Rɔmënyüü 8:10 - Kuö Dëdrä Jenɛɛsë Rutë

¹⁰ ‑Bɛ 'Kriisë ma bä 'amɩ 'lɩ, ‑bakää 'ana fugba jä ‑balʋa ‑gʋ nɩ, Nyɔsʋaa ‑Susu bä 'ana 'klä 'klɩgägäkʋlʋ Nyɔsʋa ‑nyɩa' 'amɩ 'ia ‑gʋ.

Rɔmënyüü 8:10 Referans Kwoze

Ɛfɛsënyüü 3:17

‑bɛ 'Kriisë 'mä 'ana polua 'mlɩ kʋ. 'Be 'a toro 'ɔɔn plɛ, 'ana ‑wawlakʋa tigblii 'mä nyɔnyrɔ, 'imä 'käsri ‑wawlakʋ 'lɩ

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

2 Korɛɛntënyüü 5:21

Nyɔɔlɔ ‑kaapɩɔa' ‑balʋ nʋ nɩ, Nyɔsʋa bere 'ɔɔn ana ‑balʋ 'wli, 'kä amɔlɔ nyra 'Kriisë bäa' 'doo nɩ, amä 'klɩgä Nyɔsʋaa 'klɩ.

Jaan 17:23

'N bä 'üün 'lɩ, ‑nya bä 'mɩ 'lɩ, 'ümä 'tasɩrɩ 'doo bä, ‑bɛ 'plä 'mä 'saa jre ‑mɔ ‑blɔ 'mɩ, 'ümä bɩa 'saa jre 'sɩrɩ ‑waa' 'mɩ, 'asɩ ‑wa 'üün.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

Filipënyüü 1:23

'Na plɛ 'kʋkrʋɛɛ 'mɩ 'lɩ: 'n 'bata ‑a sɔ 'plälä kʋa' ‑pɩa 'mlɩ 'mä 'Kriisëa ‑nyɛɛ mi, 'i ‑siwʋ 'nanakʋ!

Filipënyüü 3:9

‑bɛ 'nyaa 'ɔɔn 'mä 'doo bä. Ima bäsaa nɩ, 'Kriisëa plɛtorokʋ 'lɩ 'n ‑gääläklɩ, ‑maa ‑mää ‑dɔa 'lɩträäräkʋ 'lɩ ‑a. Nyɔsʋaaplɛtorokʋ Nyɔsʋa 'jää 'kä 'ɔ ‑nyɛɛ 'klɩgägäkʋ.

1 Korɛɛntënyüü 15:45

Nyɔsʋapɔɔkʋ nɩnɩa: «Nyɔɔlɔ ‑kätɩ Nyɔsʋa nʋa' 'ɔɔ bä Adaan.» Dɛrɩtäpa Adaan nya bä ‑susulu ‑nyɛɛa' 'klä.

'Nyügälɩjawii 14:13

'Nyaa 'nu 'papawiili sɔa' cɛlɩ 'wli, 'inya ‑gbala 'mɩ: «‑Jɩjra: ‹'Bala 'saarɩ ‑gälɩ abɩa dɔrʋ 'bla nyüülü järäa' 'Pläkänyɔɔ 'lɩ! ‑Yɛɛ, 'asɩ Nyɔsʋaa ‑Susu ‑gba, 'be 'jrʋpalä 'ü ‑fɛa', 'ia ‑fʋflʋ 'ü 'paa ‑bɛ wiili 'ü nʋa' 'mä 'üün dɛrɩprɛ.› »

Jaan 15:5

'Mɔɔlɔ nɩ, 'mɔɔ bä viinyëtuu, 'amɔ bä katë. Nyɔɔlɔ 'maaa' 'mɩ ‑gbakä, ‑bɛ 'n 'maaa' ‑gbakä nɩ, 'ɔ tʋä ‑gböösa. ‑A ‑gbala 'amɩ, ama 'nyɩ 'amɩ 'lɩ ‑a bä, 'anyɩ 'lɩ ‑a bɩa 'amä dɛɛ nʋ.

Jaan 14:23

Jesu nya ‑gbala 'ɔɔn: «Nyɔɔ ma ‑wa 'mɩ nɩ, 'ɔnya 'lɩ 'na mlɩa wii ‑trääräa, 'kä 'na Tʋ nya 'ɔɔn ‑wa; anya 'ɔa ‑nyɛɛ jia, 'kä anya 'lɩ ana kʋfa nrörö.

Ebröönyüü 12:23

'Anya jijrö ‑kätɩjülü känyrɩ ‑jɩjraa' cɛɩɩa 'mlɩ ‑gba 'üa ‑glɩsɩglɩsɩ 'lɩ. 'Anya jijrö Nyɔsʋalɔ bäa' nyüüa 'fɩɔa ‑gätʋnyɔɔ ‑gba. 'A jijrö nyüülü kä ‑sisi ‑gäläa' 'klɩ ‑bɛ i jräa' 'wli ‑gba.

Ebröönyüü 9:27

'Lɩbänyüüa 'fɩɔ, 'ü järä 'wʋ 'doo 'wʋ, 'kä ‑gätʋtaɩn nya ji.

1 Tɛsalonikënyüü 4:16

'Be 'Pläkänyɔɔ nya 'kamanyɔɔa 'sa 'lɩkäkpöa, 'Aanjë Kpakö nya wii 'paa, Nyɔsʋaa dɛglɛ nya wii 'paa, 'kä 'Pläkänyɔɔa 'mʋgbɛ nya cɛa 'mlɩ 'cie, 'kä nyüülü kä 'fɩɔ järäa' 'Kriisë 'lɩ nya ‑kätɩ 'wʋsɔ.

2 Korɛɛntënyüü 13:5

'Ba 'bete 'ana nyüfë ima 'daa nyɔsʋaplɛtoronyüü 'a bä! ‑Beeredɛ 'a jre 'iin 'sɩrɩ Jesu 'Kriisë bäa' 'amɩ 'lɩ, ‑mää 'sɩ 'inyɩ bä? 'Ama 'nyɩ 'ɔɔn plɛ ‑a toro 'iibä ‑söö.

2 Korɛɛntënyüü 4:11

A bälɩ, ‑maa a 'jää jäjäwʋ 'taɩn a 'fɩɔ 'lɩ Jesua ‑gʋ, 'kä 'ɔa 'klä 'mä bɩa 'wʋcrɛrɛ ana jäjäfugbaa 'mlɩ.

Rɔmënyüü 5:21

‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

Rɔmënyüü 5:12

'Ii känyrɩ, nyɔɔ 'doo ‑balʋ ‑srörö kälɩ 'unya pa 'pläa 'mlɩ, ‑balʋ nya ja jäjä. Jäjä nya jrä nyüüa 'fɩɔ ‑gälɩ, 'be 'nyüüa 'fɩɔ nʋ ‑balʋ …

Jaan 6:56

Nyɔɔlɔ jöa' 'na 'jajɛ ‑bɛ ɔ 'mlaaa' 'na ‑toru, 'ɔ bä 'mɩ 'lɩ ‑bɛ 'n bä 'ɔɔn 'lɩ.

Jaan 4:14

‑maa nyɔɔ o nyɔɔ nëmäa' 'nɩlɩ 'nëmäa' 'ɔɔn ‑nyɩ 'mla nɩ, 'mamlatʋ ‑ka ‑nëmä 'ɔɔn 'bla ‑a 'bla 'plɔʋ, ‑bɛ 'nɩlɩ 'nëmäa' 'ɔɔn ‑nyɩ nɩ, 'inya 'ɔa 'kläa 'mlɩ ‑gbaalaa ‑beere 'niea sɔrɔfa, 'kä 'inya 'ɔɔn 'klälä 'nyɩa' blöröfa kä ‑nyɩ.»

Jaan 6:54

Nyɔɔlɔ jöa' 'na 'jajɛ, ‑bɛ ɔ 'mlaaa' 'na ‑toru nɩ, 'ɔɔ kä 'klälä 'nyɩa' blöröfa kä, 'kä 'nyaa 'ɔɔn 'kuaabre 'ba 'pläa bɩarafa 'wʋ.