Rɔmënyüü 9:23 - Kuö Dëdrä Jenɛɛsë Rutë

²³ 'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

Rɔmënyüü 9:23 Referans Kwoze

Rɔmënyüü 2:4

‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ?

Ɛfɛsënyüü 3:16

'Ɔ 'bʋaa' 'wliklɩ ‑gböösa nɩ, 'ia ‑gʋ 'n bibie 'ɔɔn, ɔ ‑srörö 'ɔa ‑Susu kälɩ ɔ 'pa 'amɩ 'klü 'lɩ

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

2 Timotee 2:21

'A 'ia ‑gʋ nyɔɔlɔ 'cɛrɛa' 'ia bʋbɔgbilia 'fɩɔ ‑wälɩ nɩ, 'ɔnya ‑beere 'cɩca ‑püüülü 'nyɩ 'a 'lɩkäwla. 'Ünya 'ɔɔn 'klɩberea 'ɔa 'Kamanyɔɔa ‑gʋ. 'Ɔɔ 'ü nëmä 'cɩca 'jrʋpaa 'fɩɔ kälɩ ‑nyɩ.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Ɛfɛsënyüü 2:7

'Ɔ nʋa' 'imɩ nɩ, 'ɔmä ‑sraakäpɩa nyüü 'ɔa ‑gbinanakʋlʋ 'ɔnyɩ nyakaa' srara, 'a ‑gbinanakʋlʋ 'ɔ srörö 'Kriisë Jesu kälɩ 'ɔ srara amɩ.

Ɛfɛsënyüü 1:18

ɔ ‑jie 'ana bobowli 'klɩ, 'amä diili 'a 'piea' plɛ ‑gälɩ jre ‑bɛ 'amä wiili 'lɩ 'ɔ werea' 'amɩ jre. 'Amä 'nanabɩɔlʋ 'ɔ ‑tʋʋäa' ‑wälɩ 'nyünanyüüa ‑gʋ nɩ, 'amä 'uun jre.

Rɔmënyüü 8:29

Nyüülü 'ɔ jrea' sököö nɩ, 'ɔ 'a kä 'lɩ 'üün 'ba 'ümä bɩa 'ɔa 'Jʋa 'sa bä, 'ɔmä ‑wlajü 'kɔkɔmlɛa ‑tɔrʋpɩɔa ‑kätɩjʋ bä.

Lukë 1:17

'Ɔɔ nëmä 'nyʋfɔ ‑ta, ‑susu nyra 'klülü bä käa' Elii 'lɩ nya 'ɔɔn 'lɩbäa, 'ɔmä tʋɩɩa polu 'jüa 'pɛlɩ kälɩ ‑sie, ‑bɛ nyüülü 'nyɩ ‑trääräa' 'lɩ Nyɔsʋa nɩ, 'ɔmä 'üün bobowlili ‑gäa' 'klɩ ‑nyɩ. 'Ɔmä 'Pläkänyɔɔa ‑glügbö 'käsri.»

1 Tɛsalonikënyüü 5:9

'Be Nyɔsʋa 'nyɩ amɩ 'crɛ ‑a tɛrɛ, ‑maa 'lɩmlɩwʋwʋkʋ a kä, ana 'Pläkänyɔɔ Jesu 'Kriisë 'lɩ,

Kolɔɔsënyüü 1:12

‑Bɛ 'amä Tʋ 'trɛɛ, 'ɔɔlɔ nʋa' 'iin ‑bɛ amäa' ana në 'pɛ ‑jaaa 'mlɩ 'järä, ‑jaalä 'ɔ tɛrɛa' 'nyünanyüülü bäa' 'ɔa në 'napɛ 'lɩ.

Ɛfɛsënyüü 3:8

'Mɔɔ 'padɛrɩtä nyɔsʋaanyünanyüüa 'fɩɔa ‑tɔrʋpɩɔ. ‑Maa 'mɔɔ 'ɔ ‑nyɩ 'ɔa ‑gbinanakʋ 'mä nyüülü 'nyɩa' juifë bä 'Mʋfagogo 'sa. 'Mʋfagogolä nɩ, 'bɩɔ bäsaa, 'unyɩ bɩabɩa ‑a, 'Kriisëa kälɩ 'u sɔ.

Akëtë 9:15

‑Maa 'Pläkänyɔɔ nya ‑gbala 'ɔɔn: «Mi! 'A nyɔɔlɔ 'n 'baa' 'lɩ 'ɔmä 'na 'nyrɩ 'plä 'klɩsrara: nyüülü 'nyɩa' juifë bäa 'klɩ, 'üa 'kɩɩɩa 'klɩ, nyra Israɛɛlëa 'klɩ.

Rɔmënyüü 8:30

Ü 'ɔ 'baa' 'lɩ sököö nɩ, 'ɔ we 'üün bɩa; ü 'ɔ wea' nɩ, 'ɔ 'dara bɩa 'üün 'klɩgänyüü, ü 'ɔ 'daraa' 'klɩgänyüü nɩ, 'ɔnya 'bʋala 'üün bɩa.