Titë 1:15 - Kuö Dëdrä Jenɛɛsë Rutë

¹⁵ Nyüülü 'nyɩa' ‑fre pa, diia 'fɩɔ kpëträ 'üa ‑gʋ, ‑maa ‑mülü 'paa' ‑fre ‑bɛ 'ünyɩ toroa' Nyɔsʋa plɛ nɩ, dɛɛ 'dee 'nyɩ kpëträ ‑a kpëträ 'üa në ‑gʋ, 'üa wiijejrekʋ pa ‑fre, 'üa plɛ nya 'su 'wʋ.

Titë 1:15 Referans Kwoze

Rɔmënyüü 14:14

‑Bɛ 'nyraa 'Pläkänyɔɔ Jesu bäa' 'doo nɩ, 'n jre 'iin, 'nyaa 'suru 'iin, 'sɩrɩ dɛɛ 'nyɩa' ‑fre pa. ‑Maa nyɔɔ ma 'daa dɛɛlɛ kʋa' ‑pɩ pla nyɔɔ ‑fre 'lɩ nɩ, 'ɔa 'dooa ‑nyɛɛ dɛɛlɛ pla ‑fre 'lɩ.

Rɔmënyüü 14:20

‑Nyɩ bʋblɔ Nyɔsʋaa 'jrʋpa jijrɛa ‑gʋ. Jijria 'fɩɔ 'nyɩ pla nyɔɔ ‑fre 'lɩ ‑a, ‑maa 'inyɩ 'na ‑a 'na 'kä nyɔɔa jijri 'mä ‑moloo 'käkpa.

1 Korɛɛntënyüü 10:23

'N 'mrɛɛ ‑a nʋ diia 'fɩɔ, ‑maa ‑mää diia 'fɩɔ 'nyɩ 'na. 'N 'mrɛɛ ‑a nʋ diia 'fɩɔ, ‑maa ‑mää diia 'fɩɔ 'nyɩ 'papla nyɔsʋaplɛ ‑gälɩ.

Matiö 15:18

‑Maa wiili sɔa' plɛ ‑gälɩ 'ii jara mlɩ, 'a 'ii pla nyɔɔ ‑fre 'lɩ.

Rɔmënyüü 14:23

‑Maa ‑mɔlɔ jöa' dɛɛ ‑bɛ 'ɔa plɛ 'nyɩ ‑sia' nɩ, 'ɔa nyufa 'ɔ kala dɛrɩ, 'be 'ɔɔ ‑bɛ 'ɔa nyɔsʋaplɛ 'nyɩ po ‑a po. Diili kä 'fɩɔ nyɔɔ nöa' ‑bɛ i nyra 'ɔa nyɔsʋaplɛ 'nyɩa' po nɩ ‑balʋ bäsaa.

1 Korɛɛntënyüü 10:31

'Ii känyrɩ, 'ama jidɛɛ 'aiɛ 'ama 'mla nɩ, dɛɛ o dɛɛ 'a nöa', 'ba nʋ 'imɩ Nyɔsʋaa 'bʋalakʋa 'nyrɩklɩa ‑gʋ.

Akëtë 10:15

'Papawiili nya ‑gbala 'ɔɔn 'sɔɔwʋ: «Dɛɛlɛ Nyɔsʋa nyaa' kpëtä ‑nyɩ 'daa 'ɛ pa ‑fre!»

1 Korɛɛntënyüü 8:7

‑Maa ‑mää nyüüa 'fɩɔ 'nyɩ ‑taa 'cɩcasalä jre. ‑Mölöö bälɩ 'üa ‑kätɩ ‑gbi jre 'üün mlɩ 'kä 'ü ‑ka jö 'ia mlalë, 'be 'üa plɛɛ ‑wäsɩa 'ü 'blara mlalë. ‑Bɛ 'üa bobowli 'fʋmaa' nɩ, 'i pla 'üün ‑fre 'lɩ.

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.

1 Korɛɛntënyüü 10:25

'Ba ji diili kä 'fɩɔ 'ü 'palaa' 'makatɩ 'klɩ 'peru, ji 'imɩ ‑nyɩ 'bete, abɩa 'ana bobowli trarakä 'ba jidɛɛ.

1 Timotee 6:5

nyra nyüülü kä bobowli toroa' 'lɩgälɩ, ü ‑topoa' 'fëflɛsa. 'Ü ‑kanyɩ 'cɩcasa ‑a jre, 'ü 'jää nyɔsʋaplɛtorokʋ ‑beere dɛɛ 'ümäa' kälɩ ‑srörö 'ümäa' 'bɩɔ ji, ‑nyra 'ia nyüülü 'nɩ 'nyɛ.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

Ebröönyüü 12:15

'Ba ‑tre 'ana nyüfë nyɔɔ 'doo ‑pɩ Nyɔsʋaa ‑gbinanakʋ wala, wasäa tigblii ‑pɩ 'ana ‑tɔrʋpɩɔ ‑gaaala, 'i ‑pɩ 'amɩ 'lɩcakla ‑bɛ 'i ‑pɩ nyüü 'kɔkɔmlɛ bʋblɔ.