Rɔmënyüü 8:35 - Kuö Dëdrä Jenɛɛsë Rutë

³⁵ Dɛplɛɛ 'mrɛɛ ɛ 'ba amɩ 'Kriisëa ‑wawakʋ kälɩ le? ‑Sʋɩ, ‑ale mɩmɩakʋ, ‑maa nyüü ma nʋ amɩ ‑gbigba, ‑ale ‑gbëka, ‑maa 'pʋa, ‑ale ŋalɛ, ‑maa jäjäkʋ?

Rɔmënyüü 8:35 Referans Kwoze

Jaan 10:28

'N ‑nyɛɛ 'üün 'klälä 'nyɩa' blöröfa kä; 'ü ‑nëmä jä ‑a jä 'plɔʋ. Nyɔɔ ‑nëmä bɩa 'mɩ 'üün kälɩ ‑a 'ba.

Jaan 16:33

Wiili kä 'fɩɔ 'n ‑gbalaa' 'amɩ nɩ, 'amä 'mɩ 'lɩ kʋ, ‑bɛ 'ana plɛ ‑gälɩ 'mä flɛrɛ. 'Plä nya 'amɩ bʋbɔgbi ‑gba nʋa, ‑maa 'ba ‑sɔɔrɔwʋ, 'nyaa 'plä du.»

2 Korɛɛntënyüü 4:17

'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.

Rɔmënyüü 8:39

'aiɛ dɛɛlɛ bäa' cɛ 'lɩ, 'aiɛ ɛ bäa' ‑tʋtʋ 'wʋ, 'aiɛ ‑fälɩa dɛɛ ‑mɩdee 'nyɩ 'lɩ ‑a bɩa i 'ba amɩ Nyɔsʋaa ‑wawakʋlʋ 'ɔ sraraa' amɩ ana 'Pläkänyɔɔ Jesu 'Kriisë 'lɩ kälɩ.

2 Timotee 1:12

'A 'ia ‑gʋ 'n 'jää 'ia ‑sʋɩ. ‑Maa 'inyɩ 'mɩ 'nyüsü 'wʋ ‑a kä, 'be 'n jre nyɔɔlɔ 'n toroa' plɛ, 'nyaa jre 'iin 'sɩrɩ 'ɔ 'mrɛɛa' 'ɔmäa' diili 'n tɩa' 'ɔɔn ‑gba ‑wälɩ ‑tʋ ‑tʋ ‑a ‑tɔɔ ‑gätʋtaɩn ‑gälɩ.

1 Korɛɛntënyüü 4:11

Sɔ 'ia 'taɩn 'lɩ ‑a ji 'saarɩ ‑gälɩ, a ‑ka bä ‑gbëka nyra 'mamlatʋa ‑sʋɩ 'lɩ, anyɩ 'koti ‑a kä, 'ü nö amɩ ‑gbigba, a kä amä ‑pɩɔ o ‑pɩɔ ‑srörö.

Rɔmënyüü 8:17

‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.

Jaan 13:1

'Paakëa ‑srɩ ‑ka bä dɛrɩ, ‑bɛ Jesu jre bɩa 'saa 'ɔa 'taɩn 'a 'lɩjrä 'ɔmä 'plälä kʋa' ‑pɩa 'mlɩ sɔ 'ɔmä Tʋa ‑nyɛɛ mi. 'Ɔ ‑wa 'ɔa nyüülü bäa' 'pläa 'mlɩ, 'ɔ ‑wa 'üün 'ɔnya ‑siewli.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

Akëtë 14:22

Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.»

'Nyügälɩjawii 1:5

nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.

Rɔmënyüü 2:9

Nyɔɔ o nyɔɔ nöa' bʋbɔgbi nɩ, 'ɔnya ‑sʋɩ nyra sɩsɩakʋ 'jäa, kolo juifë ‑gälɩ 'kä 'fɩɔwʋ, ‑a ‑tɔɔ nyüülü 'nyɩa' juifë bä ‑gälɩ.

Rɔmënyüü 8:37

‑Maa 'ia 'fɩɔlʋa 'mlɩ nɩ, amɔ ‑siwʋ ‑gböösa nyɔɔlɔ ‑waa' amɩ 'ɔa ‑gʋ.

1 Korɛɛntënyüü 4:12

Ana 'mʋgbɛ nʋ wlu anya ‑fɛ 'jrʋpa ‑gböösa, 'i sɩara amɩ. Nyüü ma ‑jejre amɩ nɩ, 'nɩ a 'paa 'üün; üma nʋ amɩ bʋbɔgbi ‑gba nɩ, a 'nyiere 'iin 'klɩ.

2 Korɛɛntënyüü 4:8

A 'jää ‑sʋɩa 'fɩɔ ‑maa anyɩ 'iin ‑wälɩ ‑a järä; ana plɛklɩkala, ‑maa ana plɛ 'nyɩ 'lɩ Nyɔsʋa dɛrɩ ‑a tʋŋlɔ.

2 Korɛɛntënyüü 4:9

Bʋbɔgbi nrörö amɩ ‑gba, ‑maa Nyɔsʋa 'nyɩ amɩ dɛrɩ ‑a sɔ. 'Ü 'kpa amɩ 'kä, ‑maa anyɩ jä ‑a jä.

2 Korɛɛntënyüü 12:10

'A 'ia ‑gʋ 'fʋmakʋ, jejrekʋ, 'dadaakʋ, ‑gbigbanʋnʋkʋ nyra ‑sʋɩ, 'ia 'fɩɔ ma jrä 'mɩ ‑gälɩ 'Kriisëa ‑gʋ ‑bɛ dɔrʋ 'blaa 'mɩ. 'Be 'a 'taɩn 'lɩ 'n 'fʋmaa', 'a ‑plɩɩ 'n ‑sɔɔrɔwʋ.

Ɛfɛsënyüü 3:19

‑bɛ 'amä 'Kriisëa ‑wawakʋlʋ ‑sia' diia 'fɩɔwʋ jre, Nyɔsʋaa 'bʋabʋakʋ 'mä 'amɩ 'lɩ 'si.