17 ‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.
'A 'ia ‑gʋ, ‑kanyɩ ‑geei ‑a bä, ‑maa 'ɔa 'jʋ ‑bä; ‑bäa' 'ɔa 'jʋ nɩ, Nyɔsʋaa ‑jaajinyɔɔ 'Kriisë 'lɩ ‑bä.
'Be 'ama bä 'Kriisë 'lɩ nɩ, 'ba jresaa Abraamëa 'jü 'a bä, ‑bɛ wiili Nyɔsʋa 'paa', 'i nrörö 'amɩ ‑jaajijü 'lɩ.
‑A ‑jää 'iin 'lee: 'ü nyra Jesu 'Kriisë 'sɔ bäa' 'doo nɩ, 'ia ‑gʋ nyüülü 'nyɩa' juifë bä 'jää ‑jaaa 'döölä amɔ bäa' juifë 'nëmä ɩa' 'jä. A nyra 'üün bä nyüü 'doo. Wiili Nyɔsʋa 'daaa' 'ɔmäa' 'Mʋfagogo 'lɩ ‑srörö 'ɔmäa' nʋ nɩ, 'ünya kälä bɩa 'lɩ 'mlɩ.
Nyɔɔlɔ nëmäa' 'wʋsi nɩ, 'ɔɔ nëmä 'ia ‑jaaa ji. 'Nyaa 'ɔa Nyɔsʋa bäa 'kä 'ɔnya 'na 'jʋ bä.
‑Maa abɩa dɔrʋ 'bla 'amɩ ‑sʋɩlɩ 'a 'jääa' 'Kriisëa ‑gʋ. 'Ia 'taɩn 'lɩ dɔrʋ nya 'amɩ 'klɩ 'sia 'taɩn 'lɩ 'ɔmäa' ‑srɩɩ ji 'ɔa 'wliklɩbʋbʋakʋ 'lɩ.
'Ia 'taɩn 'lɩ a 'mrɛɛ a ‑glaaa dɔrʋsa ‑jaalä Nyɔsʋa tɛrɛa' amɩ. ‑Jaalä nɩ, cɛa 'mlɩ 'ɔ tɛrɛ amɩ 'ään, ‑nyɛɛ nɩ, 'änyɩ 'lɩ ‑a bɩa ä bʋblɔ, 'änyɩ 'lɩ ‑a bɩa ä pa ‑fre ‑bɛ ä saka.
amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.
Nyɔsʋaa 'mʋgbɛ nʋ 'imɩ bɩa. 'Ɔ nʋ 'imɩ 'ɔmä 'üün ‑gbala 'sɩrɩ 'ɔmäa' 'tasɩrɩ wiili 'ɔ 'daaa' 'ɔmäa' nʋ 'ɔa nyüüa ‑gʋ nɩ, 'inyɩ ‑gbagblɛ ‑a bä; 'a 'ia ‑gʋ 'ɔ 'sɔrɩ.
'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.
'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?
'Be Nyɔsʋa we 'amɩ 'flɛɛlɩ 'amä 'Kriisëa 'jrʋpafɛnyüü bä, ‑mää 'amä 'ɔɔn plɛtoroa 'doo ‑a, ‑maa 'amä bɩa ‑sʋɩ 'jä 'ɔa ‑gʋ.
‑Bɛ a toro 'amɩ plɛ ‑gböösa, a jre 'iin, 'be ‑sʋɩlɩ a 'jääa' 'ii 'a 'jää, 'asɩ 'anya bɩa ana plɛmlɩpapakʋ 'jää.
Jäjä ma kälä nyüü 'klü ‑gälɩ nyɔɔ 'dooa ‑balʋa ‑gʋ nɩ, nyɔɔ 'doo Nyɔsʋa ‑srörö kälɩ 'ɔnya ‑nyɩ nyüü i ‑sia' 'wʋ: nyüülü 'ɔ ‑nyɛɛa' 'ɔa ‑gbinanakʋlʋ 'ɔnyɩ 'mɩsɩa' nyra 'klɩgägäkʋ, 'ünya 'klä 'jäa Jesu 'Kriisëa 'dooa 'nyrɩklɩ 'kä 'ü nyra 'ɔɔn nya 'kama.
‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.
Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.
«Ŋalɛ 'nyɩ 'bla 'amɩ, 'amɔ ‑beerea' ‑bablëëkpa jɔ, 'be 'tʋ 'i kä Tʋ, 'ɔnya ‑nyɩ 'amɩ 'kamaplälä.
'I ‑sia' nɩ, Jesu nya ‑gbala 'ɔa 'wʋnyɛrɛnyüü: «Nyɔɔ o nyɔɔ 'bataa' nyra 'ɔɔn 'mä 'wʋnyɛrɛ nɩ, ɔ ‑trɔ 'ɔa nyufaa ‑gä, ɔ 'pie 'ɔa krʋaa ‑plɩ ‑gälɩ 'kä 'ɔ jö ‑bɛ 'nyraa 'ɔɔn 'mä 'wʋnyɛrɛ.
‑Maa 'i ‑jɩjra nyɔsʋapɔɔkʋ 'lɩ 'kä: Dɛɛlɛ 'nyiö 'nyɩa' 'jä, ɛ 'nyaklu 'nyɩa' 'wli 'nu, ‑bɛ wiili 'nyɩa' nyɔɔa plɛklɩ ji, Nyɔsʋa ‑ëlere 'ia 'fɩɔ nyüülü ‑waa' 'ɔɔn, 'üa ‑gʋ .
‑Dɔ 'nyɩ 'lɩ ‑a bɩa u nʋ 'iin, 'be 'jajɛ 'fʋmla 'uun. ‑Maa Nyɔsʋa nʋ 'imɩ; ‑balʋa ‑gʋ 'ɔ nrörö 'ɔa 'mʋgbɛa 'Jʋ nyɔɔ 'lɩ ‑beere amɔ ‑balʋnyüü, 'ɔmä ‑balʋlʋ bäa' nyüü 'lɩa ‑gä ‑tʋ.
«'Na ‑wlajü 'amɩ, 'köklesaplɩɩ ɔ nɩ, 'n tɩɛ 'amɩ Nyɔsʋa nyra wiili 'paa' 'ɔa ‑gbinanakʋa ‑gä kälɩ. 'A wiili nëmä 'amɩ 'klü ‑nyɩ, 'ii 'mä bɩa 'amɩ ‑jaaa ‑nyɩ nyüülü kä 'fɩɔ 'ɔ ‑gäa' 'klɩa 'mlɩ.
Nyüülü toroa' Jesu plɛ nɩ, 'ü 'paa 'üa nyɔsʋaplɛ 'klü 'lɩ abɩa 'üa nyɔsʋaplɛ ‑sɔɔrɔwʋ. ‑Bɛ 'ü ‑gbala 'üün: «A kä amä ‑sʋɩ 'kɔkɔmlɛ 'lɩ ‑srörö ‑bɛ amä Nyɔsʋaa 'kamapläa 'mlɩ pa.»
'Ɔa 'kamanyɔɔ nya ‑gbala 'ɔɔn: ‹'I 'na 'mʋfasa, 'cɩca 'jrʋpafɛnyɔɔ nyra plɛtoronyɔɔ ‑bä! ‑Sraraa' 'mɩ 'sɩrɩ bäa' plɛtoronyɔɔ diijie 'lɩ 'n ‑nyɩa' ‑mɩa 'mlɩ nɩ, 'nyaa ‑mɩ dii 'kɔkɔmlɛ kälɩ ‑nyɩa. Ji 'nyraa ‑mɔ 'mä dɔrʋ nʋ.›
'Kriisëlɔ nɩ, 'ɔ ‑nëmä ɩ 'ia ‑sʋɛlɛ ‑a jä, ‑bɛ 'ɔmä 'ɔa 'wliklɩbʋabʋakʋa 'fɩɔ srara?»
'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›
‑Jäsɩ 'i bäa' nɩ, 'sɩrɩ 'Kriisëa ‑sʋɩ ‑sümlöa' ana 'kläa 'mlɩ nɩ, 'asɩ Nyɔsʋa ‑srörö 'Kriisë kälɩ 'kä 'ɔ ‑nyɛɛ amɩ plɛmlɩpapakʋ 'kɔkɔmlɛ.
Dɛɛlɛ 'n 'bataa' nɩ, 'iibä ‑a jre 'Kriisë nyra 'ɔa 'kuaabresɔsɔkʋa 'klü; 'nyraa 'ɔɔn 'mä 'ɔa ‑sʋɩ ‑gbötö, 'nyraa 'ɔɔn 'mä 'wʋjärä,
‑Sʋɛlɛ kä 'mlɩ 'n bäa' 'köklesaplɩɩ 'ana ‑gʋ nɩ, 'i kä 'mɩ dɔrʋ 'wʋ. 'Na 'jajɛa 'mlɩ 'n ‑ka 'jää ‑sʋɩlɩ tɩɔa' 'lɩ, i 'Kriisë nëmä ɩa' 'jä 'ɔa fugbalä bäa' 'Cɛcɩ, 'äa ‑gʋ.
‑Maa ‑taa ‑gälɩblöröjrüülü 'lɩ nɩ, 'ɔa 'Jʋ 'ɔ ‑srörö kälɩ 'kä 'ɔ 'pala amɩ wii ‑gba. 'Ɔɔ Nyɔsʋa ‑srörö kälɩ 'ɔnya nʋ diia 'fɩɔ. 'Ɔɔ 'ɔ 'ba bɩa 'lɩ 'ɔmä diia 'fɩɔa ‑jaajinyɔɔ bä.