Titë 1:10 - Kuö Dëdrä Jenɛɛsë Rutë

¹⁰ 'Be nyüü 'kɔkɔmlɛ 'nyɩ ‑träärälɩ 'cɩcasa ‑a juifëlü prɛa' Jesu dɛrɩ ‑tɛɛ 'üa ‑tɔrʋpɩɔ; 'fʋflɛwii 'ü 'paa ‑bɛ 'ü bä nyüütrɔɔrɔnyüü.

Titë 1:10 Referans Kwoze

1 Timotee 1:6

‑Mölöö 'wʋ 'ia 'fɩɔlʋ dɛrɩ, 'ünya tɩɔrɔ 'fʋflɛsa ‑topokʋ 'lɩ.

1 Jaan 4:1

'Na ‑wawanyüü 'amɩ, 'a 'nɩ 'pie ‑sisia 'fɩɔ plɛ ‑gälɩ; ‑maa 'ba tɛlɩ 'iin 'amä 'iin 'jä ima bä Nyɔsʋaa ‑susu. ‑Gbagblɛnyüülü 'daraa' 'üa nyüfë nyɔsʋaamlɩpalanyüü, ü jia' 'plälä kʋa' ‑pɩa 'mlɩ, 'ü ‑sümlö.

Galaatënyüü 2:4

‑Bɛ 'ia 'fɩɔlʋ kʋa' ‑pɩ nɩ, 'a ‑gbagblɛwlajülü palaa' ana ‑tɔrʋpɩɔ, 'üü nʋ 'imɩ. Yrʋsa 'ü prɛ amɩ dɛrɩ, 'ümä 'iin 'jä 'sɩrɩ a ‑kanyɩa' ‑goou bä Jesu 'Kriisë 'lɩ. 'Be 'ü 'bata 'ümä amɩ ‑dɔa ‑goou 'lɩnrörö.

Ɛfɛsënyüü 4:14

'Ia 'taɩn 'lɩ, a ‑ka ‑nëmä 'jü ‑a bä. A ‑ka ‑nëmä ‑beere 'sɩrɩ 'taniea 'nɩdakë faa' ‑gɔlʋ ‑a. ‑Gbagblɛnyüülüa 'kpɩkpɩakʋ ‑ka ‑nëmä amɩ 'lɩklɩ ‑a ‑piie. 'Ü ‑ka ‑nëmä amɩ ‑gbagblɛ ‑a 'sara 'ümä amɩ ‑trɔɔrɔ.

Jaakë 1:26

'Ana ‑tɔrʋpɩɔa nyɔɔ ma 'daa 'cɛcɩnyɔɔ 'ɔ bä, ‑bɛ ɔma 'nyɩ 'ɔa 'mäa 'kpakplakʋ ‑a jre nɩ, 'ɔa nyufa 'ɔ ‑trɔɔrɔ, 'fëflɛcɛcɩ 'ɔ pa.

2 Timotee 3:13

‑Maa plɛbʋbɔnyüü nyra yrʋkänyüü kɔsɔ nɩ, ‑balʋlʋ 'ü nöa', 'ua ‑flia 'doo 'ü 'cere. 'Ünya ‑mölöö ‑trɔɔrɔa, 'kä ‑mölöö nya bɩa 'üün ‑trɔɔrɔ.

Akëtë 11:2

Piɛɛrë mia' Jerusalɛɛmë nɩ, nyüülü 'bölöa' nyra 'ɔɔn kɔsɔ nya ‑topo:

'Nyügälɩjawii 2:14

‑Maa wii 'doorodoo bälɩ 'ii 'nëmä ‑mɩ ‑gbala. Nyüü ‑mölöö bä ‑na ‑nyɛɛ, Balaamëa 'kpɩkpɩakʋlʋ 'ɔ 'kpɩa käa' nyüü tʋɩɩa 'taɩn 'lɩ nɩ, 'ü ‑ka 'nyɛɛ 'iin ‑gälɩ. Balaamë 'kpɩa kä Balaakë 'sɩrɩ 'ɔmäa' Israɛɛlënyüü bɔʋdɛrɩ 'pa ‑bɛ 'ümäa' ‑gbɔsamlaa ji, ‑bɛ 'sɩrɩ 'üü nöa' ‑sagbili Nyɔsʋa 'nyɩ 'bataa'.

'Nyügälɩjawii 2:6

'Asɩɛ ‑jää wiili käa' 'mɩ 'tʋ ‑na ‑nyɛɛ: 'sɩrɩ 'n jraraa' Nikolaiitënyüüa nʋnʋgbi 'nyüa 'mlɩ, 'asɩ ‑jraara bɩa 'üa nʋnʋgbi 'nyüa 'mlɩ.›

1 Jaan 2:18

'Na 'jü 'amɩ, ‑gälɩblörögliii 'lɩ a bä. 'A 'nu 'sɩrɩ ‑gbagblɛ 'kriisë jöa', ‑bɛ ‑plɩɩlɩ a 'palaa' wii nɩ, ‑gbagblɛ 'kriisë 'kɔkɔmlɛ 'a ji. 'Ii ‑gbala amɩ 'sɩrɩ a bäa' ‑gälɩblörögliii 'lɩ.

