛ ɛ ‑kanyɩa' 'lɩbä, 'ɛnya 'sɔɔwʋ 'plä 'wʋ jia.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

1 Timotee 6:19

Üma nʋ 'imɩ nɩ, 'ünya 'cɩca 'bɩɔ ‑gbapaplaa, u 'surua' ‑sraakäpɩa ‑gʋ ‑bɛ 'ümä 'klälä 'nyɩa' blöröfa kä 'jä.

Rɔmënyüü 5:21

‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

Akëtë 15:18

‑bɛ diili kä 'fɩɔ 'ɔ nʋa' , 'i jrerea' 'i 'a 'lɩ ‑wlɛ.

Jaan 17:2

‑Mɔ ‑nyɩ 'ɔɔn nyüüa 'fɩɔa 'klügälɩkäläkʋ, 'kä nyüülü kä 'fɩɔ ‑nyɩa' 'ɔɔn nɩ, 'ɔmä 'üün 'klälä 'nyɩa' blöröfa kä ‑nyɩ.

Jaan 10:28

'N ‑nyɛɛ 'üün 'klälä 'nyɩa' blöröfa kä; 'ü ‑nëmä jä ‑a jä 'plɔʋ. Nyɔɔ ‑nëmä bɩa 'mɩ 'üün kälɩ ‑a 'ba.

Jaan 6:68

'Iibäa' Simɔɔ Piɛɛrë nɩ: «'Pläkänyɔɔ, nyɔɔ 'plɛɛ kä ‑nyɛɛ anya ‑plɩɩ mi le? ‑Na mlɩa wii ‑nyɛɛ 'klälä 'nyɩa' blöröfa kä.

Jaan 6:54

Nyɔɔlɔ jöa' 'na 'jajɛ, ‑bɛ ɔ 'mlaaa' 'na ‑toru nɩ, 'ɔɔ kä 'klälä 'nyɩa' blöröfa kä, 'kä 'nyaa 'ɔɔn 'kuaabre 'ba 'pläa bɩarafa 'wʋ.

Jaan 5:39

'A ‑täsä 'cɩcasa nyɔsʋapɔɔkʋ 'mʋfasa 'ana plɛ nɩnɩa, 'ii 'mä 'amɩ 'klälä 'nyɩa' blöröfa kä ‑nyɩ, ‑bɛ ‑jɩjradiili, 'ii 'paa 'na ‑gä.

1 Timotee 6:12

‑Fu 'cɩca ‑golulu bäa' nyɔsʋaplɛtorokʋ; 'kpla ‑gböösa 'klälä 'nyɩa' blöröfa kä. 'A 'kläläa ‑gʋ 'ɔ we ‑mɩ. ‑Nya 'nyiere kä Jesu 'klɩ nyüü 'kɔkɔmlɛa 'klʋɩ.

1 Tɛsalonikënyüü 2:15

'A 'üü 'bla 'Pläkänyɔɔ Jesu nyra 'üa 'mʋgbɛa nyɔsʋaamlɩpalanyüü; 'a 'üü nʋ amɩ ‑gbigba. Nyɔsʋa 'nyɩ 'üa wii ‑a ‑wa. 'Ü jrara nyüüa 'fɩɔ 'nyüa 'mlɩ.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

Rɔmënyüü 5:4

'kä plɛböblökʋ ‑nyɛɛ amɩ 'klü amä ‑sʋɩ 'wʋsi; 'kä ‑sʋɩa 'wʋsisikʋ ja plɛgälɩpiepiekʋ.

Rɔmënyüü 5:2

'A 'ɔa plɛtorokʋa ‑gʋ 'ɔ 'sa amɩ 'ɔa ‑gbinanakʋa 'nyʋfɔa tatu 'klɩ, ‑bɛ a kʋ 'lɩ 'mʋfasa ‑mlatɩ. Dɔrʋ 'blaa amɩ 'be anya ‑pɩ Nyɔsʋaa 'bʋalakʋ 'jäa.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Rɔmënyüü 1:2

'Mʋfagogolä nɩ, Nyɔsʋa 'a kä 'äa ‑gä 'pa; 'ɔa 'mlɩpalanyüü 'ɔ ‑srörö kä kälɩ 'ɔnya 'pala 'äa ‑gä 'Nyüna ‑Pɔɔkɩa 'mlɩ.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Marëkë 10:30

'ɔnya 'iin 'wʋ ‑glʋɩgböö 'wʋ 'järäa 'taɩnlɩ a kʋa' ‑plɩɩ ‑gälɩ: 'ɔa nyëka, ‑wlajü, ‑wlayörü, 'yioɩɩ, tʋɩɩ, 'jü nyra papladiia ‑glʋɩgböö käa, 'taɩn 'lɩ a kʋa' ‑plɩɩ ‑gälɩ 'ia 'mlɩ; 'ɔnya bɩa ‑sʋɩ 'jäa, 'kä 'ɔnya 'klälä 'nyɩa' blöröfa kä 'jä ‑srɩɩ ‑mɩlɩ bäa' dɛrɩ 'ia 'mlɩ.

Marëkë 10:17

Jesu sɔwʋ 'ɔmä mi, ‑bɛ nyɔɔ 'doo ja fʋfɔlʋ 'ɔ 'jrara 'ɔɔn 'klɩ, 'ɔnya 'pa 'ɔa 'klɔɔtrʋ kotifli; 'iibä: «'Cɩca 'kpɩkpɩanyɔɔ, ‑asɩ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?»