Rɔmënyüü 8:6 - Kuö Dëdrä Jenɛɛsë Rutë

⁶ 'Jajɛa bobowli fala nyüü jäjäa 'nyʋfɔ 'wʋ; ‑maa nyüülü Nyɔsʋaa ‑Susulu 'tierea', 'üa bobowli fala 'klä nyra plɛgälɩflɛrɛkʋ ‑gälɩ;

Rɔmënyüü 8:6 Referans Kwoze

Galaatënyüü 6:8

'Be nyɔɔlɔ plaa' diili käa' 'ɔa bʋbɔplɛ 'tʋ nɩ, jäjäkʋ 'ɔ nëmä ji. ‑Maa ‑mɔlɔ plaa' diili käa' ‑Susu 'tʋ nɩ, 'klälä 'nyɩa' blöröfa kä 'ää ‑Susu 'mä 'ɔɔn ‑nyɩ 'ɔmä ji.

Rɔmënyüü 8:7

'be wiili käa' 'jajɛ 'tʋ 'iibä Nyɔsʋaa 'nyüamlɩjraradɛɛ: 'ɛnyɩ ‑träärälɩ Nyɔsʋaa ‑dɔ ‑a, 'ɛnyɩ 'nɩmɩ 'lɩ ‑a bɩa.

Rɔmënyüü 8:13

'be 'ama nʋ wiili 'ana 'jajɛ 'bataa' nɩ, 'anya jäa. ‑Maa Nyɔsʋaa ‑Susu ma ji 'amɩ ‑gba ‑bɛ 'ama 'bla wiili 'ana fugba 'bataa' nɩ, 'anya 'klä 'jäa.

Rɔmënyüü 13:14

‑Maa 'ba pa 'Pläkänyɔɔ Jesu 'Kriisë 'lɩ ‑beere 'kotu, 'anyɩ bobo 'nɩmɩ bʋbɔgbili käa' plɛ 'tʋ 'kä 'amä 'ana plɛ 'wʋ 'cie.

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

Jaan 14:27

'N tɩɛ 'amɩ plɛgälɩflɛrɛkʋ ‑gba, 'n ‑nyɛɛ 'amɩ 'na plɛgälɩflɛrɛkʋ; ‑mää 'sɩrɩ 'plä ‑nyɛɛa' 'imɩ nɩ, ‑mää 'sɩ 'nyɩ ‑nyɩ 'amɩ 'iin. 'Ana plɛ 'nyɩ ‑taaralɩ 'plɔʋ, 'ɛnyɩ ‑gbagbakä bɩa.

Rɔmënyüü 6:21

'Ia 'taɩn 'lɩ ‑a 'jää 'bülü 'a tʋa' le? 'Ia 'nyüsü 'blaaa' ‑mlatɩ 'amɩ 'be 'i faa' 'amɩ jäjä mlɩ.

Rɔmënyüü 14:17

'be Nyɔsʋaa 'kamaplälä nɩ, ‑mää jijri 'aiɛ 'mamladiia wii 'nyɩ 'saabä, ‑maa 'klɩgägäkʋ, 'wlinönrökʋ nyra dɔrʋlʋ sɔa' 'Nyüna ‑Susua ‑nyɛɛ, 'ia wii bäsaa.

Rɔmënyüü 7:5

'Taɩn 'lɩ a nʋa' bʋbɔgbili käa' 'ana plɛ 'tʋ nɩ, ‑dɔ tɛrɛ ‑balʋa 'tʋ 'kä ana 'kläa 'fɩɔa 'mlɩ amä jäjäbü tʋ.

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

Rɔmënyüü 7:11

'Be ‑dɔ kälɩ ‑balʋ ‑srörö 'unya ‑trɔɔrɔ 'mɩ, 'ua ‑gʋ ‑balʋ nya 'bla 'mɩ.

Rɔmënyüü 5:10

A ‑ka jrara Nyɔsʋa 'nyüamlɩ, 'ɔnya ‑srörö 'ɔa 'Jʋa jäjä 'lɩ 'ɔnya 'nönrö amɩ 'wli. ‑Bɛ 'köklesaplɩɩ 'ɔ ‑ka bäa' 'lɩ ‑bɛ a 'nönröa' 'wli nɩ, ‑asɩ 'ɔ ‑nëmä amɩ 'lɩmlɩba le?

Rɔmënyüü 5:1

'I 'na, ‑bɛ Nyɔsʋa 'daaa' ‑maa a bä 'klɩgänyüü ana nyɔsʋaplɛtorokʋa ‑gʋ nɩ, 'i känyrɩ 'wlinönrökʋ bä a nyra Nyɔsʋa kɔsɔa ‑tɔrʋpɩɔ ana 'Pläkänyɔɔ Jesu 'Kriisëa 'nyrɩklɩa ‑gʋ.

Jaan 17:5

'Na Tʋ, 'bʋala 'mɩ ‑na ‑gba 'sɩrɩ 'n 'bʋa käa' 'wliklɩ 'fɩɔwʋ ‑bɛ 'plä 'mäa' nrörö.

Rɔmënyüü 8:27

‑Bɛ Nyɔsʋalɔ 'järäa' polu ‑gälɩ 'kä nɩ, 'ɔ jre wiili ‑Susu boboa': 'be 'sɩrɩ Nyɔsʋa 'bataa', 'asɩ ‑Susu bibie Nyɔsʋaa 'nyünanyüüa 'wli 'lɩ.