Rɔmënyüü 8:39 - Kuö Dëdrä Jenɛɛsë Rutë

³⁹ 'aiɛ dɛɛlɛ bäa' cɛ 'lɩ, 'aiɛ ɛ bäa' ‑tʋtʋ 'wʋ, 'aiɛ ‑fälɩa dɛɛ ‑mɩdee 'nyɩ 'lɩ ‑a bɩa i 'ba amɩ Nyɔsʋaa ‑wawakʋlʋ 'ɔ sraraa' amɩ ana 'Pläkänyɔɔ Jesu 'Kriisë 'lɩ kälɩ.

Rɔmënyüü 8:39 Referans Kwoze

Rɔmënyüü 8:35

Dɛplɛɛ 'mrɛɛ ɛ 'ba amɩ 'Kriisëa ‑wawakʋ kälɩ le? ‑Sʋɩ, ‑ale mɩmɩakʋ, ‑maa nyüü ma nʋ amɩ ‑gbigba, ‑ale ‑gbëka, ‑maa 'pʋa, ‑ale ŋalɛ, ‑maa jäjäkʋ?

Rɔmënyüü 5:8

‑Maa ‑jäsɩ Nyɔsʋa srara amɩ 'sɩrɩ 'ɔ ‑waa' amɩ: 'taɩn 'lɩ a ‑ka bäa' ‑balʋnyüü nɩ, 'a 'ia 'taɩn 'lɩ 'Kriisë jä ana ‑gʋ.

1 Jaan 4:19

Amɔlɔ nɩ, a ‑wa 'ɔɔn, 'be 'ɔɔ ‑kätɩ ‑wa amɩ.

Jaan 3:16

'Be Nyɔsʋa ‑wa 'plä ‑gböösa, 'ɔnya 'sa 'ɔa 'jʋ 'doo 'doo, 'ia ‑gʋ nyɔɔ o nyɔɔ toroa' 'ɔɔn plɛ ‑pɩ jä, ‑maa 'ɔmä 'klälä 'nyɩa' blöröfa kä 'jä.

Ɛfɛsënyüü 1:4

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

1 Jaan 4:16

Amɔlɔ nɩ, a jre ‑wawakʋlʋ Nyɔsʋa ‑waa' amɩ, anya toro 'uun plɛ. Nyɔsʋa bä ‑wawakʋ. Nyɔɔlɔ kʋäa' ‑wawakʋ 'lɩ nɩ, Nyɔsʋa 'lɩ 'ɔ kʋ, ‑bɛ Nyɔsʋa kʋ 'ɔɔn 'lɩ.

Jaan 17:26

'Nyaa srara 'üün ‑na 'nyrɩ, 'nyaa 'sɔɔwʋ 'ümɩ 'iin sraraa, ‑bɛ 'sɩrɩ ‑waa' 'mɩ, 'ia ‑wawakʋ 'mä 'üün 'lɩbä, ‑bɛ 'mä bɩa 'üün 'lɩbä.»

Jaan 16:27

Tʋa 'mʋgbɛ ‑wa 'amɩ, 'be 'a ‑wa 'mɩ, ‑bɛ 'sɩrɩ 'n sɔa' Nyɔsʋaa ‑nyɛɛ 'anya 'dara 'iin wii.

Rɔmënyüü 11:33

Nyɔsʋaa ‑gbinanakʋ 'bʋa! 'Ɔa 'lɩgaglakʋ nyra 'ɔa wiijejrekʋ 'bʋa! Nyɔɔ 'plɛɛ jre wiili Nyɔsʋa 'daaa' 'ɔmäa' nʋ le? Nyɔɔ 'plɛɛ 'mrɛɛ 'ɔ 'nu 'ɔa ‑gätʋtʋkʋ 'wli le? Nyɔɔ 'plɛɛ 'mrɛɛ 'ɔ 'nu wiili 'ɔ 'bataa' 'wli le!

2 Korɛɛntënyüü 11:3

'Sɩrɩ trɔɔ nʋa' ‑bɛ 'u nʋa' 'ua yrʋ 'u ‑trɔɔrɔa' Ɛvë nɩ, 'asɩ ŋalɛ 'blaa 'mɩ 'sɩrɩ 'ana bobowli ma 'kplaa 'kasa 'Kriisë nɩ, 'i ‑pɩ kälɩ ‑sie.

2 Korɛɛntënyüü 2:11

Sataan ‑pɩ amɩ ‑trɔɔrɔ, 'ia ‑gʋ 'n nö 'imɩ; 'be a jre 'tasɩrɩ dɛɛlɛ 'ɔ 'bataa'.

Matiö 24:24

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

'Nyügälɩjawii 20:7

‑Sɩa ‑diisɔɔ ‑glʋɩpʋlʋ ma ‑si nɩ, 'kä 'ünya Sataan ‑jie 'lɩba,

'Nyügälɩjawii 20:3

'Ɔnya be 'uun 'lɩtʋŋlɔbütügba 'lɩ, 'ɔnya kpa 'bütügbalä 'klɩ 'ɔnya blörö 'ämɩ 'u ‑pɩ 'cie ‑bɛ 'u ‑pɩ ‑tʋtʋ ‑gälɩa ‑glügbü ‑trɔɔrɔ. 'Ii 'umä kʋ kʋ 'kä ‑sɩa ‑diisɔɔ ‑glʋɩpʋ (1 000) nya ‑si. 'Ima ‑si 'kä 'ɔnya 'uun ‑wälɩ 'cɛrɛ 'umä jrüü jiea ‑si.

'Nyügälɩjawii 19:20

'Ünya 'kpla mrɛɛlɛ nyra ‑gbagblɛ nyɔsʋaamlɩpalanyɔɔlɔ nröröa' 'ɛa 'klʋɩ ‑saragbi, ‑bɛ ɔ ‑trɔɔrɔa' nyüülü kä ‑gba mrɛɛlɛa tie bäa' ‑bɛ ü ‑pʋpʋaa' 'ɛa ‑papaa nɛ. 'Ünya bere 'üa 'sɔɔlüa 'lɩbäa nü kapuprʋgbaa 'pʋpʋlʋ 'pütöa' a 'mlɩ.

'Nyügälɩjawii 13:14

‑Saragbia tie 'ɛ ma nö ‑bɛ 'ɛ ‑trɔɔrɔ nyüü, ‑bɛ 'ɛmä 'iin ‑kätɩa nɛ mrɛɛlɛa 'klɩ nrörö, 'a 'ia ‑gʋ 'klülü ‑nyrɛɛlɛ 'ɛmɩ. 'Ɛnya ‑gbala nyüü ü ‑pa dɛɛ ɛ ‑beerea' mrɛɛlɛ 'ü nʋa' ‑jɛrɛ 'ü 'kapaa' ‑bɛ ɛ ‑ka bäa' 'lɩ.

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

'Nyügälɩjawii 2:24

‑Maa ‑jäsɩ 'n ‑gbalaa' 'amɔlɔ bäa' Tiratiirë nɩ, ü kä 'fɩɔ 'nyɩa' ‑taa 'kpɩkpɩakʋlʋ 'klɩnyiere ‑bɛ ünyɩa' Sataan a wiili ‑sisiea' jre nɩ: 'nëmä 'ana ‑gbla ‑gälɩ ‑a 'papla.

2 Tɛsalonikënyüü 2:4

'Ɔɔ bä ‑Gbakäklɛnyɔɔlɔ ‑tʋa' 'ɔa nyufa diili kä 'fɩɔ a 'daraa' Nyɔsʋa 'ia 'wliklɩ, diili kä 'fɩɔ a ‑pʋpʋaa' a 'wliklɩ, ɔ möa' ɔ paa' 'nɩmɩ Nyɔsʋaanyuku kpaku ‑wälɩ 'ɔmä ‑wälɩkʋ, ‑bɛ ɔ sraraa' 'ɔa nyufa ‑beere Nyɔsʋa.

Rɔmënyüü 1:7

'N ‑jɩjra 'ana 'fɩɔlü bäa' Rɔmë 'wʋ, Nyɔsʋaa ‑wawanyüü 'amɩ, 'amɔ bäa' 'ɔa 'nyünanyüü. 'N 'trɛɛ 'amɩ; abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!

Rɔmënyüü 6:23

‑Balʋa 'pɛpɛɛdɛɛ bä jäjäkʋ; ‑maa dɛɛlɛ Nyɔsʋa ‑nyɛɛɛa' amɩ 'flɛɛlɩ ana 'Pläkänyɔɔ Jesu 'Kriisë 'lɩ nɩ, 'ɛɛ bä 'klälä 'nyɩa' blöröfa kä.

Rɔmënyüü 8:1

Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ.

Filipënyüü 3:3

'Be amɔ bä 'tasɩrɩa 'bölönyüü, ‑Susu 'uu jö amɩ ‑gba ‑bɛ a bibie Nyɔsʋa, anya ‑tʋ ana plɛa 'fɩɔ Jesu 'Kriisë 'lɩ, ‑maa ‑mää 'jajɛ anyɩ toroplɛ.

Filipënyüü 3:8

'Pɩrɩgälɩ nɩ, 'Kriisë Jesua jejrekʋa ‑gʋ 'n 'jää diia 'fɩɔwʋ ‑beere diili 'nyɩa' ‑tɔɔ kä. 'Na 'Pläkänyɔɔ 'Kriisëlɔ 'n toroa' plɛ, 'ɔɔ bä 'cɩca wiili. 'Ɔa ‑gʋ 'n 'nyiere diia 'fɩɔa ‑wälɩcɛrɛkʋ 'klɩ, ‑yɛɛ, 'n 'jää 'iin 'wʋ ‑beere dɛɛ 'ü bea' 'kʋtʋfʋ ‑gälɩ, 'kä 'mä 'Kriisë 'kpla;

Filipënyüü 3:12

‑Mää 'sɩrɩ 'nyaaa' dɛɛlɛ 'n 'bataa' 'jä ‑a, 'aiɛ 'sɩrɩ ‑balʋ 'nyɩa' 'mɩ 'lɩ bä ‑a; ‑maa 'n ‑ka fɔ 'mä 'pɛpɛɛdɛɛ fa. 'A 'ia ‑gʋ Jesu 'Kriisë 'kpla bɩa 'mɩ.