Rɔmënyüü 8:28 - Kuö Dëdrä Jenɛɛsë Rutë

²⁸ ‑Bɛ a jre 'iin 'sɩrɩ wiili kä 'fɩɔ jräa' nyüülü ‑waa' Nyɔsʋa ‑bɛ ü werea' 'sɩrɩ 'ɔ ‑waa' ‑gälɩ nɩ, Nyɔsʋa ‑nyɩgla 'iin 'kä 'imä 'na 'üa ‑gʋ.

Rɔmënyüü 8:28 Referans Kwoze

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

Jaakë 1:12

Abɩa dɔrʋ 'bla nyɔɔlɔ ‑sɔɔrɔa' 'wʋ ‑sʋɩa 'mlɩ. Ɔma 'nyɩ fɔlɔ ‑sʋɩ 'klɩ ‑a nɩ, 'ɔnya 'pɛɛrɛa: 'ɛɛ bä 'klälä 'Pläkänyɔɔ 'daaa' 'ɔmäa' nyüülü ‑waa' 'ɔɔn ‑nyɩ.

Jenɛɛsë 50:20

'Amɔlɔ nɩ, 'a ‑jra kä 'iin 'amä 'mɩ ‑balʋ ‑gba nʋ, ‑maa Nyɔsʋa nya ‑jra 'iin 'ɔmä 'mɩ 'cɩca a ‑gbi ‑gba nʋ 'sɩrɩ a 'jäa' 'iin 'wʋ 'saarɩ: nyüü 'kɔkɔmlɛ nya 'lɩmlɩwʋa.

1 Korɛɛntënyüü 2:9

‑Maa 'i ‑jɩjra nyɔsʋapɔɔkʋ 'lɩ 'kä: Dɛɛlɛ 'nyiö 'nyɩa' 'jä, ɛ 'nyaklu 'nyɩa' 'wli 'nu, ‑bɛ wiili 'nyɩa' nyɔɔa plɛklɩ ji, Nyɔsʋa ‑ëlere 'ia 'fɩɔ nyüülü ‑waa' 'ɔɔn, 'üa ‑gʋ .

Rɔmënyüü 8:30

Ü 'ɔ 'baa' 'lɩ sököö nɩ, 'ɔ we 'üün bɩa; ü 'ɔ wea' nɩ, 'ɔ 'dara bɩa 'üün 'klɩgänyüü, ü 'ɔ 'daraa' 'klɩgänyüü nɩ, 'ɔnya 'bʋala 'üün bɩa.

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

1 Korɛɛntënyüü 1:9

Nyɔsʋa ‑träärälɩ 'ɔa 'papawii, 'ɔɔ we 'amɩ, 'a nyra 'ɔa 'Jʋ, ana 'Pläkänyɔɔ Jesu 'Kriisë, 'mä 'doo bä.

'Nyügälɩjawii 3:19

Nyüülü kä 'fɩɔ 'n ‑waa' nɩ, 'n 'daa 'üün 'kä 'n bɔtɔ 'üün. 'Ii känyrɩ, ‑srara 'sɩrɩ ‑fumöa' 'na ‑gʋ 'kä ‑toro 'lɩ ‑balʋ ‑gälɩ.

Galaatënyüü 1:15

‑Maa 'n ‑ka bä 'na 'yioa 'mlɩ Nyɔsʋa nya 'balɩ 'mɩ, 'ɔnya were 'mɩ 'ɔa ‑gbinanakʋ 'lɩ. 'Taɩn 'lɩ 'ɔ ‑waa'

1 Tɛsalonikënyüü 5:9

'Be Nyɔsʋa 'nyɩ amɩ 'crɛ ‑a tɛrɛ, ‑maa 'lɩmlɩwʋwʋkʋ a kä, ana 'Pläkänyɔɔ Jesu 'Kriisë 'lɩ,

Marëkë 12:30

'kä ‑nya ‑na plɛa 'fɩɔ nʋ, ‑na ‑susu, ‑na bobowli nyra ‑na 'klüa 'fɩɔ, 'kä ‑nya ‑na 'Pläkänyɔɔ Nyɔsʋa ‑wa.›

Ɛfɛsënyüü 3:11

'A 'sɩrɩ 'ɔ 'daa käa' sököö 'ɔmä ɩa' nʋ, 'asɩ 'i nrörö; ana 'Pläkänyɔɔ Jesu 'Kriisë kälɩ 'i ‑srörö.

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

1 Jaan 4:19

Amɔlɔ nɩ, a ‑wa 'ɔɔn, 'be 'ɔɔ ‑kätɩ ‑wa amɩ.

2 Timotee 2:19

‑Maa, dɛɛlɛ kä ‑toko Nyɔsʋa 'sria' kä ɛ nyɔnyrɔa' ‑ka bälɩ, 'ɔa mɛ nya bä 'iin ‑gälɩ: «'Pläkänyɔɔ jre nyüülü bäa' 'ɔa nü.» ‑Bɛ: «Nyɔɔlɔ 'daaa' 'Kriisëa nɔ 'ɔ bä nɩ, ɔ be ‑balʋ ‑gälɩ 'klɩ.»

1 Jaan 4:10

‑Jää dɛɛlɛ bäa' ‑wawakʋ: ‑mää amɔ 'nyɩ Nyɔsʋa ‑wa, ‑maa 'ɔɔ ‑wa amɩ. Ana ‑wawakʋa ‑gʋ nɩ, 'ɔnya 'sa 'ɔa 'Jʋ ana ‑balʋa ‑gʋ ‑bɛ 'ɔa 'crɛ 'mä 'wʋcie.

Rɔmënyüü 9:11

'Be Nyɔsʋaa 'mlɔɔ 'ɔɔ 'baalɩ nyüü: ‑maa ‑mää 'üa ‑gbi 'ɔnyɩ tɛklɩ ‑bɛ 'ɔnyɩ 'balɩ 'üün, 'ɔɔ bäa' Nyɔsʋa ɔ 'baa' 'lɩ nyüü 'ɔa 'doo 'i bäkälɩ. 'Asɩ 'jülü ‑kaaŋlʋ ‑glooro, 'ü ‑kaaŋlʋ 'nɩmɩ ‑balʋ nyra 'cɩcasa ‑a nʋ,

2 Korɛɛntënyüü 5:1

'Be a jre 'imɩ, ana fugbalä ‑beerea' ‑tete ä kä 'mlɩ a kʋa' ‑pɩ ‑tʋtʋ ‑gälɩ, äma ‑gblooo nɩ, a kälä cɛlɩ nyukulu Nyɔsʋa tɛrɛa' amɩ; nyukulu 'nyɩa' nyɔɔa 'papanyuku bä, 'umäa' ‑wɩara 'taɩn a 'fɩɔ 'lɩ.

Galaatënyüü 5:8

Wiili 'kplaa' 'amɩ nɩ, ‑mää Nyɔsʋalɔ wea' 'amɩ, ‑mää 'ɔa ‑nyɛɛ 'inyɩ sɔ.

Akëtë 13:48

«Nyüülü 'nyɩa' juifë bä 'nua' 'iin 'wli nɩ, dɔrʋ 'bla 'üün, 'ünya 'bʋala 'Pläkänyɔɔa 'papawii. Nyüülü kä 'fɩɔ Nyɔsʋa 'baa' 'lɩ 'ümäa' 'klälä 'nyɩa' blöröfa kä 'jä nɩ, 'ü toro 'iin plɛ.»

Rɔmënyüü 11:29

'Be Nyɔsʋa ma ‑nyɩ dɛɛ 'ɔ ‑kanyɩ ji 'ɛa 'klʋɛɛ ‑a, ‑bɛ ɔma we nyüü 'ɔnyɩ sɔ 'üün dɛrɩ ‑a.

1 Korɛɛntënyüü 1:2

Amɔ ‑jɩjra 'amɩ 'wʋ, 'amɔ Nyɔsʋaa 'cɛcɩlɛ bäa' Korɛɛntëbätä, ɛ Nyɔsʋa berea' 'klɩ 'Kriisë Jesu 'lɩ, 'amɔlɔ werea' 'kä 'ana 'kläa 'nyü käa' 'ämäa' 'na, nyra ü bäa' ‑pɩɔa 'fɩɔ ü wea' ana 'Pläkänyɔɔ Jesu 'Kriisëa 'nyrɩ, ɔ bäa' 'üa 'Pläkänyɔɔ nyra ana 'Pläkänyɔɔ.

1 Korɛɛntënyüü 1:24

‑Maa ‑mülü Nyɔsʋa wea' ü bäa' juifënyüü nyra grɛɛkënyüü nɩ, 'ü jre 'iin 'sɩrɩ 'Kriisë bäa' Nyɔsʋaa 'klü nyra 'ɔa 'lɩgaglakʋ;

Galaatënyüü 1:6

'I kala 'mɩ plɛklɩ 'kä 'amä ‑plɩɩ Nyɔsʋalɔ werea' 'amɩ 'Kriisëa ‑gbinanakʋ 'lɩ 'lɩgälɩtoro, ‑bɛ 'amä 'lɩ 'Mʋfagogo ‑mölöö ‑träärä.

Ɛfɛsënyüü 4:1

'Ia ‑gʋ, 'mɔɔ 'Pläkänyɔɔa ‑jienyɔɔlɔ nɩ, 'n 'paa 'amɩ 'klü 'lɩ, 'sɩrɩ Nyɔsʋa 'bataa' i kä ‑gʋ 'ɔ wea' 'amɩ nɩ, 'amä 'ia 'sa 'nyɛ.

Filipënyüü 3:14

Fʋfɔlʋa blöröfa 'n tɛ 'klɩ ‑bɛ 'n fɔ 'mä 'pɛpɛɛdɛɛlɛ kä ‑gʋ Nyɔsʋa wea' amɩ 'ɔmäa' amɩ ‑nyɩ cɛlɩ Jesu 'Kriisë 'lɩ, 'mä 'ɛɛn fa.

Ebröönyüü 9:15

‑Bɛ 'a 'ia ‑gʋ 'Kriisë bä kuö dëdräa 'diprö, 'kä nyüülü Nyɔsʋa wea' 'mä ‑wɩarajalä Nyɔsʋa 'daaa' 'ɔmäa' 'üün ‑nyɩ ji. 'Be 'ɔa jäjäkʋa ‑gʋ nyüülü kʋa' 'klɩsa kuöa 'mlɩ nɩ, 'üa ‑balʋ 'mrɛɛ 'ümä kpëträ.

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

1 Piɛɛrë 3:9

Nyɔɔ ma nʋ 'amɩ ‑balʋ ‑gba, 'anyɩ nʋ ‑balʋ 'anyɩ 'sa ‑balʋa 'kpa. Nyɔɔ ma ‑jree 'amɩ nɩ, 'anyɩ ‑jree 'ɔɔn bɩa. ‑Maa 'ba 'pa 'ɔɔn 'nɩ; 'be 'a jre 'iin 'sɩrɩ Nyɔsʋa werea' 'amɩ 'iin 'lɩ, 'ɔmä 'amɩ 'nɩ 'pa.