Rɔmënyüü 6:6 - Kuö Dëdrä Jenɛɛsë Rutë

⁶ A jre 'iin 'sɩrɩ 'ɔɔ ‑bɛ ana ‑kätɩnyɔɔ koloa' ‑pɩɔ 'doo 'wʋ. 'Ii känyrɩ ‑taa ‑balʋfugbalä kä 'ämä bʋblɔ a ‑kapɩ ‑balʋa ‑goou bä.

Rɔmënyüü 6:6 Referans Kwoze

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

Ɛfɛsënyüü 4:22

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

Galaatënyüü 6:14

'Mɔɔlɔ nɩ, 'nyɩ 'bata 'na nyufaa srarakʋ ‑a, ima 'nyɩ ana 'Pläkänyɔɔ Jesu 'Kriisëa krʋaa ‑gʋ ‑a bä. 'Äa ‑gʋ 'pläa 'mlɩa diia 'fɩɔ ‑beere jäjädii 'na 'klɩ. ‑Bɛ 'na 'mʋgbɛ 'n ‑beere jäjänyɔɔ 'pläa 'mlɩa diia 'klɩ.

Kolɔɔsënyüü 3:5

'Ii känyrɩ, 'ba fio diili kä 'fɩɔ bäa' ‑pɩ ‑tʋtʋ ‑gälɩa dii, ibäa' 'amɩ 'lɩa, 'ia ‑gʋ: ‑sagbili Nyɔsʋa 'nyɩ 'bataa', ‑gbili plaa' nyɔɔ ‑fre 'lɩ, dɛɛnyükäkäkʋlʋ bäa' 'nyüsü 'wʋ ‑bɛ u bʋbɔa', nyra diili 'anyɩa' kä 'ia dɛɛnyükäkäkʋ; 'iibä ‑wäsɩa ‑pʋpʋakʋ.

Rɔmënyüü 8:13

'be 'ama nʋ wiili 'ana 'jajɛ 'bataa' nɩ, 'anya jäa. ‑Maa Nyɔsʋaa ‑Susu ma ji 'amɩ ‑gba ‑bɛ 'ama 'bla wiili 'ana fugba 'bataa' nɩ, 'anya 'klä 'jäa.

Rɔmënyüü 6:22

‑Maa dɛɛlɛ a kʋa' ‑plɩɩ ‑gälɩ nɩ, 'anya 'a ‑balʋ mlɩ sɔ, 'anya 'a Nyɔsʋaa ‑goou bä. 'A tʋä 'bölö 'nyɩa' ‑fre pa, 'ii 'tiere 'amɩ 'nyüna 'kläa 'mlɩ ‑bɛ 'amä 'klälä 'nyɩa' blöröfa kä 'jä.

Rɔmënyüü 6:12

'Anyɩ 'cɛrɛ ‑balʋ ‑wälɩ 'unyɩ kälä 'ana fugbalä 'mäa' ‑srɩɩ jä 'klü ‑gälɩ, ‑bɛ 'anyɩ 'dara 'äa dɛɛnyükäkäkʋ wii.

Rɔmënyüü 7:14

A jre 'iin 'sɩrɩ Nyɔsʋa ‑tʋa' 'lɩ ‑dɔ. ‑Maa 'mɔɔlɔ nɩ, 'jajɛ 'n bä 'nyaa bä ‑balʋ kälɩ.

2 Korɛɛntënyüü 5:14

'Kriisëa ‑wawakʋ 'tuto amɩ, 'be anya 'a 'nu 'sɩrɩ nyɔɔ 'doo ma jäa' nyüüa 'fɩɔa ‑gʋ nɩ, 'iibä nyüüa 'fɩɔ jä.

Titë 3:3

Ana 'mʋgbɛlü nɩ, anyɩ kä 'lɩ ‑a ‑gla, a ma blajra, 'mɔlɔnyüü a ma bä. Dɛɛnyü nyra bʋbɔdiili käa' ana plɛ 'tʋ 'ia ‑goou a ma bä. Plɛbʋbɔkʋ nyra ‑wasägbi 'lɩ a ma kʋ, nyüü ma jrara amɩ 'nyüamlɩ ‑bɛ a ma jrajranyüamlɩ.