Rɔmënyüü 6:2 - Kuö Dëdrä Jenɛɛsë Rutë

² 'Klaaklä! Anya 'a jä. 'Ii känyrɩ anya 'a ‑balʋa mlɩ 'wʋ. ‑Asɩ a ‑ka 'mä ‑balʋ mlɩ kʋ le?

Rɔmënyüü 6:2 Referans Kwoze

1 Jaan 3:9

Nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be Nyɔsʋaa 'pɛ bä 'ɔɔn 'lɩ. 'Ɔ ‑kanyɩ 'lɩ ‑a bɩa ɔ nʋ ‑balʋ, 'be Nyɔsʋaa 'jʋ 'ɔ bä.

Kolɔɔsënyüü 3:3

'Be 'anya 'a jä, ‑bɛ 'ana 'klä nyra 'Kriisëa 'klä ‑sisre Nyɔsʋa 'lɩ.

Rɔmënyüü 7:4

'Na ‑wlajü 'amɩ, 'asɩ 'a bä bɩa. ‑Dɔa 'mlɩ nɩ, jäjänyüü 'a bä 'be 'Kriisë jäa' nɩ, 'a nyra 'ɔɔn järä ‑pɩɔ 'doo 'wʋ. 'Ii känyrɩ 'ɔɔ kä 'amɩ, 'ɔɔ Nyɔsʋa 'ba 'kuaabre. 'Ii känyrɩ 'ɔɔ kä amɩ amä 'cɩca 'bü tʋ Nyɔsʋaa ‑gʋ.

1 Piɛɛrë 2:24

'Ɔa 'mʋgbɛ dɔrɔ ana ‑balʋ 'wʋ 'ɔnya ‑gbötö 'uun 'ɔa 'jajɛ 'lɩ krʋa ‑gälɩ, 'kä ‑balʋa ‑gʋ nɩ, amä ‑beere jäjänyüü, ‑bɛ 'klɩgägäkʋa ‑gʋ nɩ, amä 'lɩbänyüü bä. 'A 'ɔa ‑gbaa 'lɩgaglakʋ 'lɩ 'a 'pʋɔlɔ.

Galaatënyüü 2:19

'Be ima 'daa ‑dɔ 'lɩ nɩ, 'nyaa kä ‑dɔ 'klɩ järä. 'Ia 'fɩɔlʋ nɩ, 'mä 'Lɩbä Nyɔsʋaa ‑gʋ.

Rɔmënyüü 7:6

‑Maa dɛɛlɛ a kʋa' ‑plɩɩ ‑gälɩ nɩ, ‑dɔ ‑kanyɩ amɩ ‑gälɩ ‑a bä, 'be anya 'a jä. 'Ii känyrɩ ‑Susua 'kamakʋ dëdrä 'lɩ a ‑fɛɛɛrɛ Nyɔsʋaa 'jrʋpa. 'I ‑kanyɩ ‑kätɩdɔa 'kamakʋ 'lɩ ‑a bä.

1 Piɛɛrë 1:14

'Ba ‑träärälɩ Nyɔsʋa, ‑bɛ 'a ‑kanyɩ 'nyie ‑wawadiili ma 'kamaa' 'amɩ ‑kanyɩ 'tiere 'amɩ, ‑beere 'taɩn 'lɩ 'anyɩ käa' 'Kriisë jre.

Kolɔɔsënyüü 2:20

'A nyra 'Kriisë 'sɔ järä 'wʋ, ‑dɔlʋ kä 'fɩɔ ‑pɩ ‑tʋtʋ ‑gälɩa nyüü ‑tʋa' 'lɩ nɩ, 'anya 'a 'uun mlɩ 'wʋ. Dɛplɛɛ kä ‑gʋ 'a ‑ka 'cɛrɛ 'ana nyüfë ‑wälɩ ‑bɛ 'ü nö 'saa 'ü ‑ka ‑tʋʋä 'amɩ 'ia ‑dɔlʋ ‑gälɩ, ‑beere 'sɩrɩ ana 'klä ‑ka bäa' ‑taa 'plälä kälɩ le; ibäa':

Galaatënyüü 6:14

'Mɔɔlɔ nɩ, 'nyɩ 'bata 'na nyufaa srarakʋ ‑a, ima 'nyɩ ana 'Pläkänyɔɔ Jesu 'Kriisëa krʋaa ‑gʋ ‑a bä. 'Äa ‑gʋ 'pläa 'mlɩa diia 'fɩɔ ‑beere jäjädii 'na 'klɩ. ‑Bɛ 'na 'mʋgbɛ 'n ‑beere jäjänyɔɔ 'pläa 'mlɩa diia 'klɩ.

Rɔmënyüü 5:11

‑Bɛ ‑mää 'ia 'doo ‑a: dɔrʋ 'blaa amɩ Nyɔsʋa 'lɩ, 'ɔ ‑sröröa' ana 'Pläkänyɔɔ Jesu 'Kriisë kälɩ ‑bɛ ɔ nröröa' amɩ 'wli a nyra 'ɔɔn kɔsɔ.

Jenɛɛsë 39:9

Nyɔɔ 'nyɩ ‑pɩ ‑gbööli ‑a bä ɔmäa' 'mɩ 'wʋsi, ima 'nyɩ ‑mɩ ‑a bä. 'Be 'ɔa 'ŋlʋʋ bä. ‑Bɛ ‑asɩ 'mä 'ia ‑balʋ kpakulua nʋnʋkʋ nʋ le! Dɛplɛɛ kä ‑gʋ 'mä 'ia 'sama ‑balʋlʋ Nyɔsʋa 'klʋɩ ‑gälɩ nrörö le?»

Lukë 20:16

'Ɔnya jia; 'ɔnya 'jrʋpafɛnyüülü kʋa' ‑pɩ 'blaa, 'kä 'ɔnya 'lɩ 'jrʋpafɛnyüü ‑mölöö ‑tʋ.» Nyüülü 'nua' 'iin 'wli nɩ, 'ü ‑nëma: «'Inyɩ bäsaa!»

Rɔmënyüü 6:15

‑Asɩ le? ‑Dɔ ‑kanyɩ 'kamaa' amɩ ‑bɛ Nyɔsʋaa ‑gbinanakʋ 'kamaa' amɩ ɔ nɩ, 'a 'ia ‑gʋ amä ‑balʋ nʋ? 'Klaaklä!