Rɔmënyüü 7:18 - Kuö Dëdrä Jenɛɛsë Rutë

¹⁸ 'N jre 'iin 'sɩrɩ 'cɩcasa 'nyɩa' 'mɩ 'lɩ bä, 'na 'jajɛ 'n 'daa. 'N 'bata 'cɩcasaa nʋnʋkʋ 'mʋfasa, ‑maa 'nyɩ 'ia 'klü ‑a kä.

Rɔmënyüü 7:18 Referans Kwoze

Jaan 3:6

Dɛɛlɛ nyɔɔ ‑gua' bä nyɔɔa dɛɛ, ‑maa ‑mɛlɛ ‑Susu ‑gua' bä ‑susua dɛɛ.

Galaatënyüü 5:17

'Be bʋbɔgbili käa' plɛ 'tʋ nɩ, ‑mää 'iin 'nyɩ ‑Susu 'tʋkä. ‑Bɛ ‑mɩlɩ käa' ‑Susu 'tʋ nɩ, ‑mää 'iin plɛ 'nyɩ plɛ 'tʋkä. 'Ü jajranyüüa 'mlɩ, 'kä wiili 'a 'bataa' 'a ‑pɩ 'iin nʋ.

Rɔmënyüü 7:25

'N ‑srörö ana 'Pläkänyɔɔ Jesu 'Kriisë kälɩ 'nyaa 'trɛɛ Nyɔsʋa! 'Ii känyrɩ, 'mɔɔlɔ nɩ, 'na bobowlia 'mlɩ Nyɔsʋaa ‑dɔa ‑geei 'n bä; ‑maa 'na 'jajɛa 'pɛlɩ nɩ, ‑balʋa ‑dɔa ‑geei 'n bä.

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

Filipënyüü 2:13

'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.

Jenɛɛsë 6:5

Yawe 'jäa' nyüü ‑bɛ 'ü nöa' ‑balʋ 'kɔkɔmlɛ ‑tʋtʋ ‑gälɩ, ‑bɛ wiili kä 'fɩɔ 'üa plɛ boboa' falaa' ‑balʋa 'dooa 'pɛlɩ nɩ,

Titë 3:3

Ana 'mʋgbɛlü nɩ, anyɩ kä 'lɩ ‑a ‑gla, a ma blajra, 'mɔlɔnyüü a ma bä. Dɛɛnyü nyra bʋbɔdiili käa' ana plɛ 'tʋ 'ia ‑goou a ma bä. Plɛbʋbɔkʋ nyra ‑wasägbi 'lɩ a ma kʋ, nyüü ma jrara amɩ 'nyüamlɩ ‑bɛ a ma jrajranyüamlɩ.

Rɔmënyüü 7:19

‑Jäsɩ 'i nʋa' nɩ, 'cɩcasalä 'n 'bataa' ‑mää 'ään 'nyɩ nʋ; ‑maa ‑balʋlʋ 'nyɩ 'bataa' 'uu 'n nö.

Rɔmënyüü 7:15

Diili 'n 'nöa' 'nyɩ 'nu 'imɩ 'wli ‑a: 'be dɛɛlɛ 'n 'bataa' ‑mää 'ɛɛn 'nyɩ nʋ, ‑maa ‑mɛlɛ 'n jraraa', 'ɛɛ 'n nö.

Matiö 15:19

Nyɔɔa plɛklɩ, 'ii ‑balʋwiia bobokʋ sɔ: nyüübablakʋ, bätësa, ‑sagbili Nyɔsʋa 'nyɩ 'bataa', 'jejiekʋ, nyɔɔa ‑gbagblɛ ‑gälɩtʋtʋkʋ nyra nyüüa bʋbɔnyrɩa 'papakʋ.

Jenɛɛsë 8:21

Yawe nya 'kʋɛɛ ɩa' 'mʋfa 'nɔnʋ, 'ɔa plɛklɩ 'ɔ ‑nëma: «'N ‑ka ‑nëmä ‑tʋtʋ ‑a busu nyɔɔa ‑gʋ, 'be kolo 'ɔa ‑sëgbadɛɛ 'lɩ 'kä nɩ, wiili 'ɔa plɛ 'bataa' 'i bʋbɔ. 'N ‑ka ‑nëmä diili kä 'fɩɔ bäa' 'lɩ ‑a ‑gblooo, ‑beere 'sɩrɩ 'n nʋa' ‑plɩɩ.

1 Piɛɛrë 4:2

'Ii känyrɩ, 'taɩnlɩ tɩɔa' 'lɩ 'amɩ ‑pɩ ‑tʋtʋ ‑gälɩ nɩ, 'anyɩ prɛ nyüüa bʋbɔ ‑wawadii dɛrɩ; 'ba prɛ wiili Nyɔsʋa 'bataa' dɛrɩ.

Filipënyüü 3:12

‑Mää 'sɩrɩ 'nyaaa' dɛɛlɛ 'n 'bataa' 'jä ‑a, 'aiɛ 'sɩrɩ ‑balʋ 'nyɩa' 'mɩ 'lɩ bä ‑a; ‑maa 'n ‑ka fɔ 'mä 'pɛpɛɛdɛɛ fa. 'A 'ia ‑gʋ Jesu 'Kriisë 'kpla bɩa 'mɩ.

Lukë 11:13

'Amɔ kä plɛ bʋbɔa', 'a jre 'ana 'jüa 'mʋfadiia ‑nyɩnyɩkʋ. ‑Maa 'ana Tʋlɔ bäa' cɛlɩ 'ɔɔ ‑nëmä 'Nyüna ‑Susu nyüülü ‑sɛɛɛa' 'ɔmɩ 'uun ‑nyɩ!»

Rɔmënyüü 13:14

‑Maa 'ba pa 'Pläkänyɔɔ Jesu 'Kriisë 'lɩ ‑beere 'kotu, 'anyɩ bobo 'nɩmɩ bʋbɔgbili käa' plɛ 'tʋ 'kä 'amä 'ana plɛ 'wʋ 'cie.

Rɔmënyüü 7:5

'Taɩn 'lɩ a nʋa' bʋbɔgbili käa' 'ana plɛ 'tʋ nɩ, ‑dɔ tɛrɛ ‑balʋa 'tʋ 'kä ana 'kläa 'fɩɔa 'mlɩ amä jäjäbü tʋ.