Rɔmënyüü 6:12 - Kuö Dëdrä Jenɛɛsë Rutë

¹² 'Anyɩ 'cɛrɛ ‑balʋ ‑wälɩ 'unyɩ kälä 'ana fugbalä 'mäa' ‑srɩɩ jä 'klü ‑gälɩ, ‑bɛ 'anyɩ 'dara 'äa dɛɛnyükäkäkʋ wii.

Rɔmënyüü 6:12 Referans Kwoze

Galaatënyüü 5:16

'Ii känyrɩ, ‑jäsɩ 'n ‑gbalaa' 'amɩ nɩ: 'Ba 'cɛrɛ 'Nyüna ‑Susu ‑wälɩ 'umä 'amɩ 'tiere, 'a ‑pɩ bʋbɔgbili 'ana plɛ 'bataa' nʋ.

Rɔmënyüü 6:16

'Anyɩ 'saa ‑a jre 'ama ‑nyɩ 'ana nyüfë nyɔɔ kälɩ 'amä 'ɔa ‑goou bä nɩ, 'a kä 'amä 'lɩ 'ɔɔn ‑träärä? 'Ama ‑wa 'ba ‑träärälɩ ‑balʋlʋ faa' 'amɩ jäjä mlɩ, 'aiɛ 'ba ‑träärälɩ Nyɔsʋalɔ faa' 'amɩ 'klɩgägäkʋ 'lɩ.

Rɔmënyüü 8:13

'be 'ama nʋ wiili 'ana 'jajɛ 'bataa' nɩ, 'anya jäa. ‑Maa Nyɔsʋaa ‑Susu ma ji 'amɩ ‑gba ‑bɛ 'ama 'bla wiili 'ana fugba 'bataa' nɩ, 'anya 'klä 'jäa.

Galaatënyüü 5:24

Nyüülü bäa' Jesu 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.

2 Korɛɛntënyüü 4:11

A bälɩ, ‑maa a 'jää jäjäwʋ 'taɩn a 'fɩɔ 'lɩ Jesua ‑gʋ, 'kä 'ɔa 'klä 'mä bɩa 'wʋcrɛrɛ ana jäjäfugbaa 'mlɩ.

2 Timotee 2:22

Fɔlɔ ‑sëgbadɛɛa bʋbɔgbi 'klɩ. Nyüülü nöa' 'üa plɛa 'fɩɔ ü wea' 'Pläkänyɔɔ nɩ, 'üa ‑gba ‑a ‑baatra 'klɩgägäkʋ, nyɔsʋaplɛtorokʋ, ‑wawakʋ nyra plɛgälɩflɛrɛkʋ.

Ɛfɛsënyüü 4:22

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.

Rɔmënyüü 2:8

‑Maa ‑mülü nöa' 'üa plɛklɩa wii, ünyɩ ‑trääräa' 'lɩ 'cɩcasa ‑bɛ 'ü ‑trääräa' 'lɩ wiili 'nyɩa' 'klɩgä nɩ, 'üülü nɩ, Nyɔsʋa nya 'üün 'ɔa 'crɛ kpaki ‑gälɩ 'sɔrɔa.

1 Piɛɛrë 2:11

'Na ‑wawanyüü 'amɩ, 'amɔ bäa' nyɔtugbanyüü ‑taa ‑tʋtʋlʋa ‑gälɩ jrüü jiea ‑gʋ, 'n bibie 'amɩ, 'ba 'cɛrɛ bʋbɔgbili 'a 'bataa' ‑wälɩ; 'ii nyra 'ana ‑susu ‑fuuö tou.

Titë 2:12

'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.

Ɛfɛsënyüü 2:3

‑Kätɩsa nɩ, ana 'mʋgbɛ ma bä 'ia nyüülüa ‑tɔrʋpɩɔ. Bʋbɔgbili ma käa' ana plɛ 'tʋ 'ii a ma nö, ‑bɛ wiili ana 'jajɛ nyra ana bobowli 'bataa' 'ii a ma nö. Nyɔsʋaa 'crɛ ‑nyrɔ bä ɩ amɩ ‑gälɩ ‑beere ‑mülü.

Judë 1:18

wiili bä käa' ‑maa ta nɩ, srörönyüü nya jia 'ümä 'üa bʋbɔ bobowiia 'sa 'nyɛ.

1 Piɛɛrë 1:14

'Ba ‑träärälɩ Nyɔsʋa, ‑bɛ 'a ‑kanyɩ 'nyie ‑wawadiili ma 'kamaa' 'amɩ ‑kanyɩ 'tiere 'amɩ, ‑beere 'taɩn 'lɩ 'anyɩ käa' 'Kriisë jre.

Titë 3:3

Ana 'mʋgbɛlü nɩ, anyɩ kä 'lɩ ‑a ‑gla, a ma blajra, 'mɔlɔnyüü a ma bä. Dɛɛnyü nyra bʋbɔdiili käa' ana plɛ 'tʋ 'ia ‑goou a ma bä. Plɛbʋbɔkʋ nyra ‑wasägbi 'lɩ a ma kʋ, nyüü ma jrara amɩ 'nyüamlɩ ‑bɛ a ma jrajranyüamlɩ.

1 Tɛsalonikënyüü 4:5

'ɔnyɩ 'cɛrɛ bʋbɔgbi ‑wälɩ 'inyɩ fa 'ɔa plɛ, ‑beere nyüülü 'nyɩa' Nyɔsʋa jre.

Rɔmënyüü 13:14

‑Maa 'ba pa 'Pläkänyɔɔ Jesu 'Kriisë 'lɩ ‑beere 'kotu, 'anyɩ bobo 'nɩmɩ bʋbɔgbili käa' plɛ 'tʋ 'kä 'amä 'ana plɛ 'wʋ 'cie.

Rɔmënyüü 8:11

Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ.

Rɔmënyüü 6:14

'be ‑balʋ ‑ka ‑nëmä 'amɩ 'klü ‑gälɩ ‑a kälä. ‑Dɔ ‑kanyɩ 'kama 'amɩ ‑a, ‑maa Nyɔsʋaa ‑gbinanakʋ 'uu 'kama 'amɩ.

Rɔmënyüü 5:21

‑Kätɩsa ‑balʋ ma kälä nyüü 'klü ‑gälɩ 'u ja jäjä, 'asɩ Nyɔsʋaa ‑gbinanakʋ nëmä nyüü 'klügälɩ kälä 'umä 'üün 'klɩgä, 'ümä ana 'Pläkänyɔɔ Jesu 'Kriisë kälɩ ‑srörö 'ümä 'klälä 'nyɩa' blöröfa kä 'jä.

Judë 1:16

'A nyüülü 'palaa' plɛ 'lɩ wii ‑bɛ ü ‑tʋʋäa' 'crɛa 'doo; wiili 'ü 'bataa' 'ia 'sa 'ü 'nyɛɛ. ‑Tɔklʋbɔtɔwiia 'doo 'cie 'üa mlɩ, 'ü 'sara nyüü ‑gbagblɛ 'ümä 'üün dɛɛ kälɩ 'järä.

2 Korɛɛntënyüü 5:4

A ‑ka kʋa' ana ‑tete ‑wälɩ ‑pɩ ‑tʋtʋ ‑gälɩ nɩ, a pütö ‑beere kälɩbädii a ‑gbötö. 'Be ‑mää 'kä diigbaba tʋ 'blaa amɩ ‑a, ‑maa ‑pasakotulu bäa' cɛlɩ a 'bata amä 'lɩpa, ‑bɛ 'klä 'mä ‑plɩɩ jäjäfugba 'ba.

Jenɛɛsë 4:7

‑Ama kä 'cɩcagbi, ‑na 'klʋɩ nyaa 'wʋflɛrɛa. ‑Maa ‑ama 'nyɩ 'cɩcagbi ‑a kä nɩ, ‑balʋ 'pi ‑na nyukumla 'klɩ ‑beere mrɛɛ 'bataa' ‑na kpakplakʋ. ‑Maa mɔ kä ‑mä 'wʋsi.»