Rɔmënyüü 5:8 - Kuö Dëdrä Jenɛɛsë Rutë

⁸ ‑Maa ‑jäsɩ Nyɔsʋa srara amɩ 'sɩrɩ 'ɔ ‑waa' amɩ: 'taɩn 'lɩ a ‑ka bäa' ‑balʋnyüü nɩ, 'a 'ia 'taɩn 'lɩ 'Kriisë jä ana ‑gʋ.

Rɔmënyüü 5:8 Referans Kwoze

Jaan 15:13

Abɩa nyɔɔ 'sa 'ɔa nyufa 'ɔa ‑gbötümüa ‑gʋ nɩ, 'ia ‑wawakʋ 'nyɩ 'sɔɔa nu ‑a kä.

Jaan 3:16

'Be Nyɔsʋa ‑wa 'plä ‑gböösa, 'ɔnya 'sa 'ɔa 'jʋ 'doo 'doo, 'ia ‑gʋ nyɔɔ o nyɔɔ toroa' 'ɔɔn plɛ ‑pɩ jä, ‑maa 'ɔmä 'klälä 'nyɩa' blöröfa kä 'jä.

Rɔmënyüü 5:6

'Iibä, 'taɩn 'lɩ anyɩ käa' 'klü kä, ‑bɛ 'ɔa 'taɩnlɩ jräa' 'wli nɩ, 'Kriisë nya jä ‑balʋnyüüa ‑gʋ.

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

1 Jaan 3:16

Amɔlɔ nɩ, a jre dɛɛlɛ bäa' ‑wawakʋ, 'be 'ɔ 'sa 'ɔa 'klä ana ‑gʋ. Ana 'mʋgbɛlü nɩ, a kä amä ana 'klä ‑nyɩ ana ‑wlajüa ‑gʋ.

Ɛfɛsënyüü 2:7

'Ɔ nʋa' 'imɩ nɩ, 'ɔmä ‑sraakäpɩa nyüü 'ɔa ‑gbinanakʋlʋ 'ɔnyɩ nyakaa' srara, 'a ‑gbinanakʋlʋ 'ɔ srörö 'Kriisë Jesu kälɩ 'ɔ srara amɩ.

Rɔmënyüü 4:25

'Ɔ 'sara ana ‑balʋa ‑gʋ; Nyɔsʋa 'ba 'ɔɔn 'kuaabre 'ɔmä amɩ 'klɩgä 'ɔa 'klɔɔtrʋ.

1 Timotee 1:16

‑Maa Nyɔsʋa 'jä 'na nyatɛrɩ, 'kä Jesu 'Kriisë 'mä 'mɩ kälɩ ‑srörö, 'mɔɔ bäa' ‑balʋnyüüa 'wliklɩa nɔ nɩ, ‑bɛ 'ɔmä 'ɔa plɛböblökʋa 'fɩɔ srara. 'Ɔ nʋ 'imɩ 'ɔmä nyüü srara 'sɩrɩ 'ɔ 'mrɛɛa' 'ɔmäa' nʋ ‑bɛ nyüülü toroa' 'ɔɔn plɛ 'mäa' 'klälä 'nyɩa' blöröfa kä 'jä.

Rɔmënyüü 5:20

‑Dɔlɔ nɩ, 'u ji bʋbɔgbi 'mä ‑sümlö ‑gböösa. ‑Maa ‑plɩɩlɩ ‑balʋ ‑sümlöa' nɩ, Nyɔsʋaa ‑gbinanakʋ 'papla 'sɔɔwʋ ‑gälɩ.

Rɔmënyüü 3:5

‑Maa ima 'daa ana bʋbɔgbili 'ii srara 'sɩrɩ Nyɔsʋa ‑gäa' 'klɩ nɩ, ‑asɩ anya ‑gba le? 'Kä anya 'daa Nyɔsʋa 'nyɩ 'klɩ ‑a ‑gä dɛɛlɛ kä ‑gʋ 'ɔa 'crɛ 'cerea' amɩ ‑gälɩ? 'Sɩrɩ nyɔɔ 'mä ɩa' wii 'pa 'asɩ 'n 'pawii.

Rɔmënyüü 5:7

'I klalɩ nyɔɔ 'mä 'klɩgänyɔɔa ‑pi 'lɩ järä; ‑beeredɛ nyɔɔ 'mrɛɛ 'ɔ järä 'cɩca nyɔɔa ‑pi 'lɩ.

Rɔmënyüü 8:32

'Ɔɔ 'nyɩa' 'ɔa 'Jʋ 'klɩbere ‑bɛ ɔ 'saa 'ɔɔn ana 'fɩɔa ‑gʋ, ‑asɩ 'ɔ ‑nëmä bɩa 'ɔa 'Jʋ nyra amɩ diia 'fɩɔ ‑nyɩ le?

Rɔmënyüü 8:39

'aiɛ dɛɛlɛ bäa' cɛ 'lɩ, 'aiɛ ɛ bäa' ‑tʋtʋ 'wʋ, 'aiɛ ‑fälɩa dɛɛ ‑mɩdee 'nyɩ 'lɩ ‑a bɩa i 'ba amɩ Nyɔsʋaa ‑wawakʋlʋ 'ɔ sraraa' amɩ ana 'Pläkänyɔɔ Jesu 'Kriisë 'lɩ kälɩ.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Ebröönyüü 8:3

‑Gbɔsapɛrɩnyɔɔ kpakö kʋ ‑plɩɩ 'ɔmä nyüüa Nyɔsʋaa ‑pʋpʋadii nyra 'üa ‑gbɔsadii 'wʋdɔdrɔ 'ɔmä 'iin Nyɔsʋa ‑nyɩ. 'Ɔa 'mʋgbɛ kä bɩa dɛɛa 'sasakʋ.