Rɔmënyüü 8:30 - Kuö Dëdrä Jenɛɛsë Rutë

³⁰ Ü 'ɔ 'baa' 'lɩ sököö nɩ, 'ɔ we 'üün bɩa; ü 'ɔ wea' nɩ, 'ɔ 'dara bɩa 'üün 'klɩgänyüü, ü 'ɔ 'daraa' 'klɩgänyüü nɩ, 'ɔnya 'bʋala 'üün bɩa.

Rɔmënyüü 8:30 Referans Kwoze

'Nyügälɩjawii 17:14

'Ü nyra ‑bablëëjʋ 'mä tou ‑fu, ‑maa ‑Bablëëjʋ nya 'üün dua, 'be 'ɔɔ bä 'pläkänyüüa 'Pläkänyɔɔ, 'ɔɔ bä 'kɩɩɩa 'Kɩɩ. 'Ɔɔ ‑bɛ nyüülü bäa' 'ɔɔn dɛrɩ, ü 'ɔ 'baa' 'lɩ ‑bɛ 'ɔ wea', 'ɔa plɛtoronyüü, 'ünya 'üün dua.»

Rɔmënyüü 8:28

‑Bɛ a jre 'iin 'sɩrɩ wiili kä 'fɩɔ jräa' nyüülü ‑waa' Nyɔsʋa ‑bɛ ü werea' 'sɩrɩ 'ɔ ‑waa' ‑gälɩ nɩ, Nyɔsʋa ‑nyɩgla 'iin 'kä 'imä 'na 'üa ‑gʋ.

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

Ebröönyüü 9:15

‑Bɛ 'a 'ia ‑gʋ 'Kriisë bä kuö dëdräa 'diprö, 'kä nyüülü Nyɔsʋa wea' 'mä ‑wɩarajalä Nyɔsʋa 'daaa' 'ɔmäa' 'üün ‑nyɩ ji. 'Be 'ɔa jäjäkʋa ‑gʋ nyüülü kʋa' 'klɩsa kuöa 'mlɩ nɩ, 'üa ‑balʋ 'mrɛɛ 'ümä kpëträ.

Ɛfɛsënyüü 1:5

'Ɔ 'a kä 'lɩ amɩ 'ba amä 'ɔa 'sɔrɔjü bä Jesu 'Kriisëa 'nyrɩklɩ; 'asɩ 'i käa' 'ɔmɩ 'tʋ, 'asɩ 'ɔ nʋ 'iin.

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

1 Piɛɛrë 3:9

Nyɔɔ ma nʋ 'amɩ ‑balʋ ‑gba, 'anyɩ nʋ ‑balʋ 'anyɩ 'sa ‑balʋa 'kpa. Nyɔɔ ma ‑jree 'amɩ nɩ, 'anyɩ ‑jree 'ɔɔn bɩa. ‑Maa 'ba 'pa 'ɔɔn 'nɩ; 'be 'a jre 'iin 'sɩrɩ Nyɔsʋa werea' 'amɩ 'iin 'lɩ, 'ɔmä 'amɩ 'nɩ 'pa.

Jaan 17:22

'Mɔɔlɔ nɩ, 'n ‑nyɩ 'üün 'wliklɩbʋabʋakʋlʋ ‑nyɩa' 'mɩ, 'ümä 'doo bä, ‑beere amɔ.

2 Piɛɛrë 1:10

'Na ‑wlajü amɩ, 'a 'ia ‑gʋ 'ba 'palɩ 'klü 'amä 'iin srara 'sɩrɩ 'kasa Nyɔsʋa 'baa' 'lɩ 'amɩ; 'be 'ama nʋ 'imɩ nɩ, 'a ‑nëmä blö ‑a blö 'plɔʋ.

1 Korɛɛntënyüü 1:9

Nyɔsʋa ‑träärälɩ 'ɔa 'papawii, 'ɔɔ we 'amɩ, 'a nyra 'ɔa 'Jʋ, ana 'Pläkänyɔɔ Jesu 'Kriisë, 'mä 'doo bä.

1 Tɛsalonikënyüü 2:12

a 'jraraa' 'ana 'klü, a ‑sɔɔrɔa' 'ana plɛ 'wʋ ‑bɛ a 'paa 'amɩ ‑tɔɔ 'lɩ 'amä 'nyɛ 'sɩrɩ Nyɔsʋa 'bataa'. 'Ɔɔ we 'amɩ 'amä 'ɔa 'kamaplä nyra 'ɔa 'wliklɩbʋabʋakʋa 'mlɩ pa.

1 Korɛɛntënyüü 1:2

Amɔ ‑jɩjra 'amɩ 'wʋ, 'amɔ Nyɔsʋaa 'cɛcɩlɛ bäa' Korɛɛntëbätä, ɛ Nyɔsʋa berea' 'klɩ 'Kriisë Jesu 'lɩ, 'amɔlɔ werea' 'kä 'ana 'kläa 'nyü käa' 'ämäa' 'na, nyra ü bäa' ‑pɩɔa 'fɩɔ ü wea' ana 'Pläkänyɔɔ Jesu 'Kriisëa 'nyrɩ, ɔ bäa' 'üa 'Pläkänyɔɔ nyra ana 'Pläkänyɔɔ.

2 Timotee 2:11

Wiili 'n 'saaa' 'lɩ 'i bä 'cɩcasa: 'Be a nyra 'ɔɔn ma järä 'wʋ nɩ, a nyra 'ɔɔn nya bɩa 'lɩbäa.

'Nyügälɩjawii 19:9

'Aanjëlɔ nya ‑gbala 'mɩ: «‑Jɩjra wiili kʋa' ‑pɩ: Abɩa dɔrʋ 'bla nyüülü 'ü werea' ‑Bablëëjʋa 'titiöa ‑glɩsɩglɩsɩ 'lɩ.» 'Ɔnya ‑gbala 'sɔɔwʋ 'mɩ: «'Ia waklüülü bä 'tasɩrɩ Nyɔsʋaa wii.»

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

Kolɔɔsënyüü 3:4

'Kriisë 'ɔɔ bä ana 'klä. 'Taɩn 'lɩ 'ɔmäa' 'klɩtɔrɔ nɩ, 'ana 'mʋgbɛ nyra 'ɔɔn nya 'klɩtɔrɔa 'ɔa 'wliklɩbʋabʋakʋ 'lɩ.

Ɛfɛsënyüü 4:4

Fugba bä 'döö, ‑Susu nya bä 'doo, 'sɩrɩ Nyɔsʋa werea' 'amɩ dɛɛ 'deea plɛgälɩpiepiekʋ ‑gälɩ.

2 Korɛɛntënyüü 4:17

'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Ɛfɛsënyüü 2:6

A nyra 'Kriisë Jesu 'sɔ 'ɔ tɛrɛ kä jäjänyüüa ‑tɔrʋpɩɔ, 'ɔnya ‑nyɩ amɩ kʋfa a nyra 'ɔɔn 'sɔ cɛɩɩa 'mlɩ.

Rɔmënyüü 8:1

Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ.

Rɔmënyüü 1:6

'Ana 'mʋgbɛ bä 'üa ‑tɔrʋpɩɔ, 'amɔ Jesu 'Kriisë wea'.

Rɔmënyüü 8:21

'Ä jresaa 'änya jäjäkʋ nyra bʋblɔkʋa ‑geeidɛɛ 'lɩ sɔa, 'kä 'änya fugbalɩflɛrɛkʋ nyra Nyɔsʋaa 'jüa 'bʋalakʋ 'lɩ pa.

Rɔmënyüü 11:29

'Be Nyɔsʋa ma ‑nyɩ dɛɛ 'ɔ ‑kanyɩ ji 'ɛa 'klʋɛɛ ‑a, ‑bɛ ɔma we nyüü 'ɔnyɩ sɔ 'üün dɛrɩ ‑a.

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

Galaatënyüü 1:6

'I kala 'mɩ plɛklɩ 'kä 'amä ‑plɩɩ Nyɔsʋalɔ werea' 'amɩ 'Kriisëa ‑gbinanakʋ 'lɩ 'lɩgälɩtoro, ‑bɛ 'amä 'lɩ 'Mʋfagogo ‑mölöö ‑träärä.

Galaatënyüü 1:15

‑Maa 'n ‑ka bä 'na 'yioa 'mlɩ Nyɔsʋa nya 'balɩ 'mɩ, 'ɔnya were 'mɩ 'ɔa ‑gbinanakʋ 'lɩ. 'Taɩn 'lɩ 'ɔ ‑waa'

Galaatënyüü 5:8

Wiili 'kplaa' 'amɩ nɩ, ‑mää Nyɔsʋalɔ wea' 'amɩ, ‑mää 'ɔa ‑nyɛɛ 'inyɩ sɔ.

Ɛfɛsënyüü 3:11

'A 'sɩrɩ 'ɔ 'daa käa' sököö 'ɔmä ɩa' nʋ, 'asɩ 'i nrörö; ana 'Pläkänyɔɔ Jesu 'Kriisë kälɩ 'i ‑srörö.