Rɔmënyüü 8:7 - Kuö Dëdrä Jenɛɛsë Rutë

⁷ 'be wiili käa' 'jajɛ 'tʋ 'iibä Nyɔsʋaa 'nyüamlɩjraradɛɛ: 'ɛnyɩ ‑träärälɩ Nyɔsʋaa ‑dɔ ‑a, 'ɛnyɩ 'nɩmɩ 'lɩ ‑a bɩa.

Rɔmënyüü 8:7 Referans Kwoze

1 Korɛɛntënyüü 2:14

‑Maa 'bɔɔwlɔɔnyɔɔ 'nyɩ 'lɩ ‑a bɩa ɔ 'jä diili sɔa' Nysɔsʋaa ‑Susu kälɩ, 'be mlüüpawii 'ɔ 'dara 'iin. 'Ɔnyɩ 'lɩ ‑a bɩa 'ɔmä 'iin 'wli 'nu, 'be Nyɔsʋaa ‑Susua 'doo kälɩ nyɔɔ kä 'ɔmä ‑srörö.

Jaakë 4:4

Bätësaa nyüü! 'Anyɩ 'saa ‑a jre 'sɩrɩ 'pläa ‑wawakʋ bäa' Nyɔsʋaa jrarakʋ? Nyɔɔ ma bä 'pläa ‑bei nɩ, Nyɔsʋaa 'nyüamlɩjraranyɔɔ 'ɔ bä.

Rɔmënyüü 7:22

'Na plɛklɩ nɩ, Nyɔsʋaa ‑dɔ 'u kä 'mɩ 'tʋ.

Ebröönyüü 8:10

‑Jää kuölä 'nyraa Israɛɛlëa nyüü 'mäa' 'pa, 'ia jrüülü ma ‑si nɩ; 'mɔɔ 'Pläkänyɔɔ ‑gbala 'amɩ: 'Nyaa 'na ‑dɔ 'üa bobowlia 'mlɩ plaa, 'nyaa 'iin 'üa polu ‑gälɩ ‑jɩjraa, 'kä 'nyaa 'üa Nyɔsʋa bä, 'kä 'ünya 'na ‑glügbö bä.

2 Timotee 3:4

'Ünya ‑mölöö ‑trɔɔrɔa, diili käa' 'üa plɛ 'tʋ, 'ii 'ü malawʋ ‑bɛ 'ü ‑gbaalɩ ‑gböösa. Diili käa' 'üa polu 'tʋ, 'ii 'ü nëmä ‑wa 'kä 'ünya Nyɔsʋaa ‑wawakʋ 'wʋsi.

Kolɔɔsënyüü 1:21

‑Bɛ 'amɔlɔ nɩ, 'a ma tʋŋlɔlɩ Nyɔsʋa dɛrɩ, 'a ma bä 'ɔa 'nyüamlɩjraranyüü 'ana bobowli nyra 'ana bʋbɔgbia 'mlɩ.

Rɔmënyüü 8:4

'Ɔ nʋ 'imɩ 'kä wiili ‑dɔ 'paa' 'mä ana 'kläa 'mlɩ nrörö, amɔlɔ 'nyɩ 'nyɛrɛa' 'jajɛa wii ‑gälɩ, ‑maa amɔlɔ Nyɔsʋaa ‑Susu 'tierea' ana ‑gʋ.

Rɔmënyüü 5:10

A ‑ka jrara Nyɔsʋa 'nyüamlɩ, 'ɔnya ‑srörö 'ɔa 'Jʋa jäjä 'lɩ 'ɔnya 'nönrö amɩ 'wli. ‑Bɛ 'köklesaplɩɩ 'ɔ ‑ka bäa' 'lɩ ‑bɛ a 'nönröa' 'wli nɩ, ‑asɩ 'ɔ ‑nëmä amɩ 'lɩmlɩba le?

Rɔmënyüü 1:28

‑Bɛ Nyɔsʋa jejrekʋ 'nyɩa' 'üa ‑nyɛɛ ‑gbaa kä nɩ, Nyɔsʋa nya 'cɛrɛ 'üün ‑wälɩ 'üü ‑bɛ 'üa bʋbɔbobowli 'sɔ 'ümä wiili 'nyɩa' nʋnʋsa bä nʋ.

Jaan 7:7

'Plä 'nyɩ 'lɩ ‑a bɩa ä jrara 'amɩ 'nyüa 'mlɩ; 'mɔɔlɔ nɩ, 'ä jrara 'mɩ 'nyüa 'mlɩ, dɛɛlɛ kä ‑gʋ 'n 'daaa' 'äa nʋnʋgbi bʋbɔ.

Rɔmënyüü 3:31

‑Bɛ ima bäsaa nɩ, 'a ‑dɔ a ‑gblooo? ‑Mää 'sɩ 'inyɩ bä! ‑Dɔ a 'sreekä.

Rɔmënyüü 1:30

'ü bʋblɔ nyüü 'nyrɩ, 'ü jrara Nyɔsʋa, 'üa 'papawiia 'fɩɔ bä 'klülɩ, 'üa 'kʋɩa ‑sɔɔrɔwʋ, 'ü 'bʋala 'üa nyüfë, ‑balʋ ‑mɩdooa 'srɛkänyüü, 'ünyɩ ‑träärälɩ 'üa tʋɩɩ ‑a.

Matiö 12:34

'Mëmlɛtapaa ‑glügbö 'a bä! ‑Asɩ 'ana polu bʋbɔ ‑bɛ 'a 'paa 'mʋfa wii le? 'Be wii ma nyaa' plɛklɩ 'si, 'a ‑plɩɩ 'mä 'paa wii ‑o.

2 Piɛɛrë 2:14

Bätësaa 'dooa wii 'ü bobo, ‑balʋa nʋnʋkʋa 'doo bä 'üa plɛ 'klɩ. 'Ü 'kʋɛɛrɛ ü 'fʋmaa' 'üa nyüfë ‑gba, 'üa polu 'si dɛɛnyükäkäkʋ 'klɩ. Nyɔsʋaa busukʋ bä 'üün ‑gälɩ.

Matiö 5:19

'A 'ia ‑gʋ, ‑bakää nyɔɔ wala ‑dɔa blaadɩɔ, ‑bɛ ɔma 'kpɩa nyüü ü nʋ 'ɔa 'sa nɩ, 'ɔɔ nëmä blaadɩɔ bä Cɛɩɩa 'kamapläa 'mlɩ. ‑Maa nyɔɔlɔ ‑trääräa' 'lɩ ‑dɔ nɩ, ‑bɛ ɔ 'kpɩaa' nyüü ü nʋ 'ɔa 'sa nɩ, 'ɔnya nyɔɔ kpakö bäa Cɛɩɩa 'kamapläa 'mlɩ.

1 Korɛɛntënyüü 9:21

Ama bä nyüülü 'nyɩa' Moisëa ‑Dɔ jrea ‑tɔrʋpɩɔ nɩ, 'nyraa 'üün kʋä ‑wälɩ ‑beere 'sɩrɩ 'nyɩa' 'uun jre, 'kä 'ümä 'Kriisë plɛtoro. 'Nyɩ 'daa 'nyɩ ‑träärälɩ Nyɔsʋaa ‑dɔ ‑a; 'be 'Kriisëa ‑dɔ 'n ‑träärälɩ ‑o.

Kolɔɔsënyüü 2:18

'Anyɩ 'cɛrɛ nyüülü ‑waa' 'üa nyüfëa 'klɩböbökʋ ‑wälɩ, ü ‑waa' «'aanjëa 'wlitrarakʋ» 'ünyɩ 'ba 'amɩ 'nyʋfɔ 'wʋ. Diili 'ü ‑kaapɩɔa' 'jä, 'ii 'ü toroplɛ; 'ü ‑gbaalɩ, 'ü bɔtɔ ‑tɔklʋ 'üa bobowlili ‑balʋ 'tierea', 'ii 'tuto 'ümɩ ‑bɛ ü nö 'sa.