Rɔmënyüü 9:30 - Kuö Dëdrä Jenɛɛsë Rutë

³⁰ ‑Bɛ ‑asɩ anya ‑gba le? Nyüülü 'nyɩa' juifë bä, 'ünyɩ 'bataa' 'klɩgänyüüa bäbäkʋ, 'a 'ü 'jä 'klɩgägäkʋ, 'klɩgägäkʋlʋ Nyɔsʋa ‑nyɛɛa' nyɔsʋaplɛtorokʋ 'lɩ.

Rɔmënyüü 9:30 Referans Kwoze

Filipënyüü 3:9

‑bɛ 'nyaa 'ɔɔn 'mä 'doo bä. Ima bäsaa nɩ, 'Kriisëa plɛtorokʋ 'lɩ 'n ‑gääläklɩ, ‑maa ‑mää ‑dɔa 'lɩträäräkʋ 'lɩ ‑a. Nyɔsʋaaplɛtorokʋ Nyɔsʋa 'jää 'kä 'ɔ ‑nyɛɛ 'klɩgägäkʋ.

Ebröönyüü 11:7

Noea nyɔsʋaplɛtorokʋa ‑gʋ 'ɔ ko 'mɩɩ 'ɔmä 'ɔa ‑gbööö 'lɩmlɩba. Wiili nëmäa' 'lɩjrä ‑bɛ 'i blöa' ‑fälɩ 'ɔa 'nyü ‑gälɩ nɩ, 'ɔ 'dara 'iin wii ‑bɛ 'i ‑kaaŋlʋ 'lɩjrä. 'Ɔa nyɔsʋaplɛtorokʋa ‑gʋ, 'ɔ srara 'sɩrɩ Nyɔsʋa 'mäa' 'pläa ‑gä ‑tʋ. 'A 'ɔa nyɔsʋaplɛtorokʋa ‑gʋ Nyɔsʋa ‑nyɩ 'ɔɔn 'klɩgänyɔɔ, 'iibä 'ɔa ‑jaaa.

Galaatënyüü 2:16

‑Bɛ a jre 'iin 'sɩrɩ ‑dɔa 'lɩträräkʋ 'nyɩ ‑gä 'a amɩ 'klɩ Nyɔsʋaa 'klɔɔtrʋ. ‑Maa Jesua plɛtorokʋ 'lɩ nyɔɔ ‑srörö 'kä 'ɔ ‑gäääklɩ Nyɔsʋaa 'klɔɔtrʋ. Ana 'mʋgbɛlɔ nɩ, Jesu 'Kriisë a toroplɛ, 'a 'ɔa plɛtorokʋa ‑gʋ Nyɔsʋa nya 'mä amɩ 'jä ‑beere 'klɩgänyüü. ‑Maa ‑mää 'kä ‑dɔa 'lɩträäräkʋa ‑gʋ ‑a. 'Be ‑mää ‑dɔa 'lɩträäräkʋ Nyɔsʋa 'nyɩ tɛklɩ ‑bɛ 'ɔnyɩ 'daa nyɔɔlɔ kʋa' ‑pɩ ‑gäklɩ.

Rɔmënyüü 4:11

Nyɔsʋa nya ‑tʋ kä 'ɔɔn 'bölökʋa tie ‑gälɩ: 'a tielɛ 'ɛɛ srara 'sɩrɩ Nyɔsʋa 'daraa' 'ɔɔn 'klɩgänyɔɔ 'ɔa nyɔsʋaplɛtorokʋa ‑gʋ, ‑bɛ 'ia 'taɩn 'lɩ 'ɔ ‑kaaŋlʋ kä 'bölö. 'Asɩ Abraamë nʋ, nyüülü 'nyɩa' 'bölö ‑bɛ 'ü toroa' Nyɔsʋa plɛ, 'üa tʋa bäbäkʋ; ‑bɛ Nyɔsʋa 'mä bɩa 'üün 'klɩgänyüü 'dara.

Ɛfɛsënyüü 2:12

'Ba 'pa plɛ, 'ia 'taɩn 'lɩ nɩ, 'a ma tʋŋlʋlɩ 'Kriisë dɛrɩ; a ma 'nyɩ kä ‑a kä 'amä Israɛɛlëa ‑glügböa 'mlɩa nyüü bä, 'a ma 'nyɩ kuöa 'mlɩ ‑a bä, kuölä Nyɔsʋa 'paa' 'lɩ, 'kä wiili 'ɔ 'daaa' 'ɔmäa' nʋ, 'ia 'surukʋa ‑gʋ. 'A ma 'nyɩ plɛgälɩpiedɛɛ ‑a kä, 'a ma 'nyɩ Nyɔsʋa ‑a jre 'pläa 'mlɩ.

Galaatënyüü 5:5

‑Maa amɔlɔ nɩ, a jre 'iin ana nyɔsʋaplɛtorokʋ kälɩ Nyɔsʋa 'mä ‑srörö ‑bɛ 'ɔmä 'daa a ‑gäklɩ. 'Ii a ‑glaara ‑Susu 'lɩ.

Rɔmënyüü 10:20

'Kä Esaii 'pa plɛ 'klü 'lɩ ‑bɛ 'ɔ nɩnɩa: Nyüülü 'nyɩa' 'mɩ 'bata 'üü 'jä 'mɩ; 'n srara 'na nyufa nyüülü 'nyɩa' 'mɩ we 'klɩ.

Rɔmënyüü 10:6

‑Maa 'klɩgägäkʋlʋ sɔa' plɛtorokʋ 'lɩ nɩnɩa: «‑Nyɩ 'daa ‑na plɛklɩ: Nyɔɔ 'plɛɛ 'mä cɛa 'mlɩ 'jra le?» 'Ia ‑gbaa bä: 'sɩrɩ nyɔɔ 'ciea' 'Kriisë.

Rɔmënyüü 9:14

‑Asɩ anya ‑gba le? 'Kä anya 'daa Nyɔsʋa 'nyɩ 'klɩ ‑a ‑gä? 'Klaaklä!

1 Piɛɛrë 4:3

‑Kätɩsa nɩ, wiili nyüülü 'nyɩa' Nyɔsʋa jre ‑waa', 'ii ana 'mʋgbɛ ma nöa 'doo ana 'klälä a ma 'klaaa' 'mlɩ: ‑sagbili Nyɔsʋa 'nyɩ 'bataa', bʋbɔ dɛɛnyükäkäkʋ, 'nʋbablakʋ, jijri jijikʋ, nyra ‑wäsɩa ‑pʋpʋakʋlʋ bäa' ‑balʋ kpaku.

1 Timotee 6:11

‑Maa ‑mɔ bäa' Nyɔsʋaa nyɔɔ nɩ, fɔlɔ 'ia 'fɩɔlʋ 'klɩ. 'Bata ‑gböösa 'klɩgägäkʋ, Nyɔsʋaa 'lɩträäräkʋ, nyɔsʋaplɛtorokʋ, ‑wawakʋ, plɛböblökʋ nyra plɛpɩpɛ.

Galaatënyüü 3:24

'Asɩ ‑dɔ nʋ 'unya ‑gälä amɩ 'nyiöli ‑gälä ‑gälä 'Kriisë nya ji, 'kä ama toro 'ɔɔn plɛ nɩ, amä 'klɩgä.

Galaatënyüü 3:8

Nyɔsʋapɔɔkʋ 'a kä 'iin 'pa: nyüülü 'nyɩa' juifë bä üma toro Nyɔsʋa plɛ nɩ, 'ünya 'klɩgäa. 'Unya ‑gbala kä Abraamë 'mʋfagogolä: «‑Mɔ 'nëmä kälɩsrörö 'mä ‑tʋtʋ ‑gälɩa ‑glügbüa 'fɩɔ 'nɩ 'pa.»

Rɔmënyüü 10:10

Plɛ a toro Nyɔsʋa 'kä Nyɔsʋa nö a bä 'klɩgänyüü; 'mä nyɔɔ nö 'kä 'ɔ 'saalɩ 'kä Nyɔsʋa 'baalɩ 'ɔɔn mlɩ.

Rɔmënyüü 9:31

‑Maa Israɛɛlë, 'ü 'bata ɩa' 'klɩgägäkʋ ‑dɔa 'lɩträäräkʋa 'mlɩ nɩ, 'ünyɩ 'klɩgägäkʋ ‑a 'jä ‑dɔa 'lɩträäräkʋ 'lɩ.

Rɔmënyüü 5:1

'I 'na, ‑bɛ Nyɔsʋa 'daaa' ‑maa a bä 'klɩgänyüü ana nyɔsʋaplɛtorokʋa ‑gʋ nɩ, 'i känyrɩ 'wlinönrökʋ bä a nyra Nyɔsʋa kɔsɔa ‑tɔrʋpɩɔ ana 'Pläkänyɔɔ Jesu 'Kriisëa 'nyrɩklɩa ‑gʋ.

Rɔmënyüü 4:22

'A 'ia ‑gʋ Nyɔsʋa 'dara 'ɔɔn bɩa 'klɩgänyɔɔ.

Rɔmënyüü 4:13

Nyɔsʋa ‑gbala Abraamë nyra 'ɔa 'jü ‑maa 'ɔnya 'üün 'blɩa 'fɩɔ ‑nyɩa, 'a 'üa ‑jaaa. ‑Mää dɛɛlɛ kä ‑gʋ Abraamë ‑trääräa' 'lɩ ‑dɔ nɩ, ‑mää 'ia ‑gʋ 'ɔnyɩ 'iin pa, ‑maa 'ɔa nyɔsʋaplɛtorokʋa ‑gʋ Nyɔsʋa 'dara 'ɔɔn 'klɩgänyɔɔ.

Rɔmënyüü 4:9

'Ia dɔrʋplɛlɛ nɩ, nyüülü 'bölöa' 'üü kä 'ɛmɩ? ‑Ale nyüülü 'nyɩa' bɩa 'bölö? 'Be a nɩnɩa ‑plɩɩ nɩ, Nyɔsʋa 'jä Abraamëa nyɔsʋaplɛtorokʋ 'ɔnya 'dara 'ɔɔn 'klɩgänyɔɔ.

Rɔmënyüü 3:5

‑Maa ima 'daa ana bʋbɔgbili 'ii srara 'sɩrɩ Nyɔsʋa ‑gäa' 'klɩ nɩ, ‑asɩ anya ‑gba le? 'Kä anya 'daa Nyɔsʋa 'nyɩ 'klɩ ‑a ‑gä dɛɛlɛ kä ‑gʋ 'ɔa 'crɛ 'cerea' amɩ ‑gälɩ? 'Sɩrɩ nyɔɔ 'mä ɩa' wii 'pa 'asɩ 'n 'pawii.