Rɔmënyüü 7:6 - Kuö Dëdrä Jenɛɛsë Rutë

⁶ ‑Maa dɛɛlɛ a kʋa' ‑plɩɩ ‑gälɩ nɩ, ‑dɔ ‑kanyɩ amɩ ‑gälɩ ‑a bä, 'be anya 'a jä. 'Ii känyrɩ ‑Susua 'kamakʋ dëdrä 'lɩ a ‑fɛɛɛrɛ Nyɔsʋaa 'jrʋpa. 'I ‑kanyɩ ‑kätɩdɔa 'kamakʋ 'lɩ ‑a bä.

Rɔmënyüü 7:6 Referans Kwoze

2 Korɛɛntënyüü 3:6

'Ɔɔ nʋ 'iin 'a 'ia ‑gʋ a 'mrɛɛ amä kuö dëdräa 'jrʋpafɛnyüü bä. ‑Mää ‑dɔlʋ ‑jɩjraa' ‑gälɩ 'ia kuölä 'nyɩ pɩara, Nyɔsʋaa ‑Susu ‑gälɩ 'ä pɩara. 'Be ‑dɔlʋ ‑jɩjraa' 'blaa, ‑maa Nyɔsʋa ‑Susu ‑nyɛɛɛ 'klä.

Rɔmënyüü 7:4

'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

Rɔmënyüü 6:4

‑Bɛ 'a 'nɩwlipapakʋ 'lɩ a nyra 'Kriisë järä 'wʋ, 'ünya ‑träärä amɩ ‑pɩɔ 'doo 'wʋ. 'Ü 'pa amɩ 'nɩwli amä 'klä dëdrä ‑gälɩ 'nyɛrɛ 'sɩrɩ Tʋa 'wliklɩbʋabʋakʋ 'lɩ 'ɔ 'baa' 'Kriisë jäjänyüüa ‑tɔrʋpɩɔ.

Galaatënyüü 3:13

'Kriisë 'ba amɩ ‑dɔa busukʋ ‑gälɩ; busukʋlʋ nëmä ɩa' amɩ ‑gälɩjrä nɩ, 'ɔɔ 'u jrä ‑gälɩ. 'Be nyɔsʋapɔɔkʋ nɩnɩa: «Nyɔɔ o nyɔɔ nëmäa' tuu ‑gälɩ järä, abɩa busukʋ jrä 'ɔɔn ‑gälɩ».

Kolɔɔsënyüü 3:10

'anya dɔrɔ nyɔɔ dëdräa ‑gbi 'wʋ. Nyɔɔdëdrälɔ nɩ, 'ɔ 'cici 'ɔa bobowlia 'doo 'ɔmä 'ɔa Nʋnʋnyɔɔ jajra.

Galaatënyüü 6:15

'Be ama bä Jesu 'Kriisë 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa ibäa' wii nɩ, 'ii bä: abɩa Nyɔsʋa 'patä ɔ nʋ amɩ.

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Rɔmënyüü 6:22

‑Maa dɛɛlɛ a kʋa' ‑plɩɩ ‑gälɩ nɩ, 'anya 'a ‑balʋ mlɩ sɔ, 'anya 'a Nyɔsʋaa ‑goou bä. 'A tʋä 'bölö 'nyɩa' ‑fre pa, 'ii 'tiere 'amɩ 'nyüna 'kläa 'mlɩ ‑bɛ 'amä 'klälä 'nyɩa' blöröfa kä 'jä.

2 Korɛɛntënyüü 5:17

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

Rɔmënyüü 7:1

'Na ‑wlajü 'amɩ, 'anyɩ 'saa ‑a jre ‑maa nyɔɔ ‑kaaŋlʋa' 'jä nɩ, ‑dɔ ‑ka 'kama 'ɔɔn? 'Be ‑dɔjrenyüü 'n 'pala wii ‑gba.

Rɔmënyüü 6:2

'Klaaklä! Anya 'a jä. 'Ii känyrɩ anya 'a ‑balʋa mlɩ 'wʋ. ‑Asɩ a ‑ka 'mä ‑balʋ mlɩ kʋ le?

Rɔmënyüü 6:19

'Ana 'nunukʋ klalɩ, 'a 'ia ‑gʋ 'n 'paa 'saa wii. 'A 'saa' 'klɩ nɩ, 'a nrörö 'ana fugba ‑frepadiia ‑geei 'lɩ ‑bɛ ‑balʋ 'tiere 'amɩ ‑balʋ 'lɩ. 'Ba nrörö ‑mlatɩ 'ana fugba 'klɩgägäkʋa ‑geei 'lɩ ‑bɛ i 'tiere 'amɩ 'klälä 'nyɩa' ‑fre paa 'mlɩ.

Rɔmënyüü 6:11

'Ii känyrɩ nɩ, 'ama 'jä ‑balʋ nɩ, 'ba 'jä 'ana nyüfë ‑beere jäjänyüü, ‑bɛ 'anya Jesu 'Kriisë ana 'Pläkänyɔɔ ‑maa' nɩ, 'ba bä 'lɩbänyüü Nyɔsʋaa ‑gʋ.

Rɔmënyüü 1:9

Nyɔsʋa 'jää 'mɩ 'wʋ, 'ɔɔlɔ kä ‑gʋ 'n nöa' 'na plɛa 'fɩɔ ‑bɛ 'n 'salɩ 'ɔa 'Jʋa 'Mʋfagogo. 'Ɔ jre 'iin 'sɩrɩ 'n 'paaa' 'plɔʋplɔʋ 'ana ‑gä plɛ,

Filipënyüü 3:3

'Be amɔ bä 'tasɩrɩa 'bölönyüü, ‑Susu 'uu jö amɩ ‑gba ‑bɛ a bibie Nyɔsʋa, anya ‑tʋ ana plɛa 'fɩɔ Jesu 'Kriisë 'lɩ, ‑maa ‑mää 'jajɛ anyɩ toroplɛ.

Rɔmënyüü 7:2

‑Dɔ nɩnɩa 'ŋlʋʋ 'tia' 'ɔa dʋɔ ‑kaaŋlʋa' jä nɩ, 'ɔ ‑ka bä 'ɔa 'ŋlʋʋ. ‑Maa 'ɔa dʋɔ ma jä nɩ, ‑dɔlʋ kpasra ɩa' 'ŋlʋʋlɔ 'ɔa dʋɔ ‑gba ‑kanyɩ 'lɩ ‑a kälä.

Ɛfɛsënyüü 4:24

'Ba 'sroo nyɔɔdëdrälɔ Nyɔsʋa nʋa' 'klɩgägäkʋ 'lɩ nyra 'nyünaklälä sɔa' 'cɩcasa 'lɩ.