Rɔmënyüü 8:1 - Kuö Dëdrä Jenɛɛsë Rutë

¹ Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ.

Rɔmënyüü 8:1 Referans Kwoze

2 Korɛɛntënyüü 5:17

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

Galaatënyüü 3:13

'Kriisë 'ba amɩ ‑dɔa busukʋ ‑gälɩ; busukʋlʋ nëmä ɩa' amɩ ‑gälɩjrä nɩ, 'ɔɔ 'u jrä ‑gälɩ. 'Be nyɔsʋapɔɔkʋ nɩnɩa: «Nyɔɔ o nyɔɔ nëmäa' tuu ‑gälɩ järä, abɩa busukʋ jrä 'ɔɔn ‑gälɩ».

Rɔmënyüü 5:1

'I 'na, ‑bɛ Nyɔsʋa 'daaa' ‑maa a bä 'klɩgänyüü ana nyɔsʋaplɛtorokʋa ‑gʋ nɩ, 'i känyrɩ 'wlinönrökʋ bä a nyra Nyɔsʋa kɔsɔa ‑tɔrʋpɩɔ ana 'Pläkänyɔɔ Jesu 'Kriisëa 'nyrɩklɩa ‑gʋ.

1 Korɛɛntënyüü 1:30

'Amɔlɔ nɩ, Nyɔsʋa nrörö 'amɩ 'doo 'lɩ 'amɔ ‑bɛ 'Kriisë Jesu 'sɔ; Nyɔsʋa nya nrörö 'ɔɔn 'lɩgaglakʋ 'lɩ ana ‑gʋ, 'ɔɔ Nyɔsʋa ‑srörö kälɩ 'kä 'ɔ ‑gäää amɩ 'klɩ, 'ɔnya bere amɩ 'klɩ amä 'ɔa nyüü bä, 'kä 'ɔ 'baa amɩ ‑balʋ 'lɩ.

Rɔmënyüü 8:34

Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ!

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Jaan 15:4

'Ba kʋ 'mɩ 'lɩ, 'sɩrɩ 'n kʋa' 'amɩ 'lɩ. 'Sɩrɩ kata ma 'nyɩa' viinyëtuu ‑gbakäma, ‑bɛ 'äa 'kpɔ 'nyɩa' 'lɩbɩa 'ämäa' tʋ nɩ, 'asɩ 'ana 'mʋgbɛ bä. 'Ama 'nyɩ 'mɩ 'lɩ ‑a kʋ 'anyɩ 'lɩ ‑a bɩa 'amä tʋ.

Filipënyüü 3:9

‑bɛ 'nyaa 'ɔɔn 'mä 'doo bä. Ima bäsaa nɩ, 'Kriisëa plɛtorokʋ 'lɩ 'n ‑gääläklɩ, ‑maa ‑mää ‑dɔa 'lɩträäräkʋ 'lɩ ‑a. Nyɔsʋaaplɛtorokʋ Nyɔsʋa 'jää 'kä 'ɔ ‑nyɛɛ 'klɩgägäkʋ.

Rɔmënyüü 8:14

Nyüülü kä 'fɩɔ Nyɔsʋaa ‑Susu 'tierea' 'üü bä Nyɔsʋaa 'jü.

1 Korɛɛntënyüü 15:22

'Sɩrɩ nyüülü kä 'fɩɔ bäa' Adaan 'lɩ ü jäa' nɩ, 'asɩ nyüülü kä 'fɩɔ bäa' 'Kriisë 'lɩ 'mä bɩa 'kuaabre sɔ.

Galaatënyüü 5:16

'Ii känyrɩ, ‑jäsɩ 'n ‑gbalaa' 'amɩ nɩ: 'Ba 'cɛrɛ 'Nyüna ‑Susu ‑wälɩ 'umä 'amɩ 'tiere, 'a ‑pɩ bʋbɔgbili 'ana plɛ 'bataa' nʋ.

Rɔmënyüü 8:4

'Ɔ nʋ 'imɩ 'kä wiili ‑dɔ 'paa' 'mä ana 'kläa 'mlɩ nrörö, amɔlɔ 'nyɩ 'nyɛrɛa' 'jajɛa wii ‑gälɩ, ‑maa amɔlɔ Nyɔsʋaa ‑Susu 'tierea' ana ‑gʋ.

Rɔmënyüü 8:39

'aiɛ dɛɛlɛ bäa' cɛ 'lɩ, 'aiɛ ɛ bäa' ‑tʋtʋ 'wʋ, 'aiɛ ‑fälɩa dɛɛ ‑mɩdee 'nyɩ 'lɩ ‑a bɩa i 'ba amɩ Nyɔsʋaa ‑wawakʋlʋ 'ɔ sraraa' amɩ ana 'Pläkänyɔɔ Jesu 'Kriisë 'lɩ kälɩ.

Galaatënyüü 5:25

Ama 'daa ‑Susu ‑nyɩ amɩ 'klä nɩ, a cɛrɛ ‑Susu ‑wälɩ 'umä amɩ 'tiere ‑bɛ amä 'nyɛ.

Galaatënyüü 3:28

'Ii känyrɩ, ‑bakää ‑bä juifë, 'aiɛ ‑nyɩ juifë ‑bä, ‑geei bä o, ‑nyɩ ‑geei bä o, nyɩbɛrʋ 'aiɛ 'ŋlʋʋ o, 'ana 'fɩɔ bä nyüü 'doo 'Kriisë Jesu 'lɩ.

Jaan 14:20

'A 'ia 'taɩn 'lɩ 'amä 'saa jre 'sɩrɩ 'n bäa' 'na Tʋ 'lɩ, ‑bɛ 'a bäa' 'mɩ 'lɩ, ‑bɛ 'na 'mʋgbɛ bäa' 'amɩ 'lɩ.

Rɔmënyüü 7:20

‑Bɛ ama nʋ wiili 'nyɩ 'bataa' nɩ, ‑mää 'mɔɔ ‑kanyɩ nʋ 'iin 'la! ‑Balʋlʋ bäa' 'mɩ 'lɩ nɩ, 'uu nö 'imɩ.

Rɔmënyüü 7:17

'Ii känyrɩ ‑mää 'mɔɔ 'nyɩ nʋ 'imɩ, ‑maa ‑balʋlʋ bäa' 'mɩ 'lɩ, 'uu nö 'iin.

2 Korɛɛntënyüü 12:2

'N jre nyɔɔ 'doo bäa' 'Kriisë 'lɩ, 'ia ‑sɩ ‑pʋ ‑sɩ mlɔɔ Nyɔsʋa 'jrara 'ɔɔn 'jraraa ‑nyɛɛ cɛɩɩa 'fɩɔa 'wli 'klɩ, ‑bɛ 'sɩrɩ 'ɔ bäa' nyɔɔ 'asɩ 'ɔ bä, 'aiɛ 'ɔa ‑susu 'uu 'jrara, 'nyɩ 'iin jre ‑a jre, Nyɔsʋa 'ɔ jre 'iin.

Rɔmënyüü 16:7

'Ba 'trɛɛ 'na napio 'klɩa nyüü Andronikë nyra Jonia 'ü nyra 'üün kɔsɔ paa' ‑jie. Apotrë 'ü bä, 'ü jre 'üa 'jrʋpa ‑gböösa, 'üü ‑kätɩ jre 'Kriisë 'fɩɔwʋ 'nyaa 'mä 'lɩtroro.

Rɔmënyüü 16:3

'Ba 'trɛɛ Prisëka nyra Akilasë; 'na 'jrʋpawʋfɛɛrɛnyüü Jesu 'Kriisë 'lɩ.

Rɔmënyüü 5:16

Dɛɛlɛ Nyɔsʋa ‑nyɩa' nyra wiili jräa' 'lɩ nyɔɔ 'dooa ‑balʋa ‑gʋ 'nyɩ dɛɛ 'dee ‑a bä. Nyɔɔ 'dooa ‑balʋa ‑gʋ Nyɔsʋa nɩnɩa anyɩ ‑gä ‑a kä; 'ia ‑gʋ a bä 'pɔnɩnyüü. ‑Maa ‑balʋ 'kɔkɔmlɛ 'mä nrörökalɩ mi nɩ, Nyɔsʋa ‑nyɩ nyüü 'klɩgägäkʋ 'flɛɛlɩ.

Rɔmënyüü 8:2

'Be 'Nyüna ‑Susua ‑dɔlʋ ‑nyɛɛa' 'klä 'Kriisë Jesu 'lɩ 'ba 'mɩ ‑balʋ nyra jäjäkʋa ‑dɔa mlɩ.

Rɔmënyüü 8:9

‑Maa 'amɔlɔ nɩ, ‑mää 'jajɛ 'nyɩ 'tiere 'amɩ, 'be Nyɔsʋaa ‑Susu bä 'amɩ 'lɩ. Nyɔɔ ma 'nyɩ 'Kriisëa ‑Susua 'klaa, 'ɔnyɩ 'ɔa nyɔɔ ‑a bä.

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

Galaatënyüü 3:26

'Ana 'fɩɔ 'a Nyɔsʋaa 'jü bä Jesu 'Kriisëa plɛtorokʋa ‑gʋ.

Ɛfɛsënyüü 1:1

'Mɔɔ 'Pɔɔlë bäa' Jesu 'Kriisëa apotrë 'sɩrɩ Nyɔsʋa 'bataa', 'mɔɔ ‑jɩjraa' 'amɩ 'wʋ, 'amɔ 'nyünanyüülü kʋa' Ɛfɛsëbätä, 'amɔ toroa' Jesu 'Kriisë plɛ.