Rɔmënyüü 8:34 - Kuö Dëdrä Jenɛɛsë Rutë

³⁴ Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ!

Rɔmënyüü 8:34 Referans Kwoze

Ebröönyüü 7:25

'A 'ia ‑gʋ 'ɔ 'mrɛɛ ɔ 'pʋɔ bɩa 'plɔʋplɔʋa ‑gʋ nyüülü ‑sröröa' 'ɔɔn kälɩ ü 'bataa' Nyɔsʋaa ‑gbajijrökʋ, 'be 'ɔ bälɩ 'plɔʋplɔʋa ‑gʋ 'ɔmä 'üa 'wlili bibie.

Rɔmënyüü 8:27

‑Bɛ Nyɔsʋalɔ 'järäa' polu ‑gälɩ 'kä nɩ, 'ɔ jre wiili ‑Susu boboa': 'be 'sɩrɩ Nyɔsʋa 'bataa', 'asɩ ‑Susu bibie Nyɔsʋaa 'nyünanyüüa 'wli 'lɩ.

1 Piɛɛrë 3:22

'Ɔ 'jra cɛa 'mlɩ, 'ɔ bä Nyɔsʋaa 'dupa 'pɛlɩ. 'A ‑plɩɩ 'ɔ 'kamlaa 'aanjë, ‑sisili kä 'fɩɔ 'kamaa', nyra ‑sisili kä 'fɩɔ käa' 'klü.

Ebröönyüü 9:24

'Kriisë 'nyɩ papapɩɔ kpakölä nyüüa wlu 'paa' a 'mlɩ ‑a pa, ‑mää 'äa ‑tapaa näa 'mlɩ ‑a, ‑maa cɛa 'mlɩa 'mʋgbɛ 'ɔ pa 'ɔmä ana 'wlili Nyɔsʋaa 'klʋɩ 'nyüglö.

Rɔmënyüü 8:1

Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ.

Marëkë 16:19

'Pläkänyɔɔ bɩaa' 'üün wii ‑gba 'palakʋ, 'ɔnya sakla cɛlɩ, 'ɔnya kʋ Nyɔsʋaa 'dupa 'pɛ 'lɩ.

Kolɔɔsënyüü 3:1

'A nyra 'Kriisë ma sɔ 'kuaabre nɩ, 'ba 'bata cɛlɩa dii, 'a ‑nyɛɛ 'Kriisë kʋ Nyɔsʋaa 'dupa 'lɩ.

'Nyügälɩjawii 1:18

'n bälɩ. 'N jä kä, ‑maa 'köklesa ‑plɩɩ nɩ, 'n bälɩ 'plɔʋplɔʋa ‑gʋ. 'Asɩ i bä! 'Nyaa 'klaa jäjäkʋ nyra 'kuaabrea 'sapu kälɩ.

Rɔmënyüü 14:9

'Kriisë ma jä ‑bɛ ɔma sɔ 'kuaabre nɩ, 'ɔmä jäjänyüü nyra 'lɩbänyüüa 'Pläkänyɔɔ bä 'ia ‑gʋ 'ɔ ji.

Rɔmënyüü 4:25

'Ɔ 'sara ana ‑balʋa ‑gʋ; Nyɔsʋa 'ba 'ɔɔn 'kuaabre 'ɔmä amɩ 'klɩgä 'ɔa 'klɔɔtrʋ.

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

Rɔmënyüü 14:13

'Ii känyrɩ, a 'nyüglö ana 'kpɔa 'lɩ ‑sɛsrɛkʋ; ‑maa a bobo wiili a ‑pɩa' nʋ i ‑pɩa' ana ‑wlajʋ 'käkpa, 'aiɛ i ‑pɩa' 'ɔɔn ‑balʋ 'lɩ 'tutro.

Jaan 16:23

«'Ia ‑srɩlɩa 'mlɩ nɩ, 'a ‑ka ‑nëmä 'mɩ ‑a 'bete. 'Tasɩrɩa 'cɩcasa 'n ‑gbala 'amɩ, dɛɛ 'amäa' Tʋ ‑sɛ, 'na 'nyrɩklɩ 'ɔnya 'amɩ 'ɛɛn ‑nyɩa.

Jaan 14:19

Jrüü jiea 'mlɩ, 'plä ‑ka ‑nëmä 'mɩ ‑a 'jä, ‑maa 'amɔlɔ nɩ, 'anya 'mɩ 'jäa. ‑Bɛ 'n bäa' 'lɩ nɩ, 'ana 'mʋgbɛ 'anya 'lɩbäa.

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

Akëtë 2:24

Nyɔsʋa nya 'ba 'ɔɔn jäjä nyra jäjäa mɩmɩakʋ 'lɩ; jäjä nya 'nyɩ 'mrɛɛ 'ämä 'ɔɔn dɛrɩkala.