Rɔmënyüü 9:16 - Kuö Dëdrä Jenɛɛsë Rutë

¹⁶ 'Ii känyrɩ, ‑mää nyɔɔ 'inyɩ kälɩ bä, ‑mää bɩa nyɔɔa 'klüa wii ‑a, ‑maa Nyɔsʋalɔ käa' nyatɛplɛ 'ɔɔ 'i bäkälɩ.

Rɔmënyüü 9:16 Referans Kwoze

Ɛfɛsënyüü 2:8

'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

Filipënyüü 2:13

'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.

Jaakë 1:18

'Ɔ ‑srörö 'ɔa 'papawiili bäa' 'cɩcasa 'lɩ 'ɔnya ‑gu amɩ, amä 'ɔa nʋnʋdiia 'fɩɔa 'wliklɩa nü bä.

Rɔmënyüü 9:11

'Be Nyɔsʋaa 'mlɔɔ 'ɔɔ 'baalɩ nyüü: ‑maa ‑mää 'üa ‑gbi 'ɔnyɩ tɛklɩ ‑bɛ 'ɔnyɩ 'balɩ 'üün, 'ɔɔ bäa' Nyɔsʋa ɔ 'baa' 'lɩ nyüü 'ɔa 'doo 'i bäkälɩ. 'Asɩ 'jülü ‑kaaŋlʋ ‑glooro, 'ü ‑kaaŋlʋ 'nɩmɩ ‑balʋ nyra 'cɩcasa ‑a nʋ,

Lukë 10:21

'A 'ia 'taɩn 'lɩ dotro dɔrʋ 'si Jesu 'klɩ 'Nyüna ‑Susu 'lɩ 'ɔ ‑nëma: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ. ‑Yɛɛ, Tʋ, 'a wiili käa' ‑mɩ 'tʋ, 'ii nʋ!

Jaan 3:8

‑Plɩɩlɩ ‑fʋflʋ ‑waa' 'ii 'u fa, ‑nööö 'ua wii 'wli, ‑maa ‑plɩɩlɩ 'u sɔa', ‑plɩɩlɩ 'u möa' ‑nyɩ 'lɩ ‑a jre. 'Asɩ nyɔɔlɔ ‑glooroa' ‑Susu 'lɩ bä.»

Matiö 4:8

Sataan nya fa 'ɔɔn 'dʋgba kpakö 'wli, 'ɔnya srara 'ɔɔn ‑tʋtʋ ‑gälɩa ‑glügbüa 'fɩɔ nyra 'üa 'wliklɩbʋabʋakʋ,

Matiö 11:27

«'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ bɩa 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.

Galaatënyüü 2:2

Nyɔsʋa srara 'mɩ wii, 'ia ‑gʋ 'n mi 'lɩ. 'N 'tɔa' nɩ, nyüülü bäa' 'cɛcɩa 'wliklɩ, 'üa 'kpɔ nyra 'üün dɛtɛ. 'Mʋfagogolä 'n 'saaa' nyüülü 'nyɩa' juifë bäa ‑tɔrʋpɩɔ nɩ, 'nyaa 'sasralɩ 'ämɩ 'nyaa ‑gbala 'üün. 'Na fʋfɔlʋlʋ 'n fɔa' nɩ, 'aiɛ u 'nyaaa' fɔ nɩ, 'u ‑pɩ 'flɛɛwʋ tɩɔ.