Rɔmënyüü 8:26 - Kuö Dëdrä Jenɛɛsë Rutë

²⁶ 'Asɩ Nyɔsʋaa ‑Susu jö bɩa amɩ ‑gba ama ‑kanyɩ 'klü ‑a kä, 'be ama bibie Nyɔsʋa dɛɛlɛ amäa' 'bete anyɩ 'ɛɛn jre ‑a jre. 'Ii känyrɩ ‑Susua 'mʋgbɛ bibie Nyɔsʋa ana ‑gʋ 'dugua 'mlɩ 'inyɩ 'lɩsasa ‑a bä.

Rɔmënyüü 8:26 Referans Kwoze

Matiö 10:20

‑Mää 'ana 'mʋgbɛ ‑nëmä 'iin 'pa, 'ana Tʋa ‑Susu nëmä 'amɩ 'iin mlɩ 'pa.

Ɛfɛsënyüü 6:18

'Ba bibie Nyɔsʋa 'taɩn a 'fɩɔ 'lɩ. Wiili kä 'fɩɔ 'a ‑waa', i 'a 'bataa', 'ba ‑gbala 'ia 'fɩɔ Nyɔsʋa, ‑maa abɩa 'Ɔa ‑Susu ji 'amɩ ‑gba. 'Anyɩ sɩa, 'ba nʋ 'imɩa 'doo, 'kä 'a bibie nyɔsʋaanyüüa 'fɩɔa 'wli 'lɩ.

Galaatënyüü 4:6

'Be 'anya 'a 'ɔa 'jü bä, 'ia ‑gʋ Nyɔsʋa ja 'ana plɛ ‑gälɩ 'ɔa 'Jʋa ‑Susu. 'A ‑susulu bä 'amɩ 'lɩ 'ia ‑gʋ 'a nö: «Aba, 'na Tʋ».

Jaan 14:16

‑bɛ 'mä Tʋ ‑gbala 'ɔmä 'amɩ ‑gbajinyɔɔ ‑moloo ‑nyɩ; 'ɔ nyra 'amɔ 'mä ‑wälɩkʋ 'plɔʋplɔʋ.

Ɛfɛsënyüü 2:18

'Be 'abɩa 'Kriisë ana 'fɩɔ ma ‑srörö kälɩ nɩ, ‑bakää ‑bä juifë 'aiɛ ‑nyɩ juifë bä, 'a ‑plɩɩ a 'mrɛɛ amä ana Tʋ Nyɔsʋa ‑gbajijrö ‑Susu 'doolʋa 'nyrɩklɩ.

Rɔmënyüü 8:15

‑Bɛ ‑Susulu Nyɔsʋa ‑nyɩa' 'amɩ nɩ, ‑mää ‑geeidɛɛ nyra ŋalɛ 'mä 'sɔɔwʋ 'amɩ 'blaa ‑gʋ ‑a. ‑Maa 'ɔ ‑nyɩ 'amɩ ‑Susulu nröröa' 'amɩ 'sɔrɔjü 'lɩ. 'Uu känyrɩ ‑bɛ a we Nyɔsʋa: «Aba! Tʋ!»

Ebröönyüü 4:15

‑Mää 'kä ana ‑gbɔsapɛrɩnyɔɔ kpakö 'nyɩ 'lɩ ‑a bɩa ɔ 'jä ana nyatɛrɩ ana 'fʋmakʋa ‑gʋ ‑a. 'Ü tɛlɩ 'ɔa 'mʋgbɛ diia 'fɩɔa 'mlɩ ‑beere amɔ, ‑maa 'ɔnyɩ ‑balʋ ‑a nʋ.

Jaakë 4:3

'A ‑sɛɛɛ, ‑maa 'anyɩ 'jä 'ɛmɩ ‑a, 'be ‑mää 'cɩcagbia ‑gʋ 'anyɩ ‑sɛ: dɛɛlɛ 'a ‑sɛɛa' nɩ, 'amä 'ana plɛklɩa bʋbɔgbi nʋ.

Rɔmënyüü 15:1

Amɔlɔ ‑sɔɔrɔa' 'wʋ nɩ, ‑mää wiili käa' amɩ 'tʋ a nëmä nʋ, a kä amä ünyɩa' 'wʋsɔɔrɔ ‑gbötö.

Lukë 22:44

'Ɔa plɛ 'jää ‑sʋɩ ‑gböösa, ‑bɛ 'ɔ bibie Nyɔsʋa ‑gböösa. 'Ɔa nyasu nya ‑beere ‑toru tagbë, ‑bɛ 'u böblö ‑tʋtʋ ‑gälɩ.

2 Korɛɛntënyüü 5:4

A ‑ka kʋa' ana ‑tete ‑wälɩ ‑pɩ ‑tʋtʋ ‑gälɩ nɩ, a pütö ‑beere kälɩbädii a ‑gbötö. 'Be ‑mää 'kä diigbaba tʋ 'blaa amɩ ‑a, ‑maa ‑pasakotulu bäa' cɛlɩ a 'bata amä 'lɩpa, ‑bɛ 'klä 'mä ‑plɩɩ jäjäfugba 'ba.

2 Korɛɛntënyüü 5:2

'A ‑tetelɛa 'mlɩ a bä ‑bɛ a pütö, 'be a 'sosowʋ ‑gböösa amä nyukulu bäa' cɛlɩ 'sroo.

Matiö 20:22

Jesu nya ‑gbala 'üün: «Wiili 'a 'daaa' ‑a nʋa' 'anyɩ 'iin jre ‑a jre ‑bɛ 'a 'bete 'iin. ‑Sʋɩa ‑köwölä 'nëmäa' 'mla, 'a bɩalɩ 'amä 'ään 'mla? 'Aiɛ 'sɩrɩ 'mäa' 'nɩwlipala, 'kä 'anya 'saa 'nɩwlipaa?» 'Ünya 'nyie: «A bɩalɩ.»

Ebröönyüü 5:2

'Ɔa 'mʋgbɛ 'fʋmaa' ‑gböösa nɩ, 'a 'ia ‑gʋ 'ɔnya nyüülü 'nyɩa' 'cɩcasa jre ‑bɛ 'ü 'nyɛrɛa' 'ia 'mlɩ nyra ü 'mɔlɔa' a nyatɛrɩ 'jäa.

Rɔmënyüü 7:24

'Mɔɔ ‑taa nyatɛnyɔɔlɔ! Nyɔɔ 'plɛɛ 'nyaa 'jä 'ɔnya 'mɩ ‑taa jäjäfugbalä ‑gälɩ 'ba le?