Rɔmënyüü 6:4 - Kuö Dëdrä Jenɛɛsë Rutë

⁴ ‑Bɛ 'a 'nɩwlipapakʋ 'lɩ a nyra 'Kriisë järä 'wʋ, 'ünya ‑träärä amɩ ‑pɩɔ 'doo 'wʋ. 'Ü 'pa amɩ 'nɩwli amä 'klä dëdrä ‑gälɩ 'nyɛrɛ 'sɩrɩ Tʋa 'wliklɩbʋabʋakʋ 'lɩ 'ɔ 'baa' 'Kriisë jäjänyüüa ‑tɔrʋpɩɔ.

Rɔmënyüü 6:4 Referans Kwoze

2 Korɛɛntënyüü 5:17

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

Kolɔɔsënyüü 3:10

'anya dɔrɔ nyɔɔ dëdräa ‑gbi 'wʋ. Nyɔɔdëdrälɔ nɩ, 'ɔ 'cici 'ɔa bobowlia 'doo 'ɔmä 'ɔa Nʋnʋnyɔɔ jajra.

Rɔmënyüü 7:6

‑Maa dɛɛlɛ a kʋa' ‑plɩɩ ‑gälɩ nɩ, ‑dɔ ‑kanyɩ amɩ ‑gälɩ ‑a bä, 'be anya 'a jä. 'Ii känyrɩ ‑Susua 'kamakʋ dëdrä 'lɩ a ‑fɛɛɛrɛ Nyɔsʋaa 'jrʋpa. 'I ‑kanyɩ ‑kätɩdɔa 'kamakʋ 'lɩ ‑a bä.

1 Piɛɛrë 3:21

'Nie 'klɩ ‑srörökʋlʋ bä 'nɩwlipapakʋa 'pike, 'ii 'pʋɔ amɩ 'saarɩ. ‑Mää ana fugbaa ‑gba ‑a ‑fre 'babakʋ ‑a, ‑maa 'nyünaplɛa Nyɔsʋaa ‑nyɩnyɩkʋ bäsaa. Jesua 'Kriisëa 'kuaabrea sɔsɔkʋ 'lɩ a 'wʋlɩmlɩ.

Rɔmënyüü 6:9

A jresaa 'Kriisë sɔa' 'kuaabre 'ɔ ‑ka ‑nëmä jä ‑a jä; jäjä ‑kanyɩ 'ɔɔn 'klü ‑gälɩ ‑a kälä.

2 Korɛɛntënyüü 13:4

‑Yɛɛ, 'ɔa 'fʋmakʋa ‑gʋ 'ɔ järä krʋa 'klɩ, ‑maa 'ɔ bälɩ Nyɔsʋaa 'klüa 'nyrɩklɩ. Ana 'mʋgbɛ a nyra 'ɔɔn bäa' 'doo nɩ, a 'fʋma bɩa, ‑maa Nyɔsʋa 'klüa 'nyrɩklɩ nɩ, a nyra 'ɔɔn nya 'lɩbäa ana nʋnʋgbia 'mlɩ 'ana 'pɛlɩ.

Rɔmënyüü 6:3

‑Ale 'anyɩ 'iin jre ‑a jre 'sɩrɩ 'nɩlɩ 'ü 'paa' ana 'fɩɔ 'wli Jesu 'Kriisë 'lɩ bäa' 'ɔa jäjäkʋa 'nɩwlipapakʋ?

1 Jaan 2:6

Nyɔɔlɔ 'daa ‑maa 'ɔ bä 'ɔɔn 'lɩ nɩ, 'sɩrɩ 'ɔa 'mʋgbɛ 'nyɛa' nɩ, 'asɩ 'ɔ 'kä 'ɔmä bɩa 'nyɛ.

1 Korɛɛntënyüü 6:14

'Be Nyɔsʋa 'ba 'Pläkänyɔɔ jäjäa ‑tɔrʋpɩɔ, 'ɔnya bɩa 'ɔa 'klü nʋa 'kä 'ɔnya amɩ jäjäa ‑tɔrʋpɩɔ 'ba.

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

Ɛfɛsënyüü 4:17

'Ii känyrɩ, 'amɔ 'n ‑gbala ‑bɛ 'n bɔtrɔ 'iin ‑gälɩ 'kä 'Pläkänyɔɔa 'nyrɩklɩ: 'a ‑kanyɩ 'nyɛ ‑mülü 'nyɩ toroa' Nyɔsʋa plɛa 'sa. 'Üa bobowli 'nyɩ mi 'klɔɔtrʋ ‑a.

Rɔmënyüü 6:19

'Ana 'nunukʋ klalɩ, 'a 'ia ‑gʋ 'n 'paa 'saa wii. 'A 'saa' 'klɩ nɩ, 'a nrörö 'ana fugba ‑frepadiia ‑geei 'lɩ ‑bɛ ‑balʋ 'tiere 'amɩ ‑balʋ 'lɩ. 'Ba nrörö ‑mlatɩ 'ana fugba 'klɩgägäkʋa ‑geei 'lɩ ‑bɛ i 'tiere 'amɩ 'klälä 'nyɩa' ‑fre paa 'mlɩ.

Jaan 11:40

Jesu ‑nëma nɩ: «'Nyɩ ‑mɩ ‑a ‑gbala ‑maa ‑ama toro 'mɩ plɛ ‑nya Nyɔsʋa 'wliklɩbʋabʋakʋ 'jäa?»

Akëtë 2:24

Nyɔsʋa nya 'ba 'ɔɔn jäjä nyra jäjäa mɩmɩakʋ 'lɩ; jäjä nya 'nyɩ 'mrɛɛ 'ämä 'ɔɔn dɛrɩkala.

Kolɔɔsënyüü 4:1

'Amɔ 'kamanyüü 'amɩ, 'ba 'kpla 'ana ‑goou 'cɩcasa ‑bɛ abɩa 'cɩcasa bä 'ana ‑tɔrʋpɩɔ. 'Ba jresaa 'a kälä bɩa 'Kamanyɔɔ cɛ 'lɩ.

Ɛfɛsënyüü 5:8

'Jöjrüükpü 'a ma bä, ‑maa 'anya 'a ‑mlatɩ 'napɛ bä 'Pläkänyɔɔ 'lɩ. 'Ii känyrɩ, 'ba nʋ 'napɛa 'jüa 'sa;

Jaan 2:11

'A Jesua 'klɩsa ‑saragbia tielɛ ‑kätɩ 'ɔ nröröa' Kanaa, Galileea ‑tʋtʋ ‑gälɩ. 'Asɩ 'ɔ srara 'ɔa 'wli 'klɩ 'bʋabʋakʋ, 'ɔa 'wʋnyɛrɛnyüü nya toro 'ɔɔn plɛ.

Akëtë 2:32

'A Jesulɔ nɩ, 'ɔɔ Nyɔsʋa 'ba jäjäa ‑tɔrʋpɩɔ, ana 'fɩɔ nya 'jä 'ɔɔn.

Rɔmënyüü 6:8

‑Bɛ, a nyra 'Kriisë ma järä 'wʋ nɩ, a jresaa a nyra 'ɔɔn nya ‑pɩɔ 'doo 'wʋ kʋa.