Rɔmënyüü 8:29 - Kuö Dëdrä Jenɛɛsë Rutë

²⁹ Nyüülü 'ɔ jrea' sököö nɩ, 'ɔ 'a kä 'lɩ 'üün 'ba 'ümä bɩa 'ɔa 'Jʋa 'sa bä, 'ɔmä ‑wlajü 'kɔkɔmlɛa ‑tɔrʋpɩɔa ‑kätɩjʋ bä.

Rɔmënyüü 8:29 Referans Kwoze

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

1 Piɛɛrë 1:20

'Plä ‑kaaŋlʋ nrörö Nyɔsʋa nya 'ba kä 'lɩ 'ɔɔn, ‑bɛ ‑taa jrüülü bäa' ‑gälɩ 'blörö jrüü nɩ, 'ɔnya srara 'ɔa nyufa 'ana ‑gʋ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

2 Timotee 2:19

‑Maa, dɛɛlɛ kä ‑toko Nyɔsʋa 'sria' kä ɛ nyɔnyrɔa' ‑ka bälɩ, 'ɔa mɛ nya bä 'iin ‑gälɩ: «'Pläkänyɔɔ jre nyüülü bäa' 'ɔa nü.» ‑Bɛ: «Nyɔɔlɔ 'daaa' 'Kriisëa nɔ 'ɔ bä nɩ, ɔ be ‑balʋ ‑gälɩ 'klɩ.»

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

1 Piɛɛrë 1:2

'Amɔ ana Tʋ Nyɔsʋa nya käa' 'lɩba 'sɩrɩ 'ɔ ‑gba käa'. 'Ɔa ‑Susu bere 'amɩ 'klɩ 'amä 'lɩ Jesu 'Kriisë ‑träärä, 'amɔ bä nyüülü 'ɔa ‑toru ‑gbagbaa' 'wʋ: 'abɩa Nyɔsʋaa ‑gbinanakʋ nyra plɛgälɩflɛrɛkʋ ‑sie 'amɩ 'wli!

1 Korɛɛntënyüü 15:49

‑Bɛ a ‑beerea' ‑mɔlɔ 'ü nʋa' ‑tʋtʋ 'ü nʋa' nɩ, 'asɩ amä ‑beere nyɔɔlɔ sɔa' cɛa 'mlɩ.

Rɔmënyüü 9:23

'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

1 Jaan 3:2

'Na ‑wawanyüü 'amɩ, Nyɔsʋaa 'jü a bä ‑mlatɩ, ‑bɛ 'sɩrɩ amäa' ‑srɩɩ bä nɩ, Nyɔsʋa ‑kaaŋlʋ amɩ 'iin srara. ‑Maa wiili a jrea' nɩ, 'taɩn 'lɩ 'ɔmäa' ‑srɩɩ 'ɔa nyufa srara nɩ anya 'ɔa 'sa bäa, 'be 'sɩrɩ 'ɔ bäa', 'asɩ amä 'ɔɔn 'jä.

2 Korɛɛntënyüü 3:18

Ana 'fɩɔa 'kʋɩa 'nyɩ ‑sisie ‑a ‑sisie, ‑bɛ a 'jäjrä 'Pläkänyɔɔa 'wliklɩbʋabʋakʋ ‑beere ‑titre 'lɩ. 'Cicri a 'cicri 'plɔʋplɔʋ, amä 'Pläkänyɔɔa 'sa bä; a sɔ 'wliklɩbʋalakʋ 'lɩ ‑bɛ a 'jrara 'wliklɩbʋabʋakʋ 'lɩ. 'Pläkänyɔɔlɔ bäa' ‑Susu, 'ɔa 'jrʋpa bäsaa.

Rɔmënyüü 11:2

Nyɔsʋaa 'jülü 'ɔnya käa' 'lɩba, 'ɔnyɩ 'üün dɛrɩ ‑a sɔ. ‑Ale wiili nyɔsʋaawii 'paa' Eliia ‑gʋ 'anyɩ 'iin 'wli ‑a 'nu, 'sɩrɩ 'ɔ bibiea' Nyɔsʋa Israɛɛlëa ‑gʋ ‑bɛ 'ɔ 'daaa' ‑maa:

Jaan 17:16

'Sɩrɩ 'nyɩa' 'pläa 'mlɩa nyɔɔ bä, 'asɩ 'ünyɩ 'pläa 'mlɩa nyüü bä.

Filipënyüü 3:21

'Ɔmä ana fugbëlë 'nyɩa' 'klü kä, 'ɔa 'wliklɩbʋafugba 'lɩcicri. 'Ɔa 'klülü kä ‑gʋ 'ɔ 'kamaa' diia 'fɩɔ nɩ, 'üü 'ɔ nëmä nʋ ‑bɛ 'ɔmä ana fugba 'cici.

Ɛfɛsënyüü 4:24

'Ba 'sroo nyɔɔdëdrälɔ Nyɔsʋa nʋa' 'klɩgägäkʋ 'lɩ nyra 'nyünaklälä sɔa' 'cɩcasa 'lɩ.

Matiö 12:50

Nyɔɔ o nyɔɔ nöa' wiili 'na Tʋlɔ bäa' cɛlɩ 'bataa' nɩ, 'ɔɔ bä 'na ‑wlajʋ, 'ɔɔ bä 'na ‑wladia nyra 'na 'yio.»

Jaan 17:26

'Nyaa srara 'üün ‑na 'nyrɩ, 'nyaa 'sɔɔwʋ 'ümɩ 'iin sraraa, ‑bɛ 'sɩrɩ ‑waa' 'mɩ, 'ia ‑wawakʋ 'mä 'üün 'lɩbä, ‑bɛ 'mä bɩa 'üün 'lɩbä.»

Rɔmënyüü 13:14

‑Maa 'ba pa 'Pläkänyɔɔ Jesu 'Kriisë 'lɩ ‑beere 'kotu, 'anyɩ bobo 'nɩmɩ bʋbɔgbili käa' plɛ 'tʋ 'kä 'amä 'ana plɛ 'wʋ 'cie.

Matiö 7:23

'Kä 'nyaa 'üün ‑gbala: ‹'Ba tʋŋlɔ 'mɩ 'lɩdɛrɩ, 'amɔlɔ 'pɩɛa' Nyɔsʋaa ‑dɔ ‑gälɩ; 'n ‑kaapɩɔ 'amɩ jre!›

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Jaan 17:19

'Üa ‑gʋ 'n bere 'na nyufa 'klɩ, ‑bɛ 'üa 'mʋgbɛlü nɩ, 'ümä 'üa nyufa 'klɩbere ‑na 'cɩcasa 'lɩ.

Matiö 25:40

'Kä 'kɩɩlɔ nya 'üün ‑gbalaa ‑maa: ‹'Cɩcasa 'n ‑gbala 'amɩ, 'asɩ a nöa' 'ia samaa wii 'jüplüjielüa ‑tɔrʋpɩɔa 'doo bäa' 'na ‑wlajü ‑gba nɩ, 'mɔɔ 'a nʋ 'iin ‑gba.›

Matiö 28:10

'Iibäa' Jesu nɩ: «Ŋalɛ 'nyɩ 'blaa 'amɩ. 'Ba mi 'ba ‑gbala 'na ‑wlajüa ü ji Galileea 'bre. 'A ‑nyɛɛ 'ü nëmä 'mɩ 'järä.»

1 Korɛɛntënyüü 8:3

‑Maa nyɔɔ ma ‑wa Nyɔsʋa, 'a nyɔɔlɔ Nyɔsʋa jrea'.

Kolɔɔsënyüü 3:10

'anya dɔrɔ nyɔɔ dëdräa ‑gbi 'wʋ. Nyɔɔdëdrälɔ nɩ, 'ɔ 'cici 'ɔa bobowlia 'doo 'ɔmä 'ɔa Nʋnʋnyɔɔ jajra.