Rɔmënyüü 8:15 - Kuö Dëdrä Jenɛɛsë Rutë

¹⁵ ‑Bɛ ‑Susulu Nyɔsʋa ‑nyɩa' 'amɩ nɩ, ‑mää ‑geeidɛɛ nyra ŋalɛ 'mä 'sɔɔwʋ 'amɩ 'blaa ‑gʋ ‑a. ‑Maa 'ɔ ‑nyɩ 'amɩ ‑Susulu nröröa' 'amɩ 'sɔrɔjü 'lɩ. 'Uu känyrɩ ‑bɛ a we Nyɔsʋa: «Aba! Tʋ!»

Rɔmënyüü 8:15 Referans Kwoze

2 Timotee 1:7

'Be ‑susulu Nyɔsʋa ‑nyɩa' amɩ 'nyɩ nrörö amɩ ŋalɛkänyüü 'lɩ ‑a, ‑maa 'u ‑nyɛɛ amɩ 'klü, ‑wawlakʋ, nyra 'sɩrɩ amäa' ana fugba 'tiere.

1 Korɛɛntënyüü 2:12

Amɔlɔ nɩ, ‑mää 'pläa 'mlɩa ‑susu 'nyɩ amɩ ‑gälɩ bä, ‑Susulu sɔa' Nyɔsʋaa ‑nyɛɛ 'uu bä amɩ ‑gälɩ, amä diili Nyɔsʋa ‑nyɩa' amɩ 'flɛɛlɩ jre.

Rɔmënyüü 8:16

Nyɔsʋaa ‑Susua 'mʋgbɛ 'nyiere ana ‑susu 'sɩrɩ a bäa' Nyɔsʋaa 'jü.

Ebröönyüü 2:15

'Asɩ 'ɔ nʋ 'ɔnya 'balɩ nyüülü kä 'fɩɔ bäa' ‑goou 'üa 'kläa 'fɩɔa 'mlɩ, 'üa 'lɩmlɩbadɛɛ; 'be ü pɩɛ kä jäjä.

Ɛfɛsënyüü 1:5

'Ɔ 'a kä 'lɩ amɩ 'ba amä 'ɔa 'sɔrɔjü bä Jesu 'Kriisëa 'nyrɩklɩ; 'asɩ 'i käa' 'ɔmɩ 'tʋ, 'asɩ 'ɔ nʋ 'iin.

1 Jaan 4:18

Ŋalɛ 'nyɩ ‑wawakʋ 'lɩ ‑a bä, ‑maa ‑wawakʋlʋ jräa' 'wli nɩ, 'u prɛ ŋalɛ. Nyɔɔ 'ümäa' 'pɔnɩ, 'ɔɔ ŋalɛ 'blaa'. 'Ii känyrɩ, nyɔɔlɔ ŋalɛ 'blaaa' nɩ, 'ɔa ‑wawakʋ 'nyɩ 'wli ‑a jrä.

Marëkë 14:36

'Ɔ nɩnɩa: «Aba, 'na Tʋ, ‑bɩa wiia 'fɩɔ mlɩ, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! 'Ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»

Rɔmënyüü 8:23

‑Maa 'änyɩ 'döö ‑a bä: ana 'mʋgbɛlɔ 'klaaa' Nyɔsʋaa ‑Susu u bäa' Nyɔsʋaa 'klɩsa ‑nyɩnyɩdɛɛ nɩ, 'asɩ a pütö ana plɛklɩ bɩa. A 'sosowʋ Nyɔsʋa 'mä amɩ 'ɔa 'jü 'lɩnrörö ‑bɛ 'ɔmä amɩ ana fugba mlɩ 'ba;

Lukë 11:2

'Ɔnya ‑gbala 'üün: «'Ama bibie Nyɔsʋa nɩ, 'ba 'daa: Ana Tʋ, ɔ bäa' cɛa 'mlɩ, abɩa ‑na 'nyünanyrɩ 'bʋala; abɩa ‑na 'kamadɛɛ 'tɔ ‑tʋtʋ ‑gälɩ. Wiili ‑baataa', i nrörö ‑tʋtʋ ‑gälɩ 'sɩrɩ 'i nröröa' cɛa 'mlɩ.

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Lukë 22:42

‑maa: «'Na Tʋ, ‑ama ‑wa, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! ‑Maa 'ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»

Jaan 16:8

Uma ji nɩ, 'uu nëmä 'pläa 'mlɩa nyüü ‑fälɩ be, dɛɛlɛ bäa' ‑balʋ, ɛ bäa' 'klɩgägäkʋ ‑bɛ dɛɛlɛ bäa' ‑gätʋtʋkʋ.

Akëtë 16:29

‑Jienyuku ‑gbaglaranyɔɔ nya ‑sɛ 'napɛ, 'ɔnya fa ‑jiji 'ɔnya pa, 'ɔa 'fɩɔ tɩtrɛ, 'ɔnya blö 'Pɔɔlë nyra Silasëa bei 'wʋ.

Akëtë 2:37

'Ü 'nua' wiili 'ɔ 'paa' 'wli nɩ, 'i pa 'üün ‑gba. 'Ünya 'bete Piɛɛrë nyra apotrë ‑mülü: «‑Wlajü 'amɩ, ‑asɩ anya nʋ le?»

Lukë 8:37

Ŋalɛlɛ 'blaa' Gadaranyüü 'ɛ 'bʋa. 'Ünya bibie 'ɔɔn ɔ sɔ 'lɩ. Jesu nya 'jra ‑gɔlʋ 'lɩ 'ɔnya 'blöödɛrɩ.

Lukë 8:28

'Ɔ 'jäa' Jesu nɩ, 'ɔnya blö 'ɔɔn bei 'wʋ; 'ɔnya 'kpölɩkä: «Wii 'plɛɛ bä 'nyraa ‑mɔ 'sɔa ‑tɔrʋpɩɔ le, 'Wʋsi Nyɔsʋaa 'Jʋ Jesu? 'N bibie ‑mɩ, ‑nyɩ nʋ 'mɩ ‑gbi ‑gba!»

Jaakë 2:19

'Sɩrɩ Nyɔsʋa bäa' 'doo ‑daara 'iin wii; 'i 'na. Domüüa 'mʋgbɛ 'dara 'iin wii, ‑bɛ 'asɩɛ 'ü tɩtrɛ ŋalɛa ‑gʋ.

Rɔmënyüü 8:26

'Asɩ Nyɔsʋaa ‑Susu jö bɩa amɩ ‑gba ama ‑kanyɩ 'klü ‑a kä, 'be ama bibie Nyɔsʋa dɛɛlɛ amäa' 'bete anyɩ 'ɛɛn jre ‑a jre. 'Ii känyrɩ ‑Susua 'mʋgbɛ bibie Nyɔsʋa ana ‑gʋ 'dugua 'mlɩ 'inyɩ 'lɩsasa ‑a bä.

Rɔmënyüü 9:4

'Üü bä Israɛɛlë: Nyɔsʋa nrörö 'üün 'ɔa 'sɔrɔjü 'lɩ, 'ɔ ‑päälä 'üün 'ɔa 'bʋalakʋ 'lɩ, 'ɔ nyra 'üün 'pa kuö, 'ɔ ‑nyɩ 'üün 'ɔa ‑dɔ, 'ɔ ‑srara 'üün 'sɩrɩ 'ümäa' 'ɔɔn bibie, 'ɔ ‑gbala 'üün wiili 'ɔ ‑nëmäa' nʋ 'üa ‑gʋ.

2 Korɛɛntënyüü 11:4

'Be nyɔɔ ma ji ɔma ‑gbala 'amɩ ‑pasa Jesua ‑gä ima 'nyɩ ‑mɔlɔ kä ‑gä a ‑gbalaa' 'amɩ ‑a bä, 'aiɛ 'ama 'kʋɛɛlɩ ‑pasa ‑susu, uma 'nyɩ 'Nyüna ‑Susu bäa' 'amɩ 'lɩ ‑a bä, 'aiɛ 'Mʋfagogolä 'a 'kʋɛɛa' 'lɩ ‑a bä, ‑bɛ 'ama po 'ɔmɩ 'nyakli nɩ, dɛrɩ 'a bä 'ɔɔn ‑gböösa.

Galaatënyüü 2:4

‑Bɛ 'ia 'fɩɔlʋ kʋa' ‑pɩ nɩ, 'a ‑gbagblɛwlajülü palaa' ana ‑tɔrʋpɩɔ, 'üü nʋ 'imɩ. Yrʋsa 'ü prɛ amɩ dɛrɩ, 'ümä 'iin 'jä 'sɩrɩ a ‑kanyɩa' ‑goou bä Jesu 'Kriisë 'lɩ. 'Be 'ü 'bata 'ümä amɩ ‑dɔa ‑goou 'lɩnrörö.

Galaatënyüü 5:1

'Kriisë 'ba amɩ ‑dɔa ‑geeidɛɛ 'lɩ, a ‑ka ‑pɩ ‑geei bä. 'Ii känyrɩ 'ba ‑sɔɔrɔwʋ 'wli 'klɩ. 'A ‑kanyɩ 'nyie, nyɔɔ ‑kanyɩ 'pa 'amɩ 'cɩ.

Matiö 25:25

'Ii kä 'mɩ ŋalɛ 'wʋ. 'Ia ‑gʋ 'nyaa mi nyaa ‑sisre ‑na talaan ‑tʋtʋa 'mlɩ. ‑Jää 'ään kʋ ‑pɩ dɔrɔ ‑na dɛɛ 'wʋ.›