2 Timotee 4:4

'Ünya 'üa 'nyakli kalaa 'ü ‑pɩ 'cɩcasa 'nyaklipo 'ümä ‑gʋ ‑gbagblɛwii 'nyaklipo.

1 Timotee 1:4

‑Gbala 'üün bɩa ‑kätɩ nänëlë nyüü 'saraa' 'lɩ 'üün, nyra 'üa tʋɩɩa 'klɩtotrotɔɔlʋ 'ü 'paaa' unyɩ bɩaraa' nɩ, 'ünyɩ 'dara 'iin wii. 'I ja ‑topokʋ; 'inyɩ ‑fɛ Nyɔsʋa 'jrʋpalä nröröa' nyɔsʋaplɛtorokʋ 'lɩ ‑a.

Galaatënyüü 3:1

'Nɩnɩa nɩ, Galaatënyüü 'amɩ, 'ana polu jä! Nyɔɔ 'plɛɛ 'pa 'amɩ mlüü 'lɩ 'i kä ‑gʋ 'anyɩ ‑träärälɩ 'cɩcasa le, 'amɔ kä 'klɩ a sraraa' 'sɩrɩ Jesu 'Kriisë nʋa' krʋa ‑gälɩ järädɛɛ.

Akëtë 20:29

'N jre 'iin 'sɩrɩ ama toroa' 'lɩ ‑gälɩ klaklamlaa 'mäa' 'ana ‑tɔrʋpɩɔ pala, 'ü ‑nëmä ‑bablëëjüa nyatɛrɩ ‑a 'jä.

Akëtë 15:1

Nyüü ‑mölöö sɔ Judeea 'bre 'ünya ji Antiɔɔsëbätä ‑bɛ 'ü 'kpɩa ‑wlajü. 'Ü nɩnɩa: «'Ama 'nyɩ 'bölö ‑a 'bölö 'sɩrɩ Moisëa ‑Dɔ ‑gbalaa' 'amɩ nɩ 'a ‑nëmä 'lɩmlɩ ‑a 'wʋ.»

Akëtë 15:24

A 'nu 'sɩrɩ ana nyüü ‑mölöö sɔa' ‑tɛ ana ‑nyɛɛ ‑bɛ 'ü 'caklaa' 'ana bobowli 'lɩ: wiili bäa' ‑maa nyɔɔ kä 'ɔmä 'bölö ‑bɛ 'ɔmä 'lɩ ‑Dɔ ‑träärä. ‑Mää amɔ 'nyɩ 'üün blɔ.

1 Timotee 1:9

A kä amä wii 'doo jre: ‑mää nyɔɔlɔ ‑gäa' 'klɩa ‑gʋ ‑dɔ 'nyɩ 'lɩbä, ‑maa 'ünyɩa' ‑dɔ jre: ü blaa' jraa 'doo, plɛbʋbɔnyüü, nyra ‑balʋnyüü, nyüülü 'nyɩ ‑trääräa' 'lɩ Nyɔsʋa, ‑bɛ ü 'saalɩ Nyɔsʋaa diili paa', ü 'blaaa' nyüülü 'blaaa' 'üa tʋɩɩ nyra 'üa 'yioɩɩ, nyra nyüüblanyüü ‑mölöö.

Titë 1:6

'Ünyɩ bä nyüülü kä bʋbɔnyrɩ nyüü 'paaa', 'ia nyɔɔlɔ kä 'ɔmä 'ŋlʋʋ 'doo kä. 'Ɔa 'jü kä 'ümä Nyɔsʋa plɛtoro; 'ɔa 'jüa bʋbɔnyrɩ 'nyɩ kä ‑a kä 'imä nyüüa mlɩ bä, 'ü kä 'ümä 'lɩ nyüü ‑träärä.

1 Jaan 2:4

Nyɔɔlɔ nöa' ‑maa: «'N jre 'ɔmɩ» ‑bɛ 'ɔnyɩ ‑trääräa' 'lɩ 'ɔa ‑dɔ nɩ, ‑gbagblɛnyɔɔ 'ɔ bä, 'cɩcasa 'nyɩ 'ɔɔn 'lɩ ‑a bä.

Matiö 23:14

Busukʋ bä 'amɩ ‑gälɩ ‑dɔkpɩanyüü nyra Farisinyüü, ‑glagälɩsrörönyüü! 'A bɩa 'kusroŋlëgë diia 'fɩɔ kälɩ, ‑bɛ 'ama bibie Nyɔsʋa 'a ‑wlɛlɩ ‑beere 'cɩcanyüü, nyüü 'mä ‑gʋ 'amɩ 'jäjrä. 'Ia ‑gʋ 'ana ‑gäa ‑tʋtʋkʋ nya 'lɩklaa ‑gböösa.