Rɔmënyüü 7:4 - Kuö Dëdrä Jenɛɛsë Rutë

⁴ 'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

Rɔmënyüü 7:4 Referans Kwoze

1 Piɛɛrë 2:24

'Ɔa 'mʋgbɛ dɔrɔ ana ‑balʋ 'wʋ 'ɔnya ‑gbötö 'uun 'ɔa 'jajɛ 'lɩ krʋa ‑gälɩ, 'kä ‑balʋa ‑gʋ nɩ, amä ‑beere jäjänyüü, ‑bɛ 'klɩgägäkʋa ‑gʋ nɩ, amä 'lɩbänyüü bä. 'A 'ɔa ‑gbaa 'lɩgaglakʋ 'lɩ 'a 'pʋɔlɔ.

Rɔmënyüü 8:2

'Be 'Nyüna ‑Susua ‑dɔlʋ ‑nyɛɛa' 'klä 'Kriisë Jesu 'lɩ 'ba 'mɩ ‑balʋ nyra jäjäkʋa ‑dɔa mlɩ.

Ɛfɛsënyüü 2:15

'ɔa fugbaa 'mlɩ. 'Ɔ 'balɩ Moisëa ‑Dɔ nyra 'ua 'kamakʋ nyra 'ua ‑dɔ, 'kä 'ɔmä 'iia 'sɔɔlʋ ‑bɛ 'ɔɔn nyɔɔ dëdrë 'lɩnrörö, 'asɩ 'ɔ nʋ fugbalɩa flɛrɛkʋ;

Rɔmënyüü 7:6

‑Maa dɛɛlɛ a kʋa' ‑plɩɩ ‑gälɩ nɩ, ‑dɔ ‑kanyɩ amɩ ‑gälɩ ‑a bä, 'be anya 'a jä. 'Ii känyrɩ ‑Susua 'kamakʋ dëdrä 'lɩ a ‑fɛɛɛrɛ Nyɔsʋaa 'jrʋpa. 'I ‑kanyɩ ‑kätɩdɔa 'kamakʋ 'lɩ ‑a bä.

Galaatënyüü 5:18

‑Maa ima 'daa ‑Susu 'tiere 'amɩ nɩ, 'a ‑kanyɩ ‑dɔa ‑goou ‑a bä.

Kolɔɔsënyüü 1:22

‑Maa 'köklesaplɩɩ ɔ nɩ, 'ɔa 'Jʋlɔ 'ɔ nröröa' nyɔɔ 'lɩ nɩ, 'ɔa jäjäkʋ 'lɩ 'ɔ ‑srörö 'ɔ nyra 'amɔ nya 'nönröwli, 'amä 'ɔa 'klʋɩ 'nyüglö 'sɩrɩ 'a bäa' nyüülü kä 'nyü 'naa' ünyɩa' bʋbɔdɛɛ ‑gba kä, ü wii ‑nëmäa' 'kpla.

Rɔmënyüü 6:22

‑Maa dɛɛlɛ a kʋa' ‑plɩɩ ‑gälɩ nɩ, 'anya 'a ‑balʋ mlɩ sɔ, 'anya 'a Nyɔsʋaa ‑goou bä. 'A tʋä 'bölö 'nyɩa' ‑fre pa, 'ii 'tiere 'amɩ 'nyüna 'kläa 'mlɩ ‑bɛ 'amä 'klälä 'nyɩa' blöröfa kä 'jä.

Galaatënyüü 3:13

'Kriisë 'ba amɩ ‑dɔa busukʋ ‑gälɩ; busukʋlʋ nëmä ɩa' amɩ ‑gälɩjrä nɩ, 'ɔɔ 'u jrä ‑gälɩ. 'Be nyɔsʋapɔɔkʋ nɩnɩa: «Nyɔɔ o nyɔɔ nëmäa' tuu ‑gälɩ järä, abɩa busukʋ jrä 'ɔɔn ‑gälɩ».

Rɔmënyüü 6:14

'be ‑balʋ ‑ka ‑nëmä 'amɩ 'klü ‑gälɩ ‑a kälä. ‑Dɔ ‑kanyɩ 'kama 'amɩ ‑a, ‑maa Nyɔsʋaa ‑gbinanakʋ 'uu 'kama 'amɩ.

Kolɔɔsënyüü 2:14

'Ɔ 'balɩ ‑pɔɔkʋlʋ ‑tʋ ɩa' amɩ wii ‑gälɩ 'be anyɩ ‑träärä kä 'lɩ Nyɔsʋaa ‑dɔ ‑a. 'Ɔ kolo 'uun krʋa ‑gälɩ, 'asɩ 'ɔ nʋ 'ua 'lɩbadɛɛ.

Kolɔɔsënyüü 1:10

'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

'Nyügälɩjawii 19:7

A 'kpö dɔrʋsa, a srara ana dɔrʋ 'kä a 'bʋala 'ɔɔn, 'be ‑Bablëëjʋa 'titisrɩ 'a 'lɩjrä; 'ɔa 'ŋlʋʋ ‑ëlere!

Rɔmënyüü 6:2

'Klaaklä! Anya 'a jä. 'Ii känyrɩ anya 'a ‑balʋa mlɩ 'wʋ. ‑Asɩ a ‑ka 'mä ‑balʋ mlɩ kʋ le?

Kolɔɔsënyüü 2:20

'A nyra 'Kriisë 'sɔ järä 'wʋ, ‑dɔlʋ kä 'fɩɔ ‑pɩ ‑tʋtʋ ‑gälɩa nyüü ‑tʋa' 'lɩ nɩ, 'anya 'a 'uun mlɩ 'wʋ. Dɛplɛɛ kä ‑gʋ 'a ‑ka 'cɛrɛ 'ana nyüfë ‑wälɩ ‑bɛ 'ü nö 'saa 'ü ‑ka ‑tʋʋä 'amɩ 'ia ‑dɔlʋ ‑gälɩ, ‑beere 'sɩrɩ ana 'klä ‑ka bäa' ‑taa 'plälä kälɩ le; ibäa':

Kolɔɔsënyüü 1:6

'A 'Mʋfagogolä 'tɔa' 'amɩ ‑gba, ‑bɛ 'ää ‑gbaala 'pläa 'fɩɔa 'mlɩ 'kä. 'Ä 'paplagälɩ ‑bɛ 'ä ‑gbagbla 'lɩ 'klɩ kä. 'Asɩ 'i bä bɩa 'ana ‑tɔrʋpɩɔ, 'bala ‑srɩlɩ kä 'mlɩ 'a 'nua' ‑bɛ 'a jrea' Nyɔsʋaa ‑gbinanakʋa 'cɩcasa 'lɩ.

Filipënyüü 4:17

‑Mää 'sɩrɩ 'n 'bataa' 'crɛrɛdii ‑a, ‑maa dɛɛlɛ 'n 'bataa', 'iibä 'jrʋpalä 'a ‑fɛɛɛa' nɩ, 'ba 'järä 'lɩ ‑gälɩa 'doo.

Jaan 3:29

Nyɔɔlɔ jaa' 'ŋlʋʋ 'sruwʋ 'ɔɔ bä 'ɔa dʋɔ. Dʋɔa ‑beilɔ kʋa' ‑plɩɩ ma po 'ɔɔn 'nyakli, dɔrʋ 'blaa 'ɔmɩ. 'Asɩ dɔrʋ 'si bɩa 'mɩ 'klɩ.

Matiö 26:26

'Ü ‑ka jö ɩ dɛɛ Jesu nya dɔrɔ 'flɔɔ 'wʋ; 'ɔ bɩaa' Nyɔsʋa 'tɛtrɛɛkʋ, 'ɔnya 'böblö 'uun ‑tɩa 'ɔnya ‑nyɩ 'ümɩ 'uun; 'ɔ ‑nëma: «'Ba dɔrɔ 'uun 'wʋ, 'ba ji 'uun, 'na fugba bäsaa.»

'Nyügälɩjawii 21:9

'Aanjë ‑uunsɔɔlü 'klaa ɩa' ‑köwü ‑uunsɔɔlü 'sia' dɛrɩtäpaa busukʋ ‑uunsɔɔ 'klɩ nɩ, 'üa ‑tɔrʋpɩɔa 'doo nya ji 'na 'pɛlɩ 'ɔ ‑nëma: «Ji 'mä ‑mɩ 'ŋlʋʋlɔ 'tiea' srara, ‑Bablëëjʋa 'ŋlʋʋ.»

Ebröönyüü 10:10

Wiili Nyɔsʋa 'bataa' 'ii Jesu 'Kriisë nʋ, 'ɔ 'sa 'ɔa fugbaa ‑gbɔ 'wʋ 'doo 'wʋ 'plɔʋplɔʋa ‑gʋ; 'ɔnya kpëtä ana ‑balʋ.

2 Korɛɛntënyüü 11:2

'N kä 'ana wasä, ‑bɛ 'ia ‑wawakʋlʋ nɩ, Nyɔsʋaa ‑wawakʋ bäsaa; 'be dʋɔ 'doo 'n tɛrɛ 'amɩ 'ɔɔ bä 'Kriisë; 'mä 'amɩ 'ɔɔn srara ‑beere 'ŋlëkaplö ‑kaaŋlʋa' nyɩbɛrʋ jre.

1 Korɛɛntënyüü 10:16

'Nɩpaköwölä kä ‑gʋ a 'trɛɛa' Nyɔsʋa nɩ, 'änyɩ nrörö amɩ 'doo 'lɩ 'Kriisëa ‑toru 'lɩ ‑a? ‑Bɛ 'flɔɔlʋ a ‑päpläa' 'lɩ nɩ, 'unyɩ nrörö amɩ 'doo 'lɩ 'Kriisëa 'jajɛ 'lɩ ‑a?

Jaan 15:8

'Ama tʋ ‑gböösa nɩ, 'anya 'na 'wʋnyɛrɛnyüü bäa. 'Iibä 'na Tʋa 'wliklɩ 'bʋalakʋ.

Jaan 6:51

'Mɔɔ bä 'flɔɔlʋ sɔa' cɛlɩ, u ‑nyɛɛa' 'klä. Nyɔɔ ma ji 'uun, 'ɔnya 'klälä 'nyɩa' blöröfa kä 'jäa. ‑Bɛ 'flɔɔlʋ 'nëmäa' 'ɔɔn ‑nyɩ nɩ, 'na 'jajɛ bäsaa, 'ɛɛ 'nëmä ‑nyɩ 'pläa 'kläa ‑gʋ.»

Marëkë 4:20

‑Maa i böblöa' 'mʋfa ‑tʋtʋ ‑gälɩ nɩ, 'a nyüülü 'nöa' nyɔsʋaawii 'wli ‑bɛ 'ü toroa' 'iin plɛ. ‑Gö 'döö tʋä ‑glʋ ‑bɛ ‑pʋ (30), ‑mölöö tʋä ‑glʋɩtää (60) ‑bɛ ‑mölöö tʋä ‑glʋɩgböö (100).»

Rɔmënyüü 6:11

'Ii känyrɩ nɩ, 'ama 'jä ‑balʋ nɩ, 'ba 'jä 'ana nyüfë ‑beere jäjänyüü, ‑bɛ 'anya Jesu 'Kriisë ana 'Pläkänyɔɔ ‑maa' nɩ, 'ba bä 'lɩbänyüü Nyɔsʋaa ‑gʋ.

Rɔmënyüü 7:3

'Ii känyrɩ 'ɔa dʋɔ ma ‑ka bälɩ ‑bɛ ɔma kä nyɔɔ ‑moloo nɩ, bätësapaŋlʋʋ 'ümä 'ɔɔn 'dara. ‑Maa 'ɔa dʋɔlɔ ma jä nɩ, ‑dɔ ‑kanyɩ 'ɔɔn 'klü ‑gälɩ ‑a kälä. Ɔma kä nyɔɔ ‑moloo nɩ, ‑mää bätësa 'nyɩ 'saabä.