Rɔmënyüü 6:22 - Kuö Dëdrä Jenɛɛsë Rutë

²² ‑Maa dɛɛlɛ a kʋa' ‑plɩɩ ‑gälɩ nɩ, 'anya 'a ‑balʋ mlɩ sɔ, 'anya 'a Nyɔsʋaa ‑goou bä. 'A tʋä 'bölö 'nyɩa' ‑fre pa, 'ii 'tiere 'amɩ 'nyüna 'kläa 'mlɩ ‑bɛ 'amä 'klälä 'nyɩa' blöröfa kä 'jä.

Rɔmënyüü 6:22 Referans Kwoze

1 Piɛɛrë 2:16

'Ba 'nyɛ 'sɩrɩ 'anyɩa' dɛɛa ‑geei bä, ‑maa 'anyɩ ‑srörö 'iin kälɩ ‑bɛ 'anyɩ ‑sisie 'ana bʋbɔgbi 'a nöa', ‑maa abɩa 'ana nʋnʋgbi srara 'sɩrɩ 'a bäa' Nyɔsʋaa 'jrʋpafɛnyüü.

Rɔmënyüü 6:18

‑Bɛ 'a sɔa' ‑balʋa 'mlɩ nɩ, 'anya 'a 'klɩgägäkʋa ‑goou nʋ.

Rɔmënyüü 8:2

'Be 'Nyüna ‑Susua ‑dɔlʋ ‑nyɛɛa' 'klä 'Kriisë Jesu 'lɩ 'ba 'mɩ ‑balʋ nyra jäjäkʋa ‑dɔa mlɩ.

Jaan 8:32

'kä 'anya 'cɩcasa jre, 'kä 'cɩcasa nya 'amɩ ‑geeidɛɛ ‑gälɩ 'ba.»

Galaatënyüü 5:13

'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa.

1 Korɛɛntënyüü 7:22

'Be ‑geeilɛ 'Pläkänyɔɔ wea' nɩ, 'ɔ ‑kanyɩ ‑geei ‑a bä. 'Pläkänyɔɔ kä 'ɛmɩ. 'Asɩ nyɔɔlɔ 'nyɩa' ‑geei bä ‑bɛ Nyɔsʋa wea' bä 'Kriisëa ‑geei.

1 Piɛɛrë 1:9

'Be dɛɛlɛ 'ana nyɔsʋaplɛ 'bata ɩa' 'ɛɛ 'a 'jää: 'iibä 'ana ‑sisi nya 'lɩmlɩwʋa.

Galaatënyüü 1:10

'N nöa' 'saa 'n 'paaa' wii nɩ, nyüü 'mä 'mɩ 'bʋalaa, ‑maa Nyɔsʋa? 'Mä nyüü 'tʋ kä, ‑ale ‑maa Nyɔsʋaa? Ama 'bata ɩ 'kä nyüü 'mä 'mɩ ‑wa nɩ, 'nëmä ɩ 'Kriisëa ‑geei ‑a bä.

Rɔmënyüü 6:14

'be ‑balʋ ‑ka ‑nëmä 'amɩ 'klü ‑gälɩ ‑a kälä. ‑Dɔ ‑kanyɩ 'kama 'amɩ ‑a, ‑maa Nyɔsʋaa ‑gbinanakʋ 'uu 'kama 'amɩ.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

Rɔmënyüü 7:4

'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

Rɔmënyüü 6:21

'Ia 'taɩn 'lɩ ‑a 'jää 'bülü 'a tʋa' le? 'Ia 'nyüsü 'blaaa' ‑mlatɩ 'amɩ 'be 'i faa' 'amɩ jäjä mlɩ.

Matiö 25:46

'Üülü nɩ, 'ümä 'pɔnɩkʋ 'jä 'plɔʋplɔʋa ‑gʋ, 'kä 'klɩgänyüü nya 'klälä 'nyɩa' blöröfa kä 'jä.»

Titë 1:1

'Mɔɔ 'Pɔɔlë, Nyɔsʋaa ‑geei nyra Jesu 'Kriisëa apotrë, 'mɔɔ ‑jɩjra. Nyɔsʋa ‑gbala 'mɩ ‑a we 'ɔa nyüülü 'ɔ 'baa' 'lɩ 'ümä nyɔsʋaplɛtoro, 'ümä 'cɩcasa jre, 'üa 'nyɛnyɛkʋ nyra 'üa nyɔsʋaplɛ 'mä dɛɛ 'dee bä.

Kolɔɔsënyüü 1:10

'Ia 'taɩn 'lɩ nɩ, 'a 'mrɛɛ 'amä 'Pläkänyɔɔ 'tʋkä wiia 'fɩɔa 'mlɩ; 'a 'mrɛɛ 'amä 'ɔa 'klʋɩ 'nyɛrɛ. 'Anya 'mʋfagbia 'kaɩn 'kaɩn nʋa ‑beere tuu ‑tʋa', 'kä 'ana nyɔsʋajejrekʋ nya ‑gälɩpapla.

Filipënyüü 4:17

‑Mää 'sɩrɩ 'n 'bataa' 'crɛrɛdii ‑a, ‑maa dɛɛlɛ 'n 'bataa', 'iibä 'jrʋpalä 'a ‑fɛɛɛa' nɩ, 'ba 'järä 'lɩ ‑gälɩa 'doo.

Filipënyüü 1:11

Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.

Ɛfɛsënyüü 5:9

'be Nyɔsʋaa ‑Susu ‑nyɛɛ ‑gbinanakʋa 'kaɩn 'kaɩn, 'klɩgägäkʋ, nyra 'cɩcasa.

2 Korɛɛntënyüü 3:17

‑Bɛ 'Pläkänyɔɔlɔ nɩ, Nyɔsʋaa ‑Susu bäsaa, ‑bɛ ‑plɩɩlɩ 'Pläkänyɔɔa ‑Susu bäa' nɩ, 'ii fugbalɩflɛrɛkʋ bä.

Rɔmënyüü 7:25

'N ‑srörö ana 'Pläkänyɔɔ Jesu 'Kriisë kälɩ 'nyaa 'trɛɛ Nyɔsʋa! 'Ii känyrɩ, 'mɔɔlɔ nɩ, 'na bobowlia 'mlɩ Nyɔsʋaa ‑dɔa ‑geei 'n bä; ‑maa 'na 'jajɛa 'pɛlɩ nɩ, ‑balʋa ‑dɔa ‑geei 'n bä.

Jaan 15:16

‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.

Jaan 15:2

Kata o kata 'maaa' 'mɩ ‑gba 'kä, ‑bɛ änyɩ tʋa' nɩ, 'ɔ 'baa 'ään 'lɩ; ‑mälä tʋäa' nɩ, 'ɔ ‑paaa 'ään 'ämä tʋ ‑gböösa.

Jaan 4:36

Nyɔɔlɔ möa' ‑gbaakalɩ, 'ü 'baalɩ 'kä 'ü ‑nyɛɛɛ 'ɔɔn, 'ɛɛ 'ɔ ‑tʋʋä ‑wälɩ 'klälä 'nyɩa' blöröfa käa ‑gʋ. 'Ia 'taɩn 'lɩ, nyɔɔlɔ ‑goooa' ‑bɛ ‑mɔlɔ 'bööa' nö dɔrʋ.

Matiö 19:29

‑Bɛ nyɔɔ o nyɔɔ ma ‑gba ‑nyɛɛ 'ɔa nyëka 'kä, 'palɩ 'ɔa ‑wlajü, ‑wlayörü, tʋ, 'yio, 'ŋlʋʋ, 'jü, 'aiɛ 'ɔa papladii, 'kä 'na 'nyrɩklɩa ‑gʋ, 'ɔnya 'iin 'wʋ ‑glʋɩgböö 'wʋ 'järäa, 'kä 'ɔnya 'klälä 'nyɩa' blöröfa kä 'jä.

Matiö 13:43

'A ‑plɩɩ 'klɩgänyüü 'mä 'üa Tʋa 'kamapläa 'mlɩ plörö ‑beere 'jrʋ. Nyɔɔlɔ käa' 'nununyakli, ɔ 'nu!

Matiö 13:40

'Sɩrɩ 'ü 'bütöa' bʋbɔsipi ‑bɛ 'ü bea' 'iin kapu 'lɩ nɩ, 'asɩ 'pläa bɩarafa 'mä ‑srɩɩ bä.

Jenɛɛsë 50:17

‹‑Jäsɩ 'a nëmä Josɛɛfë ‑gbala: 'N bibie ‑mɩ 'paʋn, cere ‑na ‑wlajüa ‑balʋ nyra 'üa bʋbɔgbi, 'kasa 'ü nʋ ‑mɩ bʋbɔgbi ‑gba, 'n bibie ‑mɩ cere ‑na tʋa Nyɔsʋaa 'jrʋpafɛnyüüa ‑balʋ!› » Josɛɛfë 'nua' 'iin 'wli nɩ, 'ɔnya 'wu.

'Nyügälɩjawii 7:13

'I ‑sia' nɩ, tagbülüa ‑tɔrʋpɩɔa 'doo nya 'bete 'mɩ: «Nyüü 'plɛɛ kʋ ‑pɩ ü pa 'pɔlɔ dii 'lɩ le? ‑Bɛ ‑a 'plɛɛa nyüü le?»

Jaakë 1:1

'Mɔɔ Jaakë, Nyɔsʋa nyra 'Pläkänyɔɔ Jesu 'Kriisëa ‑geei, 'mɔɔ ‑jɩjra 'amɩ 'wʋ, 'amɔ ‑glügbü ‑pʋ ‑bɛ 'sɔɔlü ‑gbagblaa' 'lɩ 'klɩ 'kä; 'n 'trɛɛ 'amɩ.

Kolɔɔsënyüü 4:12

'Ana nyɔɔ Epafarasë 'trɛɛ 'amɩ. 'Ɔɔlɔ nɩ Jesu 'Kriisëa ‑geei 'ɔ bä, 'ɔnyɩ 'nyüglö 'ana 'wli 'lɩa ‑golufufukʋa ‑gʋ ‑a nyɔsʋabibiekʋ 'lɩ, 'amä 'wʋsɔɔrɔ ‑bɛ 'amä 'tasɩrɩ wiili Nyɔsʋa 'bataa' jre.

Ebröönyüü 12:14

‑Yrɛ 'nyɩ bä 'a nyra nyüüa 'fɩɔa ‑tɔrʋpɩɔ, 'kä 'ana 'klä ‑gäääklɩ. Nyɔɔlɔ 'nyɩ nʋa' 'iin nɩ, 'ɔ ‑nëmä 'Pläkänyɔɔ ‑a 'jä.