Rɔmënyüü 8:25 - Kuö Dëdrä Jenɛɛsë Rutë

²⁵ ‑Maa ama jresaa anya 'a dɛɛlɛ anyɩ 'jäa' 'wʋ 'jä nɩ, plɛ a blö ‑bɛ a ‑glaaa.

Rɔmënyüü 8:25 Referans Kwoze

Rɔmënyüü 12:12

A dɔrʋ 'bla 'amɩ 'a jre dɛɛlɛ 'naa' Nyɔsʋa tɛrɛa' 'amɩ ‑sraakäpɩa ‑gʋ. 'Ba kpʋkplɔmlɩ ‑sʋɩa 'mlɩ, 'anyɩ ‑sɩa nyɔsʋabibiekʋa ‑gʋ.

Ebröönyüü 10:36

'Be 'a kä 'amä plɛmlɩpa 'amä bɩa wiili Nyɔsʋa 'bataa' nʋ, ‑bɛ 'amä dɛɛlɛ Nyɔsʋa 'daaa' 'ɔmäa' 'amɩ ‑nyɩ 'jä.

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

Kolɔɔsënyüü 1:11

'Sɩrɩ 'ɔa 'wliklɩbʋbʋakʋa 'klü bäa' 'asɩ 'ɔmä 'amɩ 'klülɩpa diia 'fɩɔa 'mlɩ, 'amä wiia 'fɩɔa ‑gbötökʋ mlɩbɩa, 'amä nyɔnyrɔ nyɔnyrɔ 'amä 'blöröfawʋ 'tɔ dɔrʋsa.

Lukë 21:19

'Ii känyrɩ 'a 'nɩ fɔlɔ 'iin 'klɩ: 'asɩ 'anya 'lɩmlɩwʋ.

Jenɛɛsë 49:18

Yawe ‑o, mɔ 'n toroplɛ ‑mä 'mɩ 'lɩmlɩba!

2 Tɛsalonikënyüü 3:5

Abɩa 'Pläkänyɔɔ 'tiere 'ana polu Nyɔsʋaa ‑wawakʋa 'pɛlɩ, nyra 'Kriisëa 'wʋsɔɔrɔkʋ 'lɩ!

Rɔmënyüü 8:23

‑Maa 'änyɩ 'döö ‑a bä: ana 'mʋgbɛlɔ 'klaaa' Nyɔsʋaa ‑Susu u bäa' Nyɔsʋaa 'klɩsa ‑nyɩnyɩdɛɛ nɩ, 'asɩ a pütö ana plɛklɩ bɩa. A 'sosowʋ Nyɔsʋa 'mä amɩ 'ɔa 'jü 'lɩnrörö ‑bɛ 'ɔmä amɩ ana fugba mlɩ 'ba;

'Nyügälɩjawii 1:9

'Mɔɔ Jaan, ɔ bäa' bɩa 'ana ‑wlajʋ nɩ, 'nyraa 'amɩ bä ‑sʋɩ 'lɩ 'Kamaplä 'lɩ nyra Jesu 'Kriisë 'lɩa 'mlɩkpʋkplɔkʋ 'lɩ. Nyɔsʋaawiia ‑gʋ nyra 'cɩcasalä 'paaa' Jesu 'Kriisëa ‑gäa ‑gʋ 'ü nrörö 'mɩ ‑jienyɔɔ 'lɩ dugbalä 'ü 'daraa' Patëmɔsë 'äa 'mlɩ.

Ebröönyüü 6:12

Anyɩ 'bata 'bata ‑a 'amä ‑fɛ. ‑Maa nyüülü Nyɔsʋa 'daaa' 'ɔmäa' ‑jaaa ‑nyɩ 'üa nyɔsʋaplɛtorokʋ nyra 'üa 'mlɩkpʋkplɔkʋa ‑gʋ nɩ, 'ba nʋ 'üa 'sa.

Rɔmënyüü 2:7

Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa.

Lukë 8:15

'Mʋfatʋtʋlʋ kä ‑gälɩ 'jaju böblöa' nɩ, 'a ‑mülü nʋa' 'üa plɛ ü 'kplaa' nyɔsʋaawii 'cɩcasa, 'ünyɩ ‑trɔa' 'iin, ‑bɛ 'ü tʋäa' ‑bakää ‑sʋɩ bälɩ.

'Nyügälɩjawii 14:12

‑Jää wiili kä ‑gʋ nyɔsʋaanyünanyüü käa' 'ümäa' 'mlɩkpʋkplɔ. ‑Jää wiili kä ‑gʋ 'ü käa' 'ümäa' 'lɩ Nyɔsʋaa 'kamadɔ ‑träärä ‑bɛ 'ü käa' 'ümäa' Jesu plɛtoro.

'Nyügälɩjawii 13:10

Nyɔɔlɔ käa' 'ɔmä ‑jie 'lɩ mi nɩ, 'ɔnya ‑jie 'lɩ mia. Nyɔɔlɔ käa' 'ɔmäa' ‑jɛrɛ 'klɩ järä nɩ, ‑jɛrɛ 'ümä nʋ 'ümä 'ɔɔn 'bla. ‑Jää wiili kä ‑gʋ nyɔsʋaanyünanyüü käa' 'ümäa' 'mlɩkpʋkplɔ ‑bɛ 'ümäa' Nyɔsʋa plɛtoro.

Ebröönyüü 6:15

Abraamë nya kpʋkplɔmlɩ 'ɔnya ‑glaaa. 'Asɩ 'ɔ nʋ 'ɔnya 'jä dɛɛlɛ Nyɔsʋa 'daaa' 'ɔmäa' 'ɔa ‑gʋ nʋ.