Rɔmënyüü 6:13 - Kuö Dëdrä Jenɛɛsë Rutë

¹³ 'Anyɩ 'sara 'ana fugba ‑balʋ kälɩ ‑beere 'jrʋpafɛdiili 'nyɩ nʋa' 'klɩgägbi. ‑Maa 'ba 'sara 'ana fugba Nyɔsʋa kälɩ ‑beere 'lɩbänyüü sɔa' 'kuaabre, 'amä 'jrʋpafɛdiili nöa' wiili ‑gäa' 'klɩ bä,

Rɔmënyüü 6:13 Referans Kwoze

Rɔmënyüü 12:1

'Na ‑wlajü 'amɩ, Nyɔsʋaa nayatɛrɩa ‑gʋ 'n bibie 'amɩ, 'ba ‑nyɩ 'ɔɔn 'ana nyüfë ‑beere 'lɩbägbɔsadɛɛ ɛnyɩa' ‑fre pa ‑bɛ ɛ 'naa' Nyɔsʋaa ‑gʋ. 'A 'tasɩrɩa nyɔsʋabibiekʋ.

Rɔmënyüü 6:16

'Anyɩ 'saa ‑a jre 'ama ‑nyɩ 'ana nyüfë nyɔɔ kälɩ 'amä 'ɔa ‑goou bä nɩ, 'a kä 'amä 'lɩ 'ɔɔn ‑träärä? 'Ama ‑wa 'ba ‑träärälɩ ‑balʋlʋ faa' 'amɩ jäjä mlɩ, 'aiɛ 'ba ‑träärälɩ Nyɔsʋalɔ faa' 'amɩ 'klɩgägäkʋ 'lɩ.

1 Piɛɛrë 2:24

'Ɔa 'mʋgbɛ dɔrɔ ana ‑balʋ 'wʋ 'ɔnya ‑gbötö 'uun 'ɔa 'jajɛ 'lɩ krʋa ‑gälɩ, 'kä ‑balʋa ‑gʋ nɩ, amä ‑beere jäjänyüü, ‑bɛ 'klɩgägäkʋa ‑gʋ nɩ, amä 'lɩbänyüü bä. 'A 'ɔa ‑gbaa 'lɩgaglakʋ 'lɩ 'a 'pʋɔlɔ.

Kolɔɔsënyüü 3:5

'Ii känyrɩ, 'ba fio diili kä 'fɩɔ bäa' ‑pɩ ‑tʋtʋ ‑gälɩa dii, ibäa' 'amɩ 'lɩa, 'ia ‑gʋ: ‑sagbili Nyɔsʋa 'nyɩ 'bataa', ‑gbili plaa' nyɔɔ ‑fre 'lɩ, dɛɛnyükäkäkʋlʋ bäa' 'nyüsü 'wʋ ‑bɛ u bʋbɔa', nyra diili 'anyɩa' kä 'ia dɛɛnyükäkäkʋ; 'iibä ‑wäsɩa ‑pʋpʋakʋ.

Rɔmënyüü 7:5

'Taɩn 'lɩ a nʋa' bʋbɔgbili käa' 'ana plɛ 'tʋ nɩ, ‑dɔ tɛrɛ ‑balʋa 'tʋ 'kä ana 'kläa 'fɩɔa 'mlɩ amä jäjäbü tʋ.

1 Piɛɛrë 4:2

'Ii känyrɩ, 'taɩnlɩ tɩɔa' 'lɩ 'amɩ ‑pɩ ‑tʋtʋ ‑gälɩ nɩ, 'anyɩ prɛ nyüüa bʋbɔ ‑wawadii dɛrɩ; 'ba prɛ wiili Nyɔsʋa 'bataa' dɛrɩ.

Kolɔɔsënyüü 2:13

Jäjänyüü 'a ma bä 'ana ‑balʋa ‑gʋ, nyra 'anyɩ käa' 'bölö, 'ia ‑gʋ; ‑maa Nyɔsʋa nya ‑nyɩ 'amɩ ‑fʋflʋ 'a nyra 'ɔɔn 'mä 'lɩbä. 'Ɔ cere amɩ ana ‑balʋa 'fɩɔ.

1 Korɛɛntënyüü 6:20

'Be Nyɔsʋa 'pɛɛ ‑gböösa, 'ɔnya 'mä 'amɩ kä. 'Ii känyrɩ, 'a kä 'amä 'ana fugba nyra 'ana ‑susulu Nyɔsʋa käa' nʋ, 'amä 'ɔɔn 'bʋala.

1 Jaan 1:9

Nyɔsʋa 'nyɩ 'sa 'ɔa mlɩa wii ‑gälɩ ‑a, 'ɔ ‑gäklɩ. Ama 'sara 'lɩ 'ɔɔn ana ‑balʋ nɩ, 'ɔnya amɩ 'uun cerea, 'kä 'ɔnya ana bʋbɔgbia 'fɩɔ kpëtä.

1 Korɛɛntënyüü 6:15

'Anyɩ 'saa ‑a jre 'sɩrɩ ana fugba bäa' bɩa 'Kriisëa fugbaa 'pɛ ‑mɩdee? 'I 'na ‑plɩɩ 'kä nyɔɔ 'mä 'ɔa fugbalä bäa' 'Kriisëa fugba 'pɛ 'wʋdɔrɔ, 'ɛ nyra 'tutuŋlʋʋa fugba 'mä dɛɛ 'dee bä? 'Klaaklä!

Ɛfɛsënyüü 2:5

a bä käa' 'nɩmɩ jäjänyüü ana ‑balʋa ‑gʋ nɩ, 'ɔ nʋ 'iin a nyra 'Kriisë nya bä 'sɔɔwʋ 'lɩ. Nyɔsʋaa ‑gbinanakʋa ‑gʋ 'a 'wʋlɩmlɩ.

Filipënyüü 1:20

Dɛɛlɛ 'n ‑glaaa' ‑bɛ 'n 'piea' plɛgälɩ nɩ, 'iibä dɛɛa 'nyüsü ‑nëmä 'mɩ ‑a 'bla. Dɛɛlɛ 'n 'bataa' 'saarɩ nyra 'plɔʋplɔʋ nɩ, 'iibä ‑a srara 'Kriisëa 'bʋabʋakʋ 'na fugbaa 'mlɩ 'taɩn 'lɩ 'n ‑ka fioa' nyra 'na jäjäkʋ 'lɩ.

1 Korɛɛntënyüü 6:9

'Anyɩ 'saa ‑a jre 'sɩrɩ nyüülü 'nyɩa' 'klɩgä ‑nëmäa' kʋfa Nyɔsʋaa 'kamapläa 'mlɩ kälä? 'Anyɩ ‑trɔɔrɔ 'ana nyüfë: nyüülü 'nöa' ‑sagbili Nyɔsʋa 'nyɩ 'bataa' nyra ‑wäsɩapʋpʋanyüü, nyüülü 'paa' bätësa, nyra nyüberülü ‑bɛ nyɩberü 'piea',

Rɔmënyüü 6:19

'Ana 'nunukʋ klalɩ, 'a 'ia ‑gʋ 'n 'paa 'saa wii. 'A 'saa' 'klɩ nɩ, 'a nrörö 'ana fugba ‑frepadiia ‑geei 'lɩ ‑bɛ ‑balʋ 'tiere 'amɩ ‑balʋ 'lɩ. 'Ba nrörö ‑mlatɩ 'ana fugba 'klɩgägäkʋa ‑geei 'lɩ ‑bɛ i 'tiere 'amɩ 'klälä 'nyɩa' ‑fre paa 'mlɩ.

2 Korɛɛntënyüü 10:4

'be ana tafudii 'nyɩ nyɔɔa nʋnʋdii ‑a bä, ‑maa Nyɔsʋa kälɩ 'ia 'klü sɔ 'imä diili kä 'fɩɔ ‑sɔɔrɔa' 'wʋ, imäa' 'ɔɔn 'klɩ 'nyüglö bʋblɔ.

Rɔmënyüü 6:11

'Ii känyrɩ nɩ, 'ama 'jä ‑balʋ nɩ, 'ba 'jä 'ana nyüfë ‑beere jäjänyüü, ‑bɛ 'anya Jesu 'Kriisë ana 'Pläkänyɔɔ ‑maa' nɩ, 'ba bä 'lɩbänyüü Nyɔsʋaa ‑gʋ.

Ɛfɛsënyüü 5:14

'A 'ia ‑gʋ 'ü nö: Tɛkä, ‑mɔ 'mʋmɔa', sɔ jäjänyüüa ‑tɔrʋpɩɔ: 'Kriisë 'mä ‑mɩ 'ɔa 'napɛ ‑gälɩ ŋʋala.

2 Korɛɛntënyüü 8:5

‑Bɛ wiili ana plɛ bä ɩa' ‑gba, ‑mää ‑plɩɩa 'doo 'ünyɩ 'blörö, ‑maa 'ü ‑nyɩ ‑kätɩ 'üa nyüfë 'Pläkänyɔɔ 'ünya 'mä amɩ 'üa nyüfë ‑nyɩ, 'sɩrɩ Nyɔsʋa 'bataa'.

2 Korɛɛntënyüü 5:15

'Ɔ jä nyüüa 'fɩɔa ‑gʋ, 'kä nyüülü bäa' 'lɩ 'mä 'lɩbä 'ɔa ‑gʋ, 'ümä 'lɩbä 'ɔɔlɔ jäa' ‑bɛ ɔ sɔa' 'kuaabre 'üa ‑gʋ.

Rɔmënyüü 7:23

‑Maa ‑dɔ ‑moloo 'n 'järäa' 'na fugbaa 'mlɩ, 'uu ‑bɛ 'na bobowlia ‑dɔ ‑fuuö, 'ia ‑dɔlʋ nrörö 'mɩ ‑balʋa ‑dɔa ‑geei 'lɩ, ‑bɛ 'u 'nyɛrɛ 'na fugbaa 'mlɩ.

Lukë 15:32

‑Maa a kä amä ‑glɩsɩglɩsɩ nʋ, amä 'bri; ‑na ‑wlajʋ 'a ɩ jä, ‑maa 'ɔ 'a 'wʋsɔ. 'Ɔ 'mɔlɔ ɩ, ‑maa 'ɔ 'a 'järä.› »

Jaakë 4:1

‑A 'plɛɛ tou nyra 'blarʋ sɔrɔ 'klɩ ‑bɛ 'u bä 'ana ‑tɔrʋpɩɔ le? ‑Mää bʋbɔwiili 'a ‑waaa' 'saa, ‑mää 'iin 'nyɩ ja 'imɩ ‑bɛ 'ana plɛ 'nyɩ 'kʋkrʋɛɛlɩ?

Rɔmënyüü 1:29

'Ü 'si ‑balʋgbia 'kaɩn 'kaɩn 'klɩ: ‑saa ‑balʋ, plɛbʋbɔkʋ, dɛɛnyükäkäkʋ, bʋbɔgbi, 'bablakʋ, 'blarakʋ, yrʋkäkäkʋ, ‑gbʋgblʋʋkänyüü. ‑Tutronyüü 'ü bä,

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Lukë 15:24

'Na 'jʋlɔ kʋa' ‑pɩ jä ɩ, ‑maa 'ɔ 'a 'wʋsɔ; 'nyaa 'na 'jʋlɔ 'mɔlɔ ɩa' 'jä!› 'Ünya cɛtɛ ‑glɩsɩglɩsɩ.

2 Tɛsalonikënyüü 2:12

‑Bɛ nyüülü kä 'fɩɔ 'nyɩa' 'cɩcasa wii 'dara, ‑bɛ ‑gbagblɛ käa' 'tʋ nɩ, 'üa ‑gä 'mä ‑träärä.

2 Korɛɛntënyüü 5:14

'Kriisëa ‑wawakʋ 'tuto amɩ, 'be anya 'a 'nu 'sɩrɩ nyɔɔ 'doo ma jäa' nyüüa 'fɩɔa ‑gʋ nɩ, 'iibä nyüüa 'fɩɔ jä.

2 Timotee 2:15

'Pa 'kpɔɔ ‑mä Nyɔsʋa 'tʋkä ‑beere 'mʋfa 'jrʋpafɛnyɔɔ 'nyɩa' 'nyüsü kä ‑bɛ ɔ 'kpɩaa' nyüü 'mʋfasa 'papawiili bäa' 'cɩcasa